პარტნიორები:
ავტორი:

"შეპირებული იყო ბატონი ბადრი...." - ხვიჩა კვარაცხელიას მშობლებმა გუშინდელი გამარჯვება ქართველებთან ერთად აღნიშნეს: რა ფოტოები ვრცელდება ნეაპოლიდან

"შეპირებული იყო ბატონი ბადრი...." - ხვიჩა კვარაცხელიას მშობლებმა გუშინდელი გამარჯვება ქართველებთან ერთად აღნიშნეს: რა ფოტოები ვრცელდება ნეაპოლიდან

დათო ლიკლიკაძე, რომელიც სხვა ცნობილ ქართველებთან ერთად ნეაპოლში ხვიჩა კვარაცხელიას საგულჭამეტკივროდ ჩავიდა, ფეხბურთელის მშობლებთან გადაღებულ ფოტოს აქვეყნებს, წარწერით:

"ბადრი და მაკა კვარაცხელიები, ხვიჩას მშობლები. სასტუმრო "პარკერის" ტერასაზე აღვნიშნავთ კვარას გუშინდელ გამარჯვებას. შეპირებული იყო ბატონი ბადრი, თუ ნაპოლი მოიგებდა ვახშამზე დამპატიჟებდა. ასეც მოხდა!" - წერს ლიკლიკაძე.

ასევე კვარაცხელიას მშობლებთან გადაღებულ ფოტოს აქვეყნებს ნიკოლოზ წულუკიძეც:

"შეუფასებელი საჩუქარი ხვიჩას მშობებისგან" - წერს ტელეწამყვანი. როგორც ჩანს მან საჩუქრად "კვარას" მაისური მიიღო.

ცნობისთვის, გუშინ სერია A-ს მე-18 ტურის ცენტრალური მატჩი ნეაპოლში გაიმართა, სადაც ერთმანეთს იტალიური ჩემპიონატის ლიდერები დაუპირისპირდნენ - ხვიჩა კვარაცხელიას "ნაპოლიმ" "იუვენტუსს" უმასპინძლა და გაიმარჯვა, ანგარიშით: 5:1.

მასპინძელთა გუნდის ქართველმა გარემარბმა ხვიჩა კვარაცხელიამ თამაში ძირითად შემადგენლობაში დაიწყო და უდიდესი როლი ითამაშა მატჩის ბედის წარმართვაში. უნდა აღინიშნოს, რომ ამ მატჩის შემდეგ კრიტიკოსებს, რომლებმაც ტრავმის შემდეგ მოედანზე დაბრუნებისა და 2 რთული მატჩის შემდეგ მის მიმართ უარყოფითი შეფასებები არ დაიშურეს, ხვიჩას თაობაზე გამოთქმული სკეპტიკური პროგნოზების უკან წაღება მოუწევთ.

ქართველი ძველებურად ათამაშდა და "ნაპოლის" თამაშის ხარისხიც გაუმჯობესდა. სპალეტიმ ხვიჩა 87-ე წუთზე შეცვალა, კვარაცხელია მარადონას სახელობის სტადიონზე შეკრებილმა მაყურებელმა ფეხზე წამომდგარმა, ტაშით გააცილა..."იუვენტუსთან" მატჩის საუკეთესო Whoscored-მა ხვიჩა კვარაცხელია ფეხბურთელად დაასახელა.

ნახეთ ასევე:

ტეგები თემაზე: