მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
Artemis 1 - "ნასას" ყველაზე ძლიერი რაკეტა უკვე მთვარისკენ მიემართება: ის იმ მისიების წინამორბედია, რომლებიც ადამიანებს მთვარემდე და უკან, დედამიწაზე გადაიყვანს
15:53 / 16-11-2022
ისტორიაში "ნასას" ყველაზე ძლიერი კოსმოსური რაკეტა, Artemis 1 უკვე მთვარისკენ მიემართება. აფრენა 16 ნოემბრის ღამეს შედგა, ფლორიდაში. "ნასას" ცნობით, რაკეტა, მთვარეზე გაფრენას და დედამიწაზე დაბრუნებას 25 დღეში შეძლებს.
Artemis 1-ის სატესტო ფრენაში ასტრონავტები არ იღებენ მონაწილეობას, რაკეტაზე მხოლოდ 3 მანეკენი და Snoopy-ს ფუმფულა სათამაშოა განთავსებული. როგორც "ნასას" წარმომადგენლები ამბობენ, ამ სატესტო ფრენით რადიაციის დონე და სიცოცხლის შენარჩუნების ახალი სისტემები და აღჭურვილობა შემოწმდება, რაც ადამიანების გრძელვადიანი კოსმოსური ფრენებისთვისაა შექმნილი.
Artemis 1-ის რაკეტის მისიის წარმატება, რომელიც 11 დეკემბერს დასრულდება, მისი შემდგომი Artemis 2-ისა და 3-ის ფრენებისთვის გადამწყვეტი იქნება. ორივე მათგანი ადამიანებს მთვარემდე და უკან, დედამიწაზე გადაიყვანს. ეს უკანასკნელი 2025 წლისთვისაა დაგეგმილი, მაგრამ მოსალოდნელია, რომ მისია 1 წლით ადრეც შედგეს. ეს 1972 წლის Apollo 17-ის შემდეგ ეკიპაჟის პირველი დაშვება იქნება მთვარეზე.
ისტორიაში, მთვარეზე ნამყოფ 12 ადამიანს შორის ყველა მამაკაცია. Artemis 3 კი პირველი საეკიპაჟო ფრენას განახორციელებს, რომელშიც, ისტორიაში პირველად, ქალი მიიღებს მონაწილეობას. აგრეთვე, ამავე რაკეტაზე იქნება პირველი ფერადკანიანი ადამიანი, რომელიც მთვარეზე გაფრინდება.
"ნასას“ თქმით, Artemis-ი უფრო შორ მანძილზე გაემგზავრება, ვიდრე ადამიანებისთვის შექმნილი ნებისმიერი სხვა კოსმოსური ხომალდი. ის დედამიწიდან 450 000 კმ-ზე იმოგზაურებს და მთვარის შორეულ მხარეს გაივლის.
"რატომ მთვარე? იმიტომ, რომ ჩვენი მიზანი მარსია. შეგვიძლია მთვარეზე ვისწავლოთ ის, თუ როგორ ვიარსებოთ და გადავრჩეთ კოსმოსის მკაცრ პირობებში. მიზანი ერთია: ვბრუნდებით მთვარეზე, ვსწავლობთ, როგორ ვიცხოვროთ იქ და ვქმნით ბუნებრივ საარსებო პირობებს“,- განაცხადა ნასას ადმინისტრატორმა, ბილ ნელსონმა.
წყარო: theguardian
მოამზადა: ანა სიბოშვილმა
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარგია.
ამერიკელები მთვარეზე ჯერ არ ყოფილან !