მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ადგილი, სადაც პუტინი "კრემლის სტრესს" გაურბის" - მდიდრული აგარაკი, საკუთარი ლუდსახარშით - პუტინთან დაკავშირებული 4-მილიონიანი "მეთევზის სახლის" ფოტოები
10:39 / 26-06-2022
ექვსი წლის წინ, რუსულმა ტელეარხმა "დოჟდმა" გამოაქვეყნა ინფორმაცია, რომლის მიხედვითაც, რუსეთის კარელიის რეგიონის ტყეებში მდებარე შენობა, რომელსაც არქიტექტორები "მეთევზის ქოხს“ უწოდებდნენ, რუსეთის ფედერაციის პრეზიდენტის, ვლადიმერ პუტინის საკუთრება იყო.
თავად ადგილობრივები იქ არსებული შენობების კომპლექსს "პუტინის აგარაკად" მოიხსენიებდნენ. აღსანიშნავია, რომ ამ და სხვა ძვირადღირებული ქონების ფლობის მიუხედავად, რუსეთის პრეზიდენტის სახელზე ოფიციალურად მხოლოდ რამდენიმე აქტივია დარეგისტრირებული. მათ შორისაა პატარა ბინა სანკტ-პეტერბურგში, 1950-იანი წლების საბჭოთა პერიოდის ორი მანქანა, ტრაილერი და პატარა ავტოფარეხი.
როგორც მაშინ "დოჟდი" იტყობინებოდა, სწორედ ამ აგარაკზე ახერხებს პუტინი "კრემლის სტრესისგან თავის დაღწევას."
პუტინის "მეთევზის ქოხი" ახალ ამბებში კვლავ ამოტივტივდა და ამის მიზეზი ორი სამშენებლო კომპანიიდან ათასობით ელექტრონული წერილის გაჟონვა გახდა. ამ წერილებიდან კი გაირკვა, რომ "მეთევზის ქოხის" გარდა, აქ კიდევ ერთი ორსართულიანი შენობაა, ე.წ. ბაღის სახლი, რომელიც რეესტრში დარეგისტრირებულია, როგორც "ბეღელი".
"ბეღლის" სახურავი მთლიანად მწვანე ბალახითაა დაფარული. ერთ-ერთი ვერსიით, ეს იმიტომ გაკეთდა, რომ ამ შენობის სახურავი დასავლელ ჯაშუშებს თვალში არ მოხვედროდათ.
გაჟონილი ელექტრონული წერილებით ასევე ირკვევა, რომ პუტინის აგარაკი IKEA-ს მოკრძალებული ავეჯით არაა გაწყობილი, როგორც აქამდე იყო ცნობილი.
იატაკის გეგმები და ინტერიერის დიზაინის სქემები ცხადყოფს, რომ ექვსოთახიანი "ბაღის სახლის" მშენებლობა 2021 წელს დაიწყო და მისი იატაკი ნახევრადძვირფასი ქვებით - ლაპის ლაზულითა და ლაბრადორიტითაა გაწყობილი. პირველ ქვას სამკურნალო თვისებები აქვს, მეორე კი სტრესის და შფოთვის შესამსუბუქებლად გამოიყენება.
ელექტრონული ფოსტის წერილების მიხედვით, პუტინის აგარაკის პროექტზე ინტერიერის დიზაინის წამყვანი რუსული სააგენტო, FullHouseDesign მუშაობდა.
"ბეღელი" თანამედროვე ორსართულიანი შენობაა, რომელიც, როგორც ჩანს, გასართობი სივრცის ფუნქციასაც ითავსებს. მას 200კვ. მეტრზე მეტი სივრცის ფართი აქვს ღია სასადილოსთვის გამოყოფილი. სასადილო დარბაზს სამზარეულოსგან შუშის კედელი ჰყოფს. სამზარეულო აღჭურვილია ძვირადღირებული ტექნიკით. აქვეა კერძო, 345 000 ევროს ღირებულების ავსტრიული ლუდის სახარში, რომელსაც დღეში 47 ლიტრი ლუდის დამზადება შეუძლია.
მეორე სართულზე ჩაის ოთახია, რომელიც ლადოგას ტბას გადაჰყურებს. "ბეღელს" ორი პატარა საცურაო აუზიც აქვს.
საერთო სამშენებლო სამუშაოები, ერთ-ერთ დოკუმენტში, 187 მილიონ რუბლად (3.5 მილიონ დოლარამდე) არის შეფასებული. "როცა კომპლექსი ცარიელია, მაშინ ადგილობრივები მსახურობენ მცველებად, ხოლო როცა მაღალი წრის საზოგადოება სტუმრობს, მაშინ მათ დაცვის ფედერალური სამსახურის თანამშრომლები ანაცვლებენ",- ამბობს ადგილობრივი.
Guardian-ი პუტინის ქონებასთან დაკავშირებული კითხვებით კრემლის სპიკერს დაუკავშირდა, მაგრამ მათ ყველანაირი კავშირი უარყვეს: ”რუსეთის ფედერაციის პრეზიდენტი არანაირად არ არის დაკავშირებული თქვენს მიერ დასახელებულ ობიექტებთან და ორგანიზაციებთან”, -ასეთი იყო კრემლის პასუხი.
წყარო: theguardian
მოამზადა: ანა სიბოშვილმა
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მეთევზის ქოხი გქონია, გასულიყავი პენსიაში და ოქროს თევზიც გეძებნა. რა სიკვდილი გინდოდა უკრაინაში, რამდენი უდანაშაულო ანგელოზი ბავშვის ცოდვა აიკიდე შე ეშმაკის მოციქულო.
რამდენ სასახლესა და აგარაკს მიაწერენ, არადა დიდ პოლიტიკოსებს სახლები და აგარაკები არ აინტერესებთ. მათ მარტო მართვის აზარტი აქვთ.მე ასე ვფიქრობ!