„Axis Towers-ის“ ველნესი - უნიკალური სივრცე მულტიფუნქციური სერვისებით

თბილისში, ჭავჭავაძის გამზირზე მდებარე „Axis Towers-ი“ უკვე გახდა დედაქალაქის ახალი სავიზიტო ბარათი. „Axis Towers-ის“ ცათამბჯენი, ინჟინრული და არქიტექტურული თვალსაზრისით, უნიკალური პროექტია. მის გამორჩეულობას განაპირობებს ის ფაქტორიც, რომ იგი ერთდროულად მოიცავს დეველოპმენტის 5 მიმართულებას: საცხოვრებელ, სასტუმრო, საოფისე, კომერციულ და გასართობ ფუნქციებს.

განსაკუთრებულ აღნიშვნას იმსახურებს „Axis Towers-ის“ ველნესი, რომელიც, თავისი მასშტაბითა და შინაარსით, გამორჩეულია და მისი ანალოგი ქალაქში არ არსებობს. „Axis Towers-ის“ ველნესი სასტუმრო „Pullman-ისა“ და „Axis Towers-ის“ სტუმრებს გართობის, დასვენების და სპორტული აქტივობების მრავალფეროვან არჩევანს სთავაზობს.

ის აერთიანებს 25 მეტრის სიგრძის საცურაო აუზს მოძრავი გადახურვით; ღია ტერასას, რომელიც ჭავჭავაძის გამზირზე გადის; კაფე-ბარს; პროფესიონალურად აღჭურვილ ფიტნეს სივრცეს და სპას.

საცუარო აუზი

„Axis Towers-ის“ ბიზნესცენტრის მე-6 სართულზე განთავსებულია 25 მეტრის სიგრძის საცურაო აუზი, მოძრავი გადახურვით. აუზს ღია ტერასა აქვს, ხედით ჭავჭავაძის გამზირზე, რომელსაც მზე მთელი დღის განმავლობაში ანათებს. ტერასა კომფორტული ავეჯით არის მოწყობილი და ზეთისხილის ხეებითაა გაფორმებული. ზამთარში კი, გადახურული ჭერის წყალობით, დამსვენებელს საშუალება ეძლევა სიმყუდროვე შეიგრძნოს და ხედებით დატკბეს. აუზის გვერდით 2 დიდი ჯაკუზია განთავსებული, რომელთაგან თითოეული 10 ადამიანზეა გათვლილი.

„Axis Towers-ის“ ველნესი უნიკალურია თავისი მასშტაბით, რადგან ქალაქის ცენტრში არ არსებობს მსგავსი პრემიუმ ტიპის კომპლექსი. გამორჩეულია ტერასაც, რადგან ასეთი ზომის ტერასას, რომელიც ცენტრალურ გამზირზე გადის და ამავე დროს, ასეთი მყუდროა, ქალაქში ასევე ვერ შეხვდებით.

დღის განმავლობაში, ველნესის სტუმრებს კაფე-ბარი მოემსახურება, რომელიც განსხვავებულ მენიუს შესთავაზებს ჯანსაღი კერძებითა და განსაკუთრებული, სპეციალურად ველნესისთვის შექმნილი კოქტეილებით.

ფიტნეს და სავარჯიშო სივრცე

უნიკალურია ველნესში არსებული სპორტული მიმართულებაც, რადგან სხვა მსგავსი ადგილებისგან განსხვავებით, Axis Towers-ში სრულყოფილად აღჭურვილი ფიტნეს დარბაზი მოეწყო, რომლის მასშტაბიც, ასევე, თვალშისაცემია. 1000 კვადრატულ მეტრზე განთავსებულ სპორტულ სივრცეში ხელმისაწვდომია „ტექნოჯიმის“ ფირმის, უახლესი მოდელის ტრენაჟორებით აღჭურვილი ზონა, კარდიო ზონა, კრივი, პილატესი და იოგა. იოგასა და პილატესის სივრცეებს ცალკე დიდი ტერასა აქვთ. ვინაიდან „Axis Towers-ის“ კონცეფციის ერთ-ერთი მნიშვნელოვანი ნაწილი სიახლეების დანერგვაა, სპორტული მიმართულებაც არ არის გამონაკლისი. „Axis Towers-ის“ ფიტნეს ნაწილში ინოვაციური „როვერების“ ჯგუფური ვარჯიშების სივრცეა გამოყოფილი. წყლის ნავებით შეჯიბრის ჯგუფური ვარჯიშისას უზარმაზარ ეკრანზე სასურველი ხედის არჩევაა შესაძლებელი. კიდევ ერთი „სიურპრიზი“ მუსიკალური გაფორმებაა. ფიტნესისა და სპორტის მოყვარულთა მოტივაციასა და განწყობაზე დიჯეი იზრუნებს და მოვარჯიშეებს მუსიკით გაამხნევებს.

გაყიდვების ჯგუფი

„Axis Towers-მა“ ველნესის ნაწილში კიდევ ერთი სიახლე შემოიტანა და გაყიდვების ჯგუფი შექმნა. სპეციალურად გადამზადებული და პროფესიონალებით დაკომპლექტებული ჯგუფი ჩაგიტარებთ შიდა ტურს, მოგაწვდით ამომწურავ ინფორმაციას ყველა სახის სერვისზე და რაც მთავარია, თქვენზე მორგებულ მომსახურებას შეგირჩევთ.

სპა

რაც შეეხება სპას - „Axis Towers-ის“ველნესს წლის ბოლომდე საერთაშორისო ბრენდის სპა შეემატება.

NS