ვალერი მელაძეს კორპორატიულ კონცერტზე მიმართეს ფრაზით: "Слава Україні!“ - მომღერლის პასუხის გამო, მისთვის რუსეთის მოქალაქეობის ჩამორთმევას ითხოვენ
რუსეთის დუმასა და ფედერაციის საბჭოში მომღერალ ვალერი მელაძისთვის რუსეთის მოქალაქეობის ჩამორთმევას ითხოვენ.
საქმე ისაა, რომ 2 იანვარს, ვალერი მელაძემ დუბაიში საახალწლო კორპორატიულ წვეულებაზე იმღერა. ერთ-ერთ მომენტში, როდესაც სცენასთან ახლოს იმყოფებოდა, მსმენელი გამოელაპარაკა და მიმართა: "Слава Україні!“, " Героям слава“ - უპასუხა მელაძემ, თუმცა მიკროფონის გარეშე... მიკროფონში კი თქვა, რომ პოლიტიკას არ ეხება. ვიდეო სოციალური ქსელებით ვირუსულად გავრცელდა.
რუსეთის პარლამენტის ზედა პალატის, ფედერაციის საბჭოს წევრმა ელენა აფანასიევამ ვალერი მელაძის საქციელს "პირუტყვობა" და "ღალატი" უწოდა და მისთვის მოქალაქეობის ჩამორთმევა მოითხოვა.
<script async src="https://telegram.org/js/telegram-widget.js?21" data-telegram-post="shot_shot/47606" data-width="100%"></script>შეგახსენებთ, რომ ვალერი მელაძის პოზიციამ უკრაინაში მიმდინარე ომის შესახებ, რუსი გულშემატკივრები ჯერ კიდევ მარტში გაანაწყენა. ამის გამო, მომღერალი აკრძალული შემსრულებლების სიაში მოხვდა და რუსეთში კონცერტების გარეშე დარჩა. მაგრამ ის აგრძელებს რუსეთში ცხოვრებას და ხშირად გამოდის კორპორატიულ წვეულებებზე და კონცერტებს ატარებს საზღვარგარეთ.
შეგახსენებთ, რომ კიდევ ერთი ინციდენტი მოხდა ახალი წლის დღეებში, დუბაიში გამართულ კორპორატიულ წვეულებაზე. როდესაც გაზმანოვი თავის ერთ-ერთ ჰიტს ასრულებდა, მას ორი მამაკაცი მიუახლოვდა და სთხოვეს, დაეგმო რუსეთის ქმედებები და მიკროფონში გამოეხატა მხარდაჭერა უკრაინის მიმართ. ამის საპასუხოდ მომღერალმა თქვა: "ბიჭებო, მოდი, დავისვენოთ".