15
მარტიდღის ზოგადი ასტროლოგიური პროგნოზი
რუსი ოლიგარქი, რომან აბრამოვიჩი, რომელსაც დასავლეთის მიერ დაწესებული სანქციები შეეხო, ახლა მდიდარ მეგობრებს სთხოვს, 1 მილიონი დოლარი ასესხონ. ოლიგარქის მთელი ქონება ამ დროისთვის "გაყინულია."
ბრიტანული გამოცემაThe Sun წყაროზე დაყრდნობით წერს, რომ აბრამოვიჩი ბოლო დღეებია ჰოლივუდის ვარსკვლავებს, უოლ სტრიტელ მდიდარ მეგობრებსა და სხვა ბიზნეს მაგნატებს უკავშირდება ფულის სასესხებლად.
მან თითოეულ მათგანს 1 მილიონი დოლარის ოდენობის თანხა სთხოვა, რათა "თავი გაეტანა".
წყაროს ცნობით, აბრამოვიჩი როტშილდების ოჯახსაც დაუკავშირდა. ცნობილ ადამიანებს შორის, ვისაც ოლიგარქი ფულის სათხოვნელად დაუკავშირდა, არის ბრეტ რატნერი - ამერიკელი რეჟისორი.
ჯერჯერობით უცნობია, ასესხა თუ არა სანქცირებულ ბიზნესმენს რომელიმემ თანხა. აბრამოვიჩს ბევრი ცნობილი ადამიანი ჰყავს სანაცნობო და სამეგობრო წრეში. 2016 წელს, მის სააახალწლო საღამოზე მიწვეულ ვარსკვლავებს შორის იყვნენ: ლეონარდო დიკაპრიო, ჯორჯ ლუკასი და სხვები.
ცნობისთვის, რომან აბრამოვიჩი რუსეთ-უკრაინის მოლაპარაკებებში ერთ-ერთი მთავარი ფიგურაა და ის რუსეთის პრეზიდენტის, ვლადიმერ პუტინის არაფორმალური წარმომადგენელია. უკრაინის პრეზიდენტმა ვოლოდიმირ ზელენსკიმ დასავლეთს რამდენიმე კვირის წინ სთხოვა, რომ აბრამოვიჩი სანქცირებულთა სიიდან ამოეღოთ, რადგანაც არსებობდა შესაძლებლობა, რომ რუს ოლიგარქს მოლაპარაკებების წარმართვაში "მნიშვნელოვანი როლი შეესრულებინა."
წყარო: thesun.co.uk
- ნახთ ასევე:
- რომან აბრამოვიჩმა პუტინს ზელენსკისგან ხელნაწერი წერილი ჩაუტანა - რა ეწერა წერილში და როგორი იყო პუტინის პასუხი: The Times მოლაპარაკებების უცნობ დეტალებზე
- ობლობა, გზა ოლიგარქობამდე და ახლო ურთიერთობა პუტინთან - რომან აბრამოვიჩის ცხოვრების უცნობი დეტალები: კაცი, რომელსაც კრემლში "ბატონ A-ს" ეძახიან
მოამზადა: ანა სიბოშვილმა
თვის ბოლოს ხელფასზე შემიძლია ვასესხო.
რატომ, აჭარაბეთში დებს სტავკებს?