მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ამბობენ, რომ დასავლელებს ენდრიუ ტეიტი სჭირდებათ, რადგან ფემინისტები ჩაგრავენ" - "თალიბანი" ენდრიუ ტეიტის დაკავების გამო დამწუხრებულია
14:46 / 03-01-2023
მედიის ინფორმაციით, "თალიბანი" პოპულარული ინფლუენსერის, ყოფილი მოკრივის, ენდრიუ ტეიტის ბედზე ღელავს, რადგან მას ქალების სექს ტრეფიკინგისა და პორნოგრაფიულ ვიდეოებში მონაწილეობაში იძულებისთვის გასამართლება ემუქრება.
ტეიტი, რომელსაც "ტოქსიკური მამაკაცურობის მეფედ" და "საშიშ მიზოგინისტად" მოიხსენიებენ, რამდენიმე დღის წინ რუმინეთში დააკავეს.
მართალია, ენდრიუ საკუთარ თავს, ქალების უფლებადამცველს უწოდებს, თუმცა არავის ავიწყდება მისი კომენტარი, რომლის მიხედვითაც, ტეიტის აზრით, თუ ქალი გააუპატიურეს, რაღაც პასუხისმგებლობა მასაც (მსხვერპლ ქალს) ეკისრება და მან გაუპატიურების მსხვერპლ ქალებს პასუხისმგებლობის აღებისკენ მოუწოდა.
ექსცენტრიკული ენდრიუს იდეებსა და შეხედულებებს ბევრი მოწინააღმდეგე ჰყავს, თუმცა ბევრიც იზიარებს. მათ შორისაა ყოფილი "მის ნიუ ჯერსი" სამირა ხანი, რომელსაც ტეიტმა, თანამოაზრეობის გამო, "ცოლი" უწოდა.
სწორედ სამირა ავრცელებს ინფორმაციას, რომ ის "თალიბანის" წარმომადგენლებს ესაუბრა და ტეიტის ბედით ძალიან დამწუხრებულები არიან.
"ისინი შეწუხებულები არიან ენდრიუ ტეიტის გამო და მეკითხებიან, უკვე გაათავისუფლეს თუ არა. ამბობენ, რომ დასავლელებს ენდრიუ ტეიტი სჭირდებათ, რადგან ფემინისტები ჩაგრავენ",- წერდა "ტვიტერზე" სამირა ხანი.
ხანი 36 წლის ტეიტის აქტიური მხარდამჭერია. გასულ თვეში ქალმა დაწერა, რომ ის ენდრიუს დაცვას განსაკუთრებით იმ მიზეზის გამო განაგრძობს, რომ ეს მემარცხენეებს აღიზიანებს.
ცნობისთვის, ენდრიუ ტეიტი რუმინეთის ხელისუფლებამ მას შემდეგ დააკავა, რაც მის მიერ გამოქვეყნებულ ვიდეოში ადგილობრივი პიცერიის ყუთი შენიშნეს. ქვეყნის მთავრობამ ყუთის საშუალებით დაასკვნა, რომ ინფლუენსერი რუმინეთში იმყოფებოდა და მის სახლში რეიდი ჩაატარეს.
დააკავეს ასევე ენდრიუს ძმაც. მათ ბრალი ედებათ ტრეფიკინგში. ტეიტის დაკავებას მილიარდერი ილონ მასკიც გამოეხმაურა. "ხანდახან ჯობია, რომ პიცა სახლში გააკეთო",- დაწერა ხუმრობით მასკმა.
წყარო: nypost
მოამზადა: ანა სიბოშვილმა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
