მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ძალადობის დიდოსტატია თსუ-ს რექტორი... როცა ის აკადემიურ დანაშაულში ვამხილე გადაწყვიტა, შური ეძია" - რას წერს კაჭკაჭიშვილი შარვაშიძესა და თსუ-ს მოვლენებზე?
17:36 / 11-06-2022
სოციოლოგი იაგო კაჭკაჭიშვილი თსუ-ში განვითარებულ მოვლენებს ეხმაურება. ის მწვავედ აკრიტიკებს უნივერსიტეტის რექტორს გიორგი შერვაშიძეს და რამდენიმე წლის წინ მომხდარ ფაქტს იხსენებს, როდესაც რექტორი პლაგიატში ამხილეს:
"ძალადობა ცუდი ყოფილა თურმე. და პატივცემულებო, ძალადობა თქვენ მარტო ფიზიკური ცემა-ტყეპა გგონიათ? რაფინირებულ, "დავარცხნილ“, კაგებეშნიკური მეთოდებით განხორციელებულ ძალადობაზე რას იტყვით? კარგია? მოსულა? თსუ რექტორი სწორედ ასეთი რაფინირებული ძალადობის დიდოსტატია. ვისაც დაგავიწყდათ, გაგახსენებთ!
2019 წელს საგამოძიებო ჟურნალისტებმა რექტორი პლაგიატში ამხილეს. ეს ოფიციალური დოკუმენტით დაადასტურა იმ უნივერსიტეტმა, სადაც შარვაშიძემ 2005 წელს დისერტაცია დაიცვა - ილიას სახელმწიფო უნივერსიტეტის მიერ გამოცემულ დოკუმენტში შავით თეთრზე წერია, რომ დისერტაციის 34% (!) მძიმის გამოტოვების გარეშე გადაწერილია კვლევის ანგარიშიდან, რომლის დაწერაში შარვაშიძეს არავითარი წვლილი არ მიუძღვის (ეს თავადაც აღიარა).
მე, როგორც ამ კვლევის ერთ-ერთმა მონაწილემ, საჯაროდ გავაპროტესტე ეს აშკარა აკადემიური დანაშაული. როგორ მოიქცა რექტორი? იმის ნაცვლად, რომ შეცდომა ეღიარებინა, აკადემიურ სივრცეს გაცლოდა და, როგორც ამბობენ, ღვინის წარმატებული ბიზნესისთვის უფრო მეტად მიეხედა, რექტორმა: - მისივე ბრძანებით შექმნა კომისია, რომელსაც დააწერინა ტყუილი, რომ შარვაშიძის დისერტაცია პლაგიატს არ შეიცავს;- გადაწყვიტა, რომ შური ეძია ჩემზე და უნივერსიტეტიდან გავეგდე.
ამისათვის ბევრი ეძება და რის ვაი-ვაგლახით გამოძებნა მისი ოჯახის ახლობელი ადამიანი, სოციალურ მეცნიერებებთან სათოფეზე არგაკარებული და ამ მიმართულებით პროფანი ახალგაზრდა კაცი, რომელსაც დააწერინა საჩივარი, რომ ჩემი სადოქტორი დისერტაცია არაკვალიფიციურია და ჩავიდინე ავტოპლაგიატი, როდესაც ჩემივე დისერტაცია წიგნად გამოვეცი;
- საჩივრის საფუძველზე შექმნა ეთიკის კომისია, რომელიც ჩემს დისერტაციას 4 თვის განმავლობაში სწავლობდა და წვალობდა. კომისია ბოლომდე უსინდისო არ აღმოჩნდა და დიდი ზეწოლის ქვეშ ორ სკამზე ჯდომა არჩია - დაწერა კონფორმისტული დასკვნა, აბსურდული შინაარსით, სადაც დაახლოებით ის წერია, რომ მე არაფერი დამიშავებია, მაგრამ მაინც დამნაშავე ვარ და „მიფიქსირდება აკადემიური არაკეთილსინდისიერება“.
- მოინდომა ამ დასკვნის საფუძველზე აკადემიური საბჭოსთვის ჩემი თსუ-დან გაშვება დაეძალებინა, მაგრამ ამაში ხელი შეუშალა უპრეცედენტო წინააღმდეგობამ - ჩემს დასაცავად პეტიციას ათასზე მეტმა ადამიანმა (მათ შორის, თსუ წამყვანმა პროფესორებმა და საზოგადოებაში ცნობილმა პირებმა) მოაწერა ხელი. სტუდენტებმა დაწერეს მხარდამჭერი წერილები და ა.შ. რექტორი შეშინდა და გაჩერდა.
- ჩემ წინააღმდეგ ბრძოლაში ჩართო მედია - ტელეიმედი, ვებგამოცემა edu.aris.ge და სხვ. და გაუგონარი ტყუილები ალაპარაკა და ილაპარაკა;- ამიკრძალა ლექციების წაკითხვა ბათუმის უნივერსიტეტში, რომელსაც მისივე ოფიციალური თანხმობით, წლების მანძილზე ვეწეოდი (ამასთან, თსუ კანცელარიიდან გააქრო მისივე ხელმოწერილი თანხმობა).
პარალელურად, თსუ რექტორმა მოინდომა შელახული რეპუტაციის კომპენსირება:
ა) თსუ-ს გადააღებინა 1 საათიანი (!) ფილმი/პანეგირიკი მასზე, სადაც ის გამოყვანილია გასული საუკუნის ეროვნულ-განმათავისუფლებელი მოძრაობის ერთ-ერთ აქტიურ და რეპრესირებულ წევრად;
ბ) მისი მითითებით დაკომპლექტებულ და მის მიმართ ლოიალურად განწყობილ აკადემიურ საბჭოს მეორე ვადით აარჩევინა თავი; გ) მისივე ბრძანებით შექმნილმა კომისიამ ის ასოცირებულ პროფესორად აირჩია განათლების ფაკულტეტზე (პრაქტიკულად ნულოვანი აკადემიური/სამეცნიერო ფონის მიუხედავად) და ა.შ.ჰოდა, ახლა გეკითხებით ყველას - ზემოთ ჩამოთვლილი ფაქტები ძალადობა არ არის? ვიცი, რიტორიკული შეკითხვაა, მაგრამ ზოგჯერ თურმე ასეთ შეკითხვებსაც სჭირდება დასმა.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეგ თსუ-ს შენობა მხოლოდ კულტურ.მემკვიდრეობის ძეგლად თუ ივარგებს,თორემ ყოველგვარ ლექტორებსა თუ რექტორებს უკვე დიდი ხანია ხავსი აქვთ მოდებული,თან ყოველი პირველი თუ არა და მეორე პოლიტიკოსი ვითომ ე.წ.ლექციებსაც რომ კითხულობს,ესაა საფიქრალი და სასაცილოც..🤦♀️😃გადავხედოთ გარემოს,ერთი და იგივე სახეები და თანაც თსუ-ს კურსდამთავრებულების გარდა ყველას უცხოეთში აქვს მიღებული განათლება,მაგრამ არაა ჩვენი საშველი და აღარც იქნება მომავალში მგონი...🤔🤷♀️
საერთოდ არ ვიცი ეს შერვაშიძე და ვერაფერს დავწერ მასზე, მაგრამ დისერტაციებს რომ წერთ და ლექციებს კითხულობთ, საკუთარ ენაში " მის " და " თავის" ნაცვალსახელების ხმარება არ იცით სწორად, რა ლექტორები ხართ თქვენ? 😏 გგონიათ, მარტო ფილოლოგი უნდა მეტყველებდეს გა