მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კანდიდატის სტატუსს მიიღებთ მაშინვე, როცა დასახული პრიორიტეტები შესრულდება" - ევროპელი ლიდერების პირველი განცხადებები და შარლ მიშელის პოსტი ქართულ ენაზე
07:58 / 24-06-2022
ევროკავშირის საბჭომ მიიღო გადაწყვეტილება, რომ აღიაროს საქართველოს ევროპული პერსპექტივა და განაცხადა, რომ მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება. საბჭომ ევროკავშირის კანდიდატის სტატუსი მიანიჭა უკრაინასა და მოლდოვას.
- გადაწყვეტილების გაჟღერების შემდეგ პირველი განცხადებები გააკეთეს ევროპელმა ლიდერებმა.
ევროკომისიის პრეზიდენტმა, ურსულა ფონ დერ ლაიენმა ბრიუსელში გამართულ ბრიფინგზე განაცხადა, რომ საქართველომ რამდენიმე მნიშვნელოვანი რეფორმა უნდა გაატაროს კანდიდატის სტატუსის მისაღებად.
"ჩემი გზავნილი საქართველოს მოსახლეობისთვის გახლავთ უზარმაზარი სურვილის ხაზგასმა, რომ თქვენ იყოთ ევროკავშირის წევრი, ეს არის ძალიან ძლიერი სტიმული ევროკავშირის მიმავალ გზაზე. საქართველომ მიიღო პერსპექტივა, ეს არის ძალიან სერიოზული ნაბიჯი ევროკავშირში გაწევრიანებისთვის.
პირველად ხდება, რომ მიღწეულია ეს ეტაპი. თქვენ ძლიერი ეკონომიკა გაგაჩნიათ. ძალიან დიდი იყო პოლიტიკური პროგრესი. ამჟამად საჭიროა რამდენიმე რეფორმის განხორციელება, რომელიც მნიშვნელოვანია: პოლიტიკური ერთიანობის ჩვენება, სამოქალაქო საზოგადოების ჩართულობა და მოძრაობა ამ რეფორმების მიმართულებით. შემდეგი ნაბიჯები უკვე მიღწევადია“, - განაცხადა ურსულა ფონ დერ ლაიენმა.
- ევროპული საბჭოს პრეზიდენტი, შარლ მიშელი კი ამბობს, რომ საქართველოს მომავალი ევროკავშირშია. შესაბამისი განცხადება მიშელმა "ტვიტერში" გამოაქვეყნა.
"ევროკავშირის საბჭომ გადაწყვიტა აღიაროს საქართველოს ევროპული პერსპექტივა და მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება. ვულოცავ ქართველ ხალხს. ეს ისტორიული მომენტია ევროკავშირი-საქართველოს ურთიერთობებში: საქართველოს მომავალი ევროკავშირშია”, - წერს მიშელი "ტვიტერზე."
აღსანიშნავია, რომ მისი განცხადება ქართულ ენაზეა გამოქვეყნებული
ევროკავშირის საბჭომ გადაწყვიტა აღიაროს საქართველოს ევროპული პერსპექტივა და მზადაა კანდიდატის სტატუსი მიანიჭოს, როგორც კი დასახული პრიორიტეტები შესრულდება.
— Charles Michel (@CharlesMichel) June 23, 2022
ვულოცავ ქართველ ხალხს.
ეს ისტორიული მომენტია ევროკავშირი– საქართველოს ურთიერთობებში: საქართველოს მომავალი ევროკავშირშია. pic.twitter.com/MOEU6MyJmN
- "საქართველომ უზარმაზარ წარმატებას მიაღწია ევროპულ გზაზე, როგორც ეს ევროკავშირის საბჭომ დღეს დაადასტურა", – ამის შესახებ ევროკომისიის ვიცე-პრეზიდენტი ვალდის დომბროვსკისი "ტვიტერზე“ წერს.
"ჩვენ სრულად ვაღიარებთ და მხარს ვუჭერთ მის ევროპულ მისწრაფებებს და მზად ვართ, საქართველოს რეფორმების დღის წესრიგის გზამკვლევი ვიყოთ, რათა ქვეყანა ევროპულ ოჯახთან დავაახლოვოთ“,- წერს ევროკომისიის ვიცე-პრეზიდენტი.
მკითხველის კომენტარები /
70 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ევროკავშირის მიერ ჩვენი ქვეყნისთვის დასახული პრიორიტეტების შესრულებაში ძირითადი პრობლემა იქნება დღევანდელი ხელისუფლებისა და რადიკალური ოპოზიციის ლიდერებთან ნორმალური, საქმიანი და რაც მთავარია ქვეყნის ინტერესებიდან გამომდინარე სახელმწიფოებრივი ურთიერთობის დალაგება.
დაბრალება გადაბრალებით არაფერი არ გამოვა.
გვეყოფა ამის ჭკუა?
დრო აჩვენებს!!!
ორივე მხარემ, პოზიციამ და ოპოზიციამ უნდა ისწავლოს ერთმანეთთან ნორმალური და ცივილური ურთიერთობა, ლაპარაკი, მსჯელობა, კამათი და სხვადასხვა მოსაზრებების დასაბუთება ქვეყნისათვის სწორი გადაწყვეტილებების მიღების რთულ გზაზე.
თურქეთი 18 წელია კანდიდატი,ჩრდილო მაკედონია და ალბანეთი 7 თუ 8:)):))კანდიდატობა ბებიაშენს დაპირდი.