მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ხორვატია პენალტებში ყოველთვის იმარჯვებს“ - ვინ არის ხორვატიის ნაკრების გმირი მეკარე და რატომ უძღვნის ყველა გამარჯვებას ბაბუას
11:38 / 13-12-2022
ხორვატია კატარში მიმდინარე მსოფლიო ჩემპიონატის ნახევარფინალშია. რა თქმა უნდა, საოცარი გუნდური თამაშის დამსახურებაა, რომ ევროპელები ასე წარმატებულად მიიწევენ წინ, თუმცა რამდენიმე ფეხბურთელი მაინც გამორჩეულია. ყველაზე ცნობილი ხორვატი, ნაკრების კაპიტანი, ლუკა მოდრიჩი უდავოდ ლეგენდარული მოთამაშეა და ყველა დროის საუკეთესო ფეხბურთელების სიაში ნამდვილად მოიაზრება.
ლუკას უდიდესი დამსახურებაა, რომ ხორვატები ნახევარფინალში არიან, თუმცა არის კიდევ ერთი სახელი, დომინიკ ლივაკოვიჩი, რომელმაც საოცარი მოხსნებით პენალტების სერიაში გამოიჩინა თავი და ზედიზედ ორ მატჩში გმირი გახდა.
ბრაზილიასთან მატჩში ლივაკოვიჩმა 11 სეივი მიითვალა, რაც 2022 წლის მსოფლიო ჩემპიონატის რეკორდია. გარდა ამისა, მეკარემ 3 პენალტი იაპონიასთან, ხოლო ერთიც ბრაზილიის წინააღმდეგ მოიგერია.
- ასეთი ადამიანი იმსახურებს დიდ ყურადღებას, დღეს კი ჩვენ მას გაგაცნობთ.
ბევრი ფეხბურთელისგან განსხვავებით, რომლებიც სიღარიბესა და ურთულეს პირობებში იზრდებოდნენ, ლივაკოვიჩს სრულიად განსხვავებული ცხოვრება ჰქონდა.
მამა ზდრავკო ლივაკოვიჩი - ინჟინერ-მშენებელია, რამდენიმე წლის განმავლობაში კი ხორვატიის ზღვის, ტრანსპორტისა და ინფრასტრუქტურის სამინისტროში სახელმწიფო მდივანი იყო. დედა - მანუელა სკობლარი, იუგოსლავიის ყოფილი ფორვარდის, იოსიპ სკობლარის ბიძაშვილია. ბაბუა რადიოლოგია და კალათბურთის გუნდის "ზადარის“ დირექტორთა საბჭოს ყოფილი წევრი იყო, ბებია - ინგლისურის მასწავლებელი.
- სხვათაშორის, სწორედ ბაბუას თვლის დომინიკი მისი ცხოვრების უმნიშვნელოვანეს ადამიანად. ყველა გამარჯვებასა და წარმატებას ბაბუას უძღვნის.
"ბაბუა ყოველთვის ჩემთან იყო, ჩემს განვითარებაში ყველაზე დიდი წვლილი მას მიუძღვის. ძალიან ბევრი რამ მასწავლა. მოკრძალებულობა უნდა ყოფილიყო პირველ ადგილას. დღესაც კი მოკრძალება ჩემთვის მთავარი ცხოვრებისეული ფასეულობაა“, - ამბობს ლივაკოვიჩი.
ლივაკოვიჩი ხორვატიის ქალაქ ზადარიდანაა, რომელსაც შეგვიძლია საფეხბურთო ქალაქიც კი ვუწოდოთ. ლუკა მოდრიჩიც და ნაკრების კიდევ ერთი მეკარე დანეილ სუბაშიჩიც იქიდან არიან. მცველი შიმე ვრსალკო კი საერთოდ დომინიკის მეზობელია.
"მე და შიმე მეზობელ სახლებში ვიზრდებოდით. შიმეთი ყველა აღფრთოვანებულები ვიყავით, მას ბურთთან ერთად აბსოლუტურად ყველაფერის კეთება შეეძლო. რთულია არ შეგიყვარდეს ფეხბურთი, როდესაც ასეთ მოთამაშესთან ერთად იზრდები“, - აღიარებს ლივაკოვიჩი.
მიუხედავად იმისა, რომ მეკარეს ბავშვობიდან სპორტის სიყვარული ამოძრავებდა, ის არამხოლოდ ფეხბურთს, არამედ ხელბურთსა და კალათბურთს თამაშობდა, არ ივიწყებდა განათლებასაც. სკოლის შემდეგ მშლობლიური ზადარიდან ზაგრებში გაემგზავრა და დიპლომატიის ფაკულტეტზე ჩააბარა. თუმცა ვეღარ გააგრძელა, რადგან სპორტში სერიოზული წარმატებების სერია დაეწყო.
- "ოჯახი ყოველთვის მხარს მიჭერდა. სწავლა მაშინ გადავდე გვერდზე, როდესაც ჩემს ცხოვრებაში ფეხბურთი დიდი დოზით შემოვიდა. თუმცა ერთხელაც აუცილებლად დავასრულებ სწავლას. ჩემი ოჯახი არ გამინაწყენდა ბურთი რომ წიგნებს ვარჩიე“, - ამბობს ლივა.
მისი ერთ-ერთი კუმირი ლეგენდარული ესპანელი იკერ კასილასია. 2019 წელს თავად კასილასისგან დაიმსახურა შექება. იკერმა "ტვიტერში" დაწერა, რომ 24 წლის ხორვატს თვალს ადევნებს და მას საინტერესო მეკარედ მიიჩნევს.
"შექება იკერისგან ჩემი კარიერის ყველაზე დიდი აღიარებაა. თითქოს ტიტული მოვიგე. 6 წლის ასაკში, როდესაც ფეხბურთის თამაშს ვიწყებდი, კასილასსა და რაულზე ვაფანატებდი“, -ამბობს ხორვატი მეკარე.
ამ განცხადებიდან ნათელია, რომ დომინიკი მადრიდის "რეალის“ გულშემატკივარია. ვინ იცის, იქნებ, ლუკა მოდრიჩმა ჩემპიონატის დასრულების შემდეგ, ლივა მადრიდში წიყვანოს?!
კატარში დომინიკის ცოლიც, ჰელენა მატიჩიც ჩავიდა. ისინი გასულ წელს დაქორწინდნენ (მანამდე რამდენიმე წელი მეგობრობდნენ). ჰელენა ყოფილი მოციგურავეა. ხორვატიაში ადგილობრივ მეგან მარკლად მოიხსენიებენ.
"მე დომინიკის მოკრძალებულობით აღვფრთოვანდი. საკუთარი თავის ყველაზე დიდი კრიტიკოსია. ზოგჯერ ეს მაღიზიანებს. შემიძლია გითხრათ, რომ ჩვენ ორივე გუნდურ სპორტში აღვიზარდეთ და ჩვენს ურთიერთობაში ეგოიზმი არ არსებობს. ჩვენ როგორც გუნდი, ისე ვცხოვრობთ“, - ამბობს ჰელენა.
- მსოფლიო ჩემპიონატზე ლივაკოვიჩს პროვოკაციულ კითხვებს უსვამდნენ, ამბობდნენ, თითქოს დაცვის ხაზი ჩვეულებრივზე სუსტია. ის ღირსეულად პასუხობდა: "წერა და საუბარი რაზეც უნდათ იმაზე შეუძლიათ. ჩვენ ყველაფერს გავაკეთებთ, რომ კარგად ვითამაშოდ. გუნდში საოცარი ატმოსფეროა, თავს საუკეთესოდ ვგრძნობ, კარგ ფორმაში ვარ და იმედი მაქვს, კარგადაც ვითამაშებთ“.
ლივა აცხადებს, რომ ყველაზე მეტად თავს კარგად წნეხის ქვეშ თამაშის დროს გრძნობს. "ძალიან მიყვარს მნიშვნელოვან მატჩებში მონაწილეობის მიღება. იქ სხვანაირი ატმოსფერო და ადრენალინია. ეს ყველაფერი კონცენტრაციაში მეხმარება.“
სხვათაშორის, 2018 წელს დომინიკს, რომელიც მაშინ ჯერ კიდევ ხორვატიის სათადარიგო მეკარე იყო, ჰკითხეს, ხომ არ თვლის, რომ ხორვატიამ სათამაშო ტაქტიკა უნდა შეცვალოს და საქმე პენალტებამდე არ მიიყვანოს.
"არა, - ღიმილით უპასუხა მან. - რადგან ხორვატია პენალტებში ყოველთვის იმარჯვებს“, - ამბობდა მეკარე.
- ავტორი: ანრი კურტანიძე
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უშრომელად არაფერი მოდის,ამასთანავე როცა გ ყავს ღირსეული წინაპარი მათი მიბაძვით უფრო მეტს მიაღწევ , პატივი ვცეთ ჩვენს წინაპრებს,
ხორვატიას ეყოფა რაც გაუმართლა ბრაზილიასთან :)