"თბილისი, ბოლო დროს, ხაჭაპურიანი მოსკოვი გახდა..." - რას წერს საქართველოში მცხოვრები უცხოელი ჟურნალისტი

თბილისში მცხოვრები უცხოელი ჟურნალისტი, ანალიტიკოსი ნეილ ჰაუერი "ტვიტერში" აქვეყნებს პოსტს, რომელშიც საქართველოში რუსი ტურისტების სიმრავლის გამო უკმაყოფილებას გამოთქვამს.

"თბილისი, ბოლო დროს, ხაჭაპურიანი მოსკოვი გახდა. ნახევარი საათის განმვალობაში ისე ვიარე ქალაქის ცენტრიში, რომ ქართული საუბარი არ გამიგია. სწორედ ამ ფაქტმა მიბიძგა პოსტის დაწერა", - წერს ჟურნალისტი.

როგორც ცნობილია, ნეილ ჰაუეერი თბილისში ცხოვრობს და მუშაობს სირიის კონფლიქტების მიმართულებით (განსაკუთრებით რუსეთის როლზე), ასევე პოლიტიკისა და კონფლიქტის საკითხებზე სამხრეთ კავკასიასა და ჩრდილოეთ კავკასიაში.

გუშინ "ქართული ოცნების“ თავმჯდომარე ირაკლი კობახიძემ განაცხადა, რომ ბოლო 6 თვის განმავლობაში, საქართველოში შემოსული რუსების რაოდენობა მოსახლეობის 7%-ზე ნაკლებია.

მან ჟურნალისტის კითხვაზე, რომ საქართველოში ძალიან ბევრი რუსი შემოდის და რომ ეს შეიძლება მოსახლეობის 10%-ს შეადგენდეს, კობახიძე ასე უპასუხა:

"ახლა გაჩვენებთ, თუ რა დონის ტყუილებს ავრცელებს თქვენი ტელევიზია. თქვენმა ტელევიზიამ გაავრცელა ეს ყველაფერი, თქვეს, რომ 10% არიან რუსეთის მოქალაქეები დღეს საქართველოში. მთლიანად რომ ავიღოთ, შემოსვლის მაჩვენებელი ამ 6 თვის განმავლობაში, მერე ხომ გადიან და ნაშთი რჩება ამის მეათედი, შემოსვლის მაჩვენებელიც რომ ავიღოთ, არის სულ მოსახლეობის 7%-ზე ნაკლები, მხოლოდ შემოსვლის და ნაშთი რომ აიღოთ, 1%-ც შეიძლება არ იყოს, ამბობთ 10%-ს და ასე იქმნება მარტივად "ფეიკები“ და ეს არის მარტივი ტყუილი, რომელსაც სამწუხაროდ, თქვენი ტელევიზია ავრცელებს“, - განაცხადა კობახიძემ ერთ-ერთი მედიასაშუალების ჟურნალისტს.