"რომან გრიბოვის სიტყვის მატერიალიზაციას 49 დღე დასჭირდა. თქვენ კიდევ ამბობთ, ვერბალური ვიზუალიზაცია არ მუშაობსო" - რამაზ გიგაური
ცნობილი ასტროლოგი რამაზ გიგაური ეხმაურება რუსეთის შავი ზღვის ფლოტის სარაკეტო კრეისერის "მოსკოვის“ აფეთქებას და წერს:
"რომან გრიბოვმა 24 თებერვალს წარმოთქვა ფრაზა: Русский военный корабль, иди на хуй. დღეს, 14 აპრილს რუსულ საბრძოლო გემს „"მოსკვას“ - რუსეთის შავი ზღვის ფლაგმანს და მათი აზრით, გემების რისხვას უკრაინელებმა "ნეპტუნის“ ორი რაკეტა მოარტყეს. გემი თუ არ ჩაიძირება, მწყობრიდან დიდი ხნით გამოვა. დასკვნა:
რომან გრიბოვის სიტყვის მატერიალიზაციას 49 დღე დასჭირდა. თქვენ კიდევ ამბობთ, ვერბალური ვიზუალიზაცია არ მუშაობსო. ისე მუშაობს, როგორც დაგიბარებია".
შეგახსენებთ, 13 აპრილს, უკრაინულმა მედიამ გაავრცელა ინფორმაცია, რომ უკრაინული "ნეპტუნის“ ორი რაკეტა მოხვდა. "სამხედრო ხომალდი იწვის", - წერდა უკრაინული საინფორმაციო სააგენტო "უნიანი“ და იქვე ციტირებდა ჟურნალისტ სერჟ მარკოს მიერ "ფეისბუქში" დაწერილ პოსტს: "კრეისერ "მოსკოვს" ახლახანს მოხვდა "ნეპტუნის“ ორი რაკეტა. ის დგას, იწვის. ზღვაზე კი შტორმია. როგორც ჩანს, ტაქტიკური დატბორვაა საჭირო".
მომხდარი დაადასტურეს ოდესის რეგიონალური სახელმწიფო ადმინისტრაციის ხელმძღვანელმა მაქსიმ მარჩენკომ და პრეზიდენტის ოფისის ხელმძღვანელის მრჩეველმა ალექსი არესტოვიჩმა.
მედიის ინფორმაციით, კრეისერი "მოსკოვი“ ზუსტად იგივე რუსული ხომალდია, საიდანაც უკრაინელ მესაზღვრეებს, თებერვლის ბოლოს, ზმეინის კუნძულზე, დანებებისკენ მოუწოდებდნენ. პასუხად კი ცნობილი ფრაზა: "Русский военный корабль, иди на х*й“ მიიღეს. მესაზღვრე რომელმაც ეს პასუხი გასცა რუსულ ხომალდს სწორედ რომან გრიბოვია.
მოგვიანეით კერისერზე პრობლემები აღიარა რუსულმა მხარემაც. რუსეთის თავდაცვის სამინისტროს განცხადებით, შავი ზღვის ფლოტის სარაკეტო კრეისერზე "მოსკოვი“ ხანძარი გაჩნდა. სამინისტროს მოკლე შეტყობინებაში, რომელიც რუსულმა სააგენტოებმა წუხელ გაავრცელეს, ნათქვამია, რომ სარაკეტო კრეისერზე ხანძრის შედეგად მოხდა საბრძოლო მასალის აფეთქება, რამაც გემი სერიოზულად დაზიანა. მათი მტკიცებით, ეკიპაჟი სრულად ევაკუირებულია. რუსეთის თავდაცვის სამინისტროს განცხადებით, მიმდინარეობს ხანძრის გამომწვევი მიზეზების დადგენა.
იხილეთ ასევე: