29
მარტიდღის ზოგადი ასტროლოგიური პროგნოზი
ცოდნის დეფიციტს იმ ხალხის გაჩენისკენ მივყავართ, რომლებიც მოგვიწოდებენ რუსეთს გავუგოთ. ამის შესახებ უკრაინის პრეზიდენტმა ვოლოდიმირ ზელენსკიმ ფრანკფურტის წიგნის ბაზრობის მონაწილეებისადმი ვიდეომიმართვაში განაცხადა.
“გულწრფელად უნდა ვილაპარაკოთ: ევროპაში ჯერ კიდევ საკმაოდ არიან მოღვაწეები, რომლებიც მოგვიწოდებენ რუსეთს “გავუგოთ” და რომლებიც ცდილობენ, იგნორირება გაუკეთონ ისეთი სახელმწიფოების ტერორისტულ პოლიტიკას, როგორიც ირანია. ასეთი ხალხი სხვადასხვა სფეროშია - პოლიტიკაში, ბიზნესში, საზოგადოებრივ ორგანიზაციებსა და მედიაში. რატომ არის ეს შესაძლებელი? რას მივყავართ აქამდე? პასუხი ერთია: ცოდნის დეფიციტი. საზოგადოებრივი უმრავლესობის ცოდნის დეფიციტი”, - განაცხადა ზელენსკიმ.
მან აღნიშნა, რომ უკრაინაში დაპატიჟა გამომცემლები, ავტორები, ბიზნესმენები, საზოგადოებრივი მოღვაწეები, პედაგოგები და ჟურნალისტები, რათა ნახონ და ინფორმაცია გაავრცელონ იმის შესახებ, თუ რისი გადატანა უწევს უკრაინელ ხალხს.
“შექმენით, გაავრცელეთ წიგნები მათ შესახებ, ვინც კორუმპირებულობისა ან უბრალოდ გულგრილობის გამო ასუსტებდა ევროპას. დაე იცოდნენ მათ შესახებ. მათ შესახებ, ვინც ძალას ჩუქნიდა ტერორისტ სახელმწიფოებს. გაავრცელეთ თავისუფლების გამარჯვების შესახებ ისტორიები. ხალხმა უნდა იცოდეს ამის შესახებ”, - თქვა უკრაინის პრეზიდენტმა.
ხომ იცი რომ შენ არაფერს არ წყვეტ იგივე ევროპაც რასაც ამერიკა გიბრძანებთ იმას აკეთებთ
მე არ მჯერა როგორც რუსული, ისე უკრაინული მედიისაც - ორივე მხარე უმოწყალოდ იტყუება. ომის დროს ოკუპანტები საშინელებებს სჩადიან, მაგრამ ევროპელთა მიერ დადასტურებული შემთხვევებით ხშირ შემთხვევაში არც უკრაინელები იქცევიან ღირსეულად ტყვეთა მიმართ