"შესანსლე ყოფილი"  - ვალენტინობისთვის ზოგიერთი ზოოპარკი  გულგატეხილ ადამიანებს ყოფილზე შურისძიების გზას სთავაზობს

ეს სტატია გულგატეხილებისთვისაა - მათთვის, ვისაც საყვარელმა ადამიანებმა ძალიან აწყენინეს. ვალენტინობის დღეს სოლსბერის ზოოპარკი თქვენი გატეხილი გულებით ისარგებლებს, თუმცა ვალშიც არ დაგრჩებიან - ისინი შემოსავალს მიიღებენ, თქვენ კი ყოფილ შეყვარებულებზე "შურს იძიებთ."

• როგორ მოიოხოთ გული?

"შეწირულობის სანაცვლოდ, თქვენ მიერ შერჩეული ცხოველის ვიდეოს მიიღებთ, რომელშიც ის თქვენი ყოფილი შეყვარებულის სეხნია მწერს შეჭამს", - აცხადებენ ზოოპარკის ადმინისტრაციაში.

ზოოპარკი თავის შემომწირველებს მეტად უჩვეულო სერვისს სთავაზობს: 5$-ის სანაცვლოდ საშუალება გაქვთ, შერჩეულ მწერს თქვენი ყოფილის სახელი დაარქვათ და შემდეგ უყუროთ, თუ როგორ შესანსლავს მას რომელიმე მტაცებელი ცხოველი.

რაც შეეხება სან ანტონიოს ზოოპარკს, თუ თქვენ “Cry Me a Cockroach”-ის შემოწირულობაში 150$-ზე მეტს გადაიხდით, ისინი ვიდეოს გაახმოვანებენ კიდეც და მეტიც, თქვენს ყოფილ შეყვარებულს გაუგზავნიან.

"შესაძლოა, ყოველთვის ვერ ახერხებდეთ სწორი სიტყვების პოვნას, მაგრამ ყოველთვის შეგიძლიათ შეაშინოთ ისინი", - აცხადებენ ზოოპარკში.

• შემდეგ კი ისინი თავიანთ კლიენტებს არწმუნებენ, რომ მათი შეყვარებულებისგან განსხვავებით, ტარაკნები სამუდამოა: "შეარჩიეთ ტარაკანა თქვენს ვალენტინად, ტარაკნები სამუდამოა".

როგორც ზოოპარკების ადმინისტრაციაში ამბობენ, "ყოფილების შესანსვლის" სერვისით უმეტესად ქალები სარგებლობენ.

წყარო: washingtonpost

მოამზადა ანა სიბოშვილმა