ნინო სუხიშვილის მეუღლე ავარიის შედეგად მძიმედ დაშავდა - "სკუტერით გადაადგილდებოდა და კლდეზე გადავარდა"
"სუხიშვილების“ ხელმძღვანელის ნინო სუხიშვილის მეუღლე, ბიზნესმენი ზურა ლეჟავა მძიმე ავარიაში მოყვა. როგორც ჩვენთვის გახდა ცნობილი, შემთხვევა იმ დროს მოხდა, როდესაც ლეჟავა წყნეთიდან თბილისში ბრუნდებოდა.
ჩვენი ინფორმაციით, ბიზნესმენი ელექტროსკუტერით გადაადგილდებოდა და კლდეზე გადავარდა.
AMBEBI.GE ანსამბლის მენეჯერს ხატია ეკიზაშვილს დაუკავშირდა, რომელმაც აღნიშნა, რომ დაშავებულის მდგომარეობა მძიმეა, თუმცა სტაბილური.
"ოპერაცია ჩაუტარდა, სტაბილურად მძიმედ არის. ზურა ჯანმრთელი და პიროვნულად ძლიერი ადამიანია, ამიტომ დარწმუნებული ვარ მდგომარეობიდან მალე გამოვა და ყველაფერი კარგად იქნება.. იგი მუდმივი მეთვალყურეობის ქვეშ არის და საიმედო ექიმების ხელშია" - ამბობს ეკიზაშვილი.
მომხდარზე დაწყებულია გამოძიება.
ცნობისთვის, ლეგენდარული ანსამბლის მმართველის ნინო სუხიშვილის პირადი ცხოვრება საზოგადოებისათვის ნაკლებად ცნობილია. ნინოს მეუღლე ბიზნესმენი ზურა ლეჟავაა.
ზურა ამერიკაში ცხოვრობდა დიდი ხნის მანძილზე და ამ ქვეყნის მოქალაქეა. ნინო და ზურა ერთმანეთს ბაშვობიდან იცნობდნენ, მრავალი წლის შემდგომ ისინი ამერიკაში კონცერტზე შეხვდნენ რთმანეთს და ასე დაიწყო ყველაფერი.
