"ღმერთის იმედს ვერ დავკარგავ..." - 67 წლის მეჰმეთ ნასირი რამდენიმე დღეა ელოდება, როდის ამოიყვანენ მისი ოჯახის 5 წევრს ნანგრევებიდან
ფოტოზე აღბეჭდილი 67 წლის მამაკაცი მეჰმეთ ნასირ დურანია, რომელიც უყურებს, როგორ ასუფთავებენ დანგრეულ შენობებს მძიმე მანქანები. ერთ-ერთ შენობაში მისი ოჯახის ხუთი წევრია ჩარჩენილი... სურათი ნურდაგში, თურქეთის სამხრეთ-აღმოსავლეთშია გადაღებული, ხუთშაბათს, 2023 წლის 9 თებერვალს.
ნურდაგში, დაახლოებით, 40 000 ადამიანი ცხოვრობდა. თოვლიან მთებში მდებარე ეს პატარა დასახლება მიწისძვრის ეპიცენტრიდან დაახლოებით 56 კილომეტრის დაშორებით მდებარეობს. ახლა აქ უამრავი ადამიანია ჩამოსული სხვადასხვა ქალაქებიდან, რომლებიც გადარჩენილ ან გარდაცვლილ ახლობლებს ეძებენ.
67 წლის მეჰმედ ნასირი შორიდან უყურებდა, როგორ დაიწყეს ბულდოზერებმა დანგრეული შენობის გასუფთავება. სწორედ იქ მოჰყვნენ მისი ოჯახის ხუთი წევრი - მათ შორის, სამი შვილი და სამი თვის შვილიშვილი.
ამ ოპერაციას სამაშველო აღარ ჰქვია, უბრალოდ, ნარჩენებს ანგრევენ.
"აღარ არის იმედი. ღმერთის იმედს ვერ დავკარგავთ, მაშველები დანგრევამდე შენობაში სპეციალური სმენის აპარატებითა და ძაღლებით შევიდნენ, მაგრამ იქ არაფერი იყო" - თქვა ნასირმა. სამი დღეა, რაც შენობის გვერდით სკამზე ზის და ელოდება...
კაცი ამბობს, რომ დაახლოებით 80 ადამიანი ჯერ კიდევ ჩამონგრეულ შენობაშია ჩარჩენილი, მაგრამ არ სჯერა, რომ რომელიმე მათგანი ცოცხალი აღმოჩნდება.
ნურდაგში თითქმის არ არის შემორჩენილი შენობა, რომელსაც სერიოზული დაზიანება არ მიუღია. იმ ადგილებში, სადაც ითვლებოდა, რომ კიდევ შეიძლებოდა გადარჩენილები ყოფილიყვნენ, მუშები იყენებდნენ ცულებს, ჩაქუჩებს და ნიჩბებს ბეტონის ნაჭრებში და არმატურის დაგრეხილ კვანძებში სიცოცხლის ნიშნის აღმოსაჩენად.
მეჰმეთი ამბობს, რომ მათი გარდაცვლილი სხეულების პოვნა მცირე სიმშვიდეს მოუტანს.
იხილეთ ასევე: