მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩვენი ტკივილი რისხვად გადაიქცა" - მწვავე პროტესტი და შეტაკებები ათენში: მატარებლების შეჯახების საქმეზე ერთი ადამიანია დაკავებული, ტრანსპორტის მინისტრი კი გადადგა
10:44 / 02-03-2023
პირველ მარტს საბერძნეთში უდიდესი ტრაგედია მოხდა. ერთმანეთს სამგზავრო და სატვირთო მატარებლები შეეჯახა, რასაც ათობით ადამიანის სიცოცხლე ემსხვერპლა. ბოლო მონაცემებით, გარდაცვლილთა რაოდენობა 43-მდე გაიზარდა.
მედიის ცნობით, დაღუპულთა შორის უმეტესობა სტუდენტები, 20 წლის ახალგაზრდები არიან, რომლებიც თესალონიკში ბრუნდებოდნენ. მას შემდეგ, რაც შაბათ-კვირას მართლმადიდებლური მარხვის დაწყება აღნიშნეს.
საბერძნეთის პრემიერ-მინისტრმა, კირიაკოს მიცოტაკისმა, სამდღიანი გლოვა გამოაცხადა და სახელმწიფო დროშების დაშვების განკარგულება გასცა. "ეს არის საშინელი სარკინიგზო ავარია, რომელიც უპრეცედენტოა ჩვენი ქვეყნისთვის“, - აღნიშნა პრემიერმა. კირიაკოს მიცოტაკისმა პირობა დადო, რომ მომხდარის მიზეზების დასადგენად სრულყოფილი და დამოუკიდებელი გამოძიება ჩატარდება.
ტრაგედიის შემდეგ საბერძნეთის ტრანსპორტის მინისტრი გადადგა და განაცხადა, რომ პასუხისმგებლობას იღებს. მისი თქმით, სარკინიგზო სისტემა დიდი ხნის განმავლობაში გამოსასწორებელი იყო და არ შეესაბამებოდა 21-ე საუკუნის სტანდარტებს.
ლარისაში სადგურის 59 წლის თანამშრომელი დააკავეს გაუფრთხილებლობით სხვისი სიცოცხლის მოსპობის მუხლით. დაკავებულმა უარყო რაიმე სახის დარღვევა და ავარიის გამომწვევ მიზეზად ტექნიკური ხარვეზი დაასახელა.
- მომხდარი ტრაგედიის შემდეგ საბერძნეთის სხვადასხვა ქალაქში მწვავე საპროტესტო აქცია გაიმართა. ათენში შეტაკებები იყო მომიტინგეებსა და აქციის მონაწილეებს შორის Hellenic Train-ის ოფისთან. ეს არის კომპანია, რომელიც პასუხისმგებელია საბერძნეთის რკინიგზის გამართულად მუშაობაზე.
საპროტესტო აქციები ასევე გაიმართა სალონიკში და ქალაქ ლარისაში, სადაც ეს ტრაგედია მოხდა. საბერძნეთის სარკინიგზო კავშირის წევრები თვლიან, რომ უსაფრთხოების სისტემა არ მუშაობდა გამართულად და ამის შესახებ შესაბამის უწყებებს მრავალი წლის განმავლობაში აფრთხილებდნენ.
"ჩვენი ტკივილი რისხვად გადაიქცა ათეულობით დაღუპული და დაშავებული თანამოქალაქის გამო; საბერძნეთის რკინიგზის მიმართ მთავრობების მიერ წლების განმავლობაში გამოვლენილმა უპატივცემულობამ გამოიწვია ეს ტრაგიკული შედეგი“, - ნათქვამია საბერძნეთის პროფკავშირის მიერ გამოქვეყნებულ განცხადებაში.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ღმერთო რამხელა ტრაგედიაა,ვუსამძიმრებ ბერძენ ხალხს....ისე ნამუსიანი ტრანსპორტის მინისტრი კი ყოლიათ.....
ასე ხდება ნორმალურ ქვეყანაში. პასუხისმგებელი პირი, მინიმუმ გადადგომაზე წერს განცხადებას. ჩვენთან: საწყალი კახი, ყველაზე მეტად ეგ განიცდის. რა მაგის ბრალია?! და ასეთები. იგივე ეხება სხვა ჩინოვნიკებსაც. მაგალითად, ბათუმში საცლის ჩამონგრევახე, სახელმწიფო უწყების პასუხისმგებლობა-0.