რისთვის იყიდა "ვისოლის" დამფუძნებელმა "საზოგადოებრივი მაუწყებლის" შენობა - რას აცხადებს ფხაკაძე?
"საზოგადოებრივი მაუწყებლის“ შენობა გაიყიდა. როგორც ელექტრონული აუქციონიდან ირკვევა, თბილისში, კოსტავას 68-ში მდებარე მიწის ნაკვეთი და შენობა-ნაგებობები 65.1 მლნ ლარად გაიყიდა. საწყისი ფასი კი 65 000 000 ლარი იყო. როგორც ირკვევა, შენობა ბიზნესმენმა სოსო ფხაკაძემ იყიდა,
ამის შესახებ ინფორმაცია "საზოგადოებრივ მაუწყებელს" თავად ბიზნესმენმა სოსო ფხაკაძემ დაუდასტურა.
"ჩვენი ჯგუფი დიდი ხანია ახორციელებს კომერციული უძრავი ქონების განვითარებას ქ. თბილისსა და საქართველოს სხვა ქალაქებში. კერძოდ, ჩვენ ვაშენებთ და ოპერირებას ვუწევთ საშუალო ზომის სავაჭრო ცენტრებს, სადაც მთავარი არენდატორია კომპანია “კარფური” და ასევე არენდატორები არიან ათობით სხვა საქართველოში მოღვაწე რითეილერები. შესაბამისად, ვფიქრობთ, ჯგუფში დაგროვდა ძალიან კარგი გამოცდილება უძრავი ქონების განვითარების კუთხით.
მიღებული გამოცდილების ბაზაზე, გარკვეული პერიოდის წინ ჩვენ მივიღეთ გადაწყვეტილება, რომ დავიწყოთ დეველოპერული საქმიანობა, კონკრეტულად კი საცხოვრებელი ბინების მშენებლობა. სწორედ ამ მიზეზით შევისყიდეთ "საზოგადოებრივი მაუწყებლის" შენობა, ვაპირებთ ვიმუშაოთ უცხოელ სპეციალისტებთან ერთად, შევქნათ საინტერესო კონცეფცია და შესაბამისად განვითარდეს საინტერესო, მულტიფუნქციური ინფრასტრუქტურა ამ ლოკაციაზე,"- განუცხადა ფხაკაძემ "საზოგადოებრივ მაუწყებელს".
იხილეთ ასევე: