მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსეთი ბულგარეთს თხევად გაზს, საქართველოს პორტის გავლით, მიაწვდის" - რას წერს Reuters-ი?
09:36 / 13-07-2022
რუსი ექსპორტიორები ბულგარეთში თხევადი ნავთობის გაზის (LPG) მიწოდებას საქართველოს შავი ზღვის პორტის ფოთის გავლით ივლისში დაიწყებენ, რადგან ტრადიციული საექსპორტო მარშრუტები დახურულია, - ინფორმაციას Reuters-ი ტრეიდერებსა და Refinitiv Eikon-ის სტატისტიკაზე დაყრდნობით ავრცელებს.
სააგენტო წერს, რომ რუსეთმა უკრაინაში თხევადი ნავთობის გაზის მიწოდება 24 თებერვალს შეწყვიტა, როდესაც იქ ჯარები გაგზავნა, ასევე შეაჩერა LPG სარკინიგზო ტრანზიტი რუმინეთში, უნგრეთსა და მოლდოვაში უკრაინის გავლით, რაც ექსპორტიორებს ავალდებულებს, ახალი მარშრუტები ეძებონ.
Refinitiv-ის მონაცემებით, ფინეთმა, რომელიც რუსეთის თხევადი ნავთობის გაზის კიდევ ერთი დიდი საექსპორტო მარშრუტია, მკვეთრად შეამცირა შესყიდვები. გასულ წელს რუსეთმა თავისი LPG-ის 25% უკრაინასა და ფინეთში გაიტანა.
Reuters-ი წერს, რომ Refinitiv Eikon-ის მონაცემებით, ამ თვეში დაახლოებით 3000 ტონა თხევადი ნავთობის გაზი სურგუტიდან სარკინიგზო ტრანსპორტით ფოთში, შემდეგ კი საზღვაო ბორნით ბულგარეთის ვარნაში გადაიგზავნება.
"LPG-ის მიწოდება განიხილება ფოთის გავლით, სხვა ძირითადი საექსპორტო მარშრუტებით გაყიდვების შეზღუდული შესაძლებლობების გამო", - განაცხადა წყარომ Reuters-თან საუბრისას.
მოვაჭრეთა მონაცემებით, ბულგარეთი თვეში 30 000-35 000-მდე ტონა თხევად გაზს მოიხმარს. ის ყოველთვიურად დაახლოებით 10 000 ტონა LPG-ს აწარმოებს, დანარჩენს კი რუმინეთიდან და რუსეთიდან იღებს.
"LPG სარკინიგზო გადაზიდვები სურგუტიდან ფოთის გავლით ბულგარეთში დაახლოებით 50%-ით აღემატება ევროკავშირისთვის უკრაინის გავლით მიწოდების ფასს, სარკინიგზო მარშრუტი სურგუტიდან ფოთამდე ერთ ტონაზე 260-280 აშშ დოლარი ღირს, ხოლო ბორანი ფოთსა და ვარნას შორის ტონაზე - 130-150 აშშ დოლარს შეადგენს", - წერს Reuters.
სააგენტოს ინფორმაციით, მოვაჭრეების შეფასებით, მიუხედავად ამისა, მარშრუტით გაგზავნილი მარაგი მაინც მომგებიანია შიდა გაყიდვებთან შედარებით რისი მიზეზიც რუსეთში LPG-ის ფასების დაცემაა
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საეჭვოა, ფოთამდე როგორ მოვა -აზერბაიჯანი გაატარებს ? დაასანქცირებენ ! კაი და მოვიდა , ბორანი რომ არ დადის ? კაი და არ ჩაუძირავთ , და დადის , ზედ რომ ამდენი არ ეტევა ? კაი და ეტევა , ერთად რომ არ შეიძლება გაზიანი ვაგონების დაყენება ? ჰოო, რეუტერმა ესენი არ იცის , მაგრმ ვინც ინფოს წყაროა იმან იცის და მავნებლობს !
აბა არიქააა, რუსეთს ვეხმარებით!? ცეცხლის მზე აენთო, დროშები ჩქარა