მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ფილმი ნოდარ დუმბაძის ნაწარმოებების მიხედვით, რომლის რეჟისორი გიორგი კიკალეიშვილი, პროდიუსერი კი - ვალერი მელაძეა: რას ამბობს მწერლის ქალიშვილი და როდის დასრულდება გადაღებები?
12:42 / 20-09-2022
ნოდარ დუმბაძე ის ავტორია, რომელიც მსოფლიოს მასშტაბით აქტიურად იბეჭდება. მისი ნაწარმოებები კი არა მხოლოდ სცენაზე იდგმება, არამედ მათი ეკრანიზებაც ხდება. უკვე დიდი ხანია საქართველოში დუმბაძის ნაწარმოებების მიხედვით ფილმი არ გადაუღიათ.
როგორც ირკვევა, ამჟამად მისი სამი მოთხრობის - "ბოშები“, "დადიანების ყანწი“ და "ღმერთო, რისი გულისთვის“ - მიხედვით ფილმს, სლოგანით: "ფილმი, რომელიც ყველამ უნდა ნახოს“ რეჟისორი გიორგი კიკალეიშვილი იღებს.
როგორც გიორგი ამბობს, სრულმეტრაჟიანი ფილმის გადაღება უკვე 8 თვეა, მიმდინარეობს და თვე-ნახევარში უნდა დასრულდეს.
"ნოდარ დუმბაძე ქართველებისთვის ძალიან საყვარელი და სათუთი პიროვნება და შემოქმედია, რომელიც თავისი სევდანარევი იუმორით ყველას ძალიან პოზიტიურ განწყობას უქმნის. დიდი პატივი იყო, რომ ფილმის კონსულტანტი თავიდან ბოლომდე ქალბატონი ქეთევან დუმბაძეა, რომელთან ერთადაც სამი მოთხრობა ავარჩიეთ. შემდგომ კი ფილმისთვის სახელწოდება "ჩვენ ვხედავთ მზეს“ თავად ქეთევან დუმბაძემ მოიფიქრა. ამდენი ნეგატივის მერე, რაც ჩვენ ირგვლივ ხდება, ალბათ ამ "მზის“ დანახვა და იმ სითბოს შეგრძნება ყველას გვჭირდება, რასაც ბატონი ნოდარი თავისი ნაწარმოებებით უხვად გასცემს და ყველას იმედს უსახავს. სპეციალურად ავირჩიეთ ინტერნაციონალური მოთხრობები. ჩვენში ხომ სულ მეგობრობდნენ სხვადასხვა ერის წარმომადგენლები. დღეს გვინდა ახალგაზრდებსაც შევახსენოთ ბატონი ნოდარის შემოქმედება", - აღნიშნავს გიორგი კიკალეიშვილი.
რეჟისორის თქმით, ფილმში საუკეთესო ქართველი მსახიობები მონაწილეობენ" - ზურა და გიორგი ყიფშიძეები, ტრისტან სალარიძე, ბესო ბარათაშვილი, მაკა მახარაძე, ვანიკო თარხნიშვილი, როლანდ ოქროპირიძე, მონაწილეობს ასევე ყაზახი მსახიობიც, ბოშა ოქსანას როლს კი უკრაინელი ოლია დუმოვა ასრულებს. თითოეული სიხარულით შეხვდა იმ ამბავს, რომ ნოდარ დუმბაძესთან, საყვარელ მწერალთან მოუხდათ შეხვედრა. თავის ძალიან კარგ მოცეკვავეებთან ერთად მონაწილეობს ბაჩანა ჭანტურია. გადაღებები მიმდინარეობდა გურიაში (ჩოხატაური, ნაბეღლავი), ასევე თბილისის ეთნოგრაფიულ მუზეუმში.
"ფილმის პროდიუსერია ქართველი, კულტურის ქომაგი და კარგი ადამიანი ვალერი მელაძე, რომელმაც ასეთი ნება გამოხატა. ვალერი ფინანსურადაც გვერდით დაგვიდგა. ეს არ არის ჩვენთვის კომერციული ფილმი, ფილმის წარმოება მხოლოდ ტექნიკური ხარჯით მიდის. არ გვინდოდა ისე მომხდარიყო, რომ ასეთი ფილმის წარმდგენი, სადაც სიუჟეტში მოქმედება გასული საუკუნის დაახლოებით 40-იან წლებში ხდება, რომელიმე კომერციული საეჭვო სტრუქტურა ყოფილიყო. მით უმეტეს, რომ მუსიკა საქართველოს პატრიარქის ილია II-ის დაწერილია. ის ექსკლუზიურად უწმინდესმა მოგვაწოდა. ჯერ ერთი, ნოდართან თავადაც მეგობრობდა. ძალიან გახარებულმა გადმოგვცა და გამოვიყენებთ“, - ამბობს გიორგი კიკალეიშვილი.
- ვალერი მელაძე ფილმის პროდიუსერი როგორ აღმოჩნდა?
გიორგი კიკალეიშვილი:
- ამ უკრაინა-რუსეთის ომის პერიოდში, როგორც მართალმა და კარგმა ქართველმა, თავისი პოზიცია ხმამაღლა გამოხატა, დადგა იმ მხარეს, სადაც უნდა ყოფილიყო. ჩვენ დიდი ხანია ვმეგობრობთ. მე შევთავაზე, - ქართველებისთვის საჩუქარს ვაკეთებთ, ნოდარ დუმბაძეს ვიღებთ და ხომ არ მოგვეხმარებოდი-მეთქი. ამ შემოთავაზებისთვის მადლობა გადამიხადა, ჩაერთო ფილმის მომზადებაში და რა თქმა უნდა, პრემიერაზე აქ იქნება და იტყვის თავის სათქმელს და ლამაზ სიმღერასაც გვაჩუქებს. გითხარით, რომ ფილმი ინტერნაციონალურია, მასში ქართველები, ყაზახები და უკრაინელები თამაშობენ და პრემიერა საქართველოს გარდა, ყაზახეთში, აზერბაიჯანში, ბრიტანეთში, ისრაელში და უკრაინაშიც შედგება. ყველას ნოსტალგია აქვს ამ ავტორის მიმართ.
ქეთევან დუმბაძე, მწერლის ქალიშვილი:
- გიორგი რომ დამიკავშირდა, სამი მოთხრობა უკვე შერჩეული ჰქონდა, მე უბრალოდ დავთანხმდი. სამივე მოთხრობას ერთი მიზანი აქვს - სიკეთე და კაცთმოყვარეობა. ამიტომ მათი გაერთიანება მეჩვენა, რომ უპრიანი იქნებოდა.
...ძალიან ხშირად მომმართავენ სტუდენტები თხოვნით, სურვილი აქვთ, საკურსო ფილმად ნოდარ დუმბაძე გადაიღონ. პანდემიამდე უკრაინიდან ჯგუფი იყო ჩამოსული, რომელმაც ფილმი გადაიღო. ასევე ნოდარის მოტივებზე გერმანელი მაყურებლისთვის გერმანულენოვანი ფილმი გადაიღეს, იმის თქმა მინდა, რომ ინტერესი სულ არის, სპექტაკლებზე აღარ ვლაპარაკობ და ის, რომ გიორგის ეს იდეა გაუჩნდა, გასაკვირი არ ყოფილა, მაგრამ ძალიან სასიხარულო იყო. საბოლოოდ უნდა, რომ ფილმი მამას იუბილეს დაუკავშიროს, გაისად ნოდარი 95 წლის ხდება. მე ვნახე ამ ფილმის ნაწყვეტები, რომელიც გიორგის უკვე გადაღებული და დამონტაჟებული აქვს. ძალიან სასიამოვნო საყურებელია, მაგალითად, "ბოშების“ ეპიზოდები, მით უფრო, რომ უკვე არსებობს ლეილა გორდელაძის არაჩვეულებრივი ფილმი "ბოშები“, რომელიც ძალიან მიყვარს. როცა შედარების საშუალება გაქვს, თავიდან ცოტათი დადარაჯებული ვიყავი, მაგრამ ყველა რეჟისორს თავის ხედვა აქვს. გიორგის ნამუშევრის პირველივე კადრიდან მივხვდი, რომ აბსურდი იქნებოდა მათი შედარება. გადავწყვიტე ის ფილმი გონებაში მიმეძინებინა და არ შემედარებინა. მოკლედ, ძალიან კარგია, ჩანს ოპერატორის ხედვაც, მსახიობების თამაში, თან, როგორი ინტერნაციონალურია, სხვადასხვა ეროვნების მსახიობები მონაწილეობენ. ის, რაც ვნახე, საინტერესოა და ძალიან დიდი იმედი მაქვს, ყველაფერი კარგად დასრულდება და მაყურებელიც ფილმს კარგად მიიღებს. ასე რომ, ვთანამშრომლობთ.
ambebi.ge მომღერალ ვალერი მელძეს დაუკავშირდა.
- ბატონო ვალერი, როგორც გაირკვა, იმ ფილმის პროდიუსერი ხართ, რომელსაც რეჟისორი გიორგი კიკალეიშვილი იღებს. სიამოვნებით დათანხმდით ამ შემოთავაზებას?
- კი, ასეა, მაგრამ მის შინაარსობრივ მხარეს ძალიან არ ჩავღრმავებივარ, გიორგის ვენდობი, ვიცი, რომ ყველაფერს გულით და სულით გააკეთებს... ამიტომ, ყველანაირად, როგორც შევძელი, მივეხმარე.
- კონკრეტულად დახმარება რაში გამოიხატა?
- ეს იყო მორალური მხარდაჭერა და ასევე გარკვეულწილად მატერიალურიც... დღეს სწორედაც აუცილებელია მივუბრუნდეთ ისეთ ავტორს, როგორიც ნოდარ დუმბაძეა. რთული და უცნაური დროა, როცა ადამიანები თავს ყველაფრის უფლებას აძლევენ. ისეთი დროა, როცა ამა თუ იმ საქციელს ახსნა არ აქვს. ამასობაში ვკარგავთ სწორ ორიენტირებს, ანუ იმას, სწორად როგორ ვიცხოვროთ. ბევრი საკუთარი ქმედების გამართლებას ცდილობს, რაც ცუდია. ნოდარ დუმბაძის ნაწარმოებები უბრალო ადამიანებზე მოგვითხრობს. მათ სწორ დამოკიდებულებებზე, სწორ პოზიციებზე, ადამიანებს შორის პატივისცემაზე, ეს მარტივი და უბრალო ამბები ყველასთვის მნიშვნელოვანია. ეს ყველაფერი არ უნდა დაგვავიწყდეს და ცხოვრება ასე უნდა შევძლოთ. ვიღაცები კიდეც მიყვებიან ამ წესებს, მორალურ პრინციპებს, ფასეულობებს, მაგრამ ბევრი მხოლოდ დღევანდელი დღით ცხოვრობს. მათი პოზიციაა - დღეს შემიძლია როგორც მინდა, ისე მოვიქცე, მაგრამ მერე გამოვასწორო. არა, ასე არ გამოვა! ადამიანი ყოველთვის, ყოველ წუთს, დღე ისე უნდა ცხოვრობდეს, რომ არ დაკარგოს მორალური პრინციპები. ნოდარ დუმბაძის ყველა ნაწარმოები ამას გვასწავლის.
- რას ელით ამ ფილმისგან - გადამღები ჯგუფი დასახულ მიზანს შეასრულებს?
- ბევრი რამ იმაზეა დამოკიდებული, რომელ სივრცეში იქნება ის წარმოდგენილი... ამ რთულ პერიოდში ბევრი მოგზაურობა მიწევს, მათ შორის, პოსტსაბჭოთა ქვეყნებშიც. დღევანდლამდე ქართველებთან - ჩვენთან ურთიერთობა პოზიტიურია, ისეთი კეთილგანწყობილები არიან, როგორც ახლობელი ადამიანები. ვფიქრობ, რომ ეს ფილმი ყველას მიწვდება და გააღვიძებს ისევ სიყვარულს, სიკეთეს და იმპულსს მისცემს კეთილგანწყობილ ურთიერთობებს. ეს ჩვენ, ქართველებსაც დიდ პასუხისმგებლობას გვანიჭებს, რადგანაც უნდა შევესაბამებოდეთ ამ სურათს, ამ დამოკიდებულებას...
- პრემიერაზე იქნებით?
- დიდი შანსია (50%-ზე მეტი) ჩამოვიდე. სურვილიც მაქვს და ვეცდები.წაიკითხეთ ვალერი მელაძის ექსკლუზიური ინტერვიუ სრულად
00:00 / 00:00
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თუ გადაიღეს და გამოვიდა ეს ფილმები უკვე?
ძალიან კარგი ამბავია! წარმატებები მთელ გუნდს! დარწმუნებული ვარ კარგი ფილმი გამოვა და გაახარებს მაყურებელს)):