მნიშვნელოვანი ინფორმაცია
18
მარტიდღის ზოგადი ასტროლოგიური პროგნოზი
სამშაბათი, მთვარის მეცხრამეტე დღე, მთვარე მორიელშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ ამ დღეს, გადადეთ ნიშნობაც. განქორწინებაც კი სხვა დღეს დანიშნეთ. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არ ვიცი, იცის თუ არა, რომ ამისთვის დაიბადა, მაგრამ მე ვგრძნობდი, რომ რაღაც მნიშვნელოვანს შევესწარი..." - რას ჰყვება შონ პენი უკრაინასა და პრეზიდენტ ზელენსკისთან შეხვედრაზე?
14:27 / 07-03-2022
ჰოლივუდის ვარსკვლავი - შონ პენი, უკრაინა-პოლონეთის საზღვართან ყოფნისას მიღებულ გამოცდილებაზე საუბრობს. "ოსკარის" მფლობელი მსახიობი სულ ახლახან დაბრუნდა აშშ-ში და იმ პრობლემებზე ლაპარაკობს, რომლის წინაშეც უკრაინელი ლტოლვილები დგანან.
Myself & two colleagues walked miles to the Polish border after abandoning our car on the side of the road. Almost all the cars in this photo carry women & children only, most without any sign of luggage, and a car their only possession of value. pic.twitter.com/XSwCDgYVSH
— Sean Penn (@SeanPenn) February 28, 2022
61 წლის ვარსკვლავი უკრაინის საზღვართან დოკუმენტური ფილმის გადასაღებად იმყოფებოდა. შონ პენი უკრაინაში დაძაბულობის ესკალაციის შესახებ დოკუმენტურ ფილმზე გასული წლიდან მუშაობს. ის რუსეთის შეჭრის კვირას გაფრინდა უკრაინაში. მსახიობი CNN-თან ინტერვიუში იმასაც ყვება, თუ როგორი აღფრთოვანებულია უკრაინის პრეზიდენტით. პენი ზელენსკის მოგზაურობის დროს პირადად შეხვდა:
"პრეზიდენტ ზელენსკის, რუსეთის შეჭრის წინა დღეს და მას მერეც შევხვდი. არ ვიცი, იცის თუ არა, რომ ამისთვის დაიბადა, მაგრამ მე ვგრძნობდი, რომ რაღაც მნიშვნელოვანს შევესწარი - ეს იყო თანამედროვე მსოფლიოსთვის სრულიად ახალი სიმამაცე, ღირსება და სიყვარული, რაც ამ ადამიანიდან მოდის... მან სწორედ ამით გააერთიანა ქვეყანა. ეს გასაოცარი მომენტი იყო. აღფრთოვანებული ვიყავი ზელენსკით და ამავდროულად შიში მიპყრობდა მისი და უკრაინელების საფრთხის ქვეშ ყოფნის გამო", - ამბობს მსახიობი.
მსახიობი პოლონეთისა და უკრაინის სასაზღვრო სიტუაციაზეც საუბრობს და ჰყვება:
"უმეტესად ქალებს და ბავშვებს ვხედავდი, შემაცბუნებელი სანახაობა იყო ეს ჩემთვის. ბარგი არც კი დამინახავს. ეს ყველაფერი ისე გამოიყურებოდა, თითქოს ისინი უკან დაბრუნებას აპირებდნენ და უბრალოდ, იძულებულები იყვნენ, რომ სასწრაფოდ გასცლოდნენ იქაურობას".
შონ პენმა ინტერვიუში დაგმო რუსეთის პრეზიდენტი - ვლადიმერ პუტინი ომის წამოწყების გამო და აშშ-ს პრეზიდენტს ვოლოდიმირ ზელენსკის და უკრაინელი ხალხის მხარდაჭერისკენ მოუწოდა:
"უკვე სასტიკი შეცდომაა ამდენი დაკარგული სიცოცხლე და გატეხილი გული. თუ პუტინი სასწრაფოდ არ მოინანიებს ჩადენილს, ეს ყველაზე საშინელი შეცდომა იქნება მთელი კაცობრიობის წინაშე", - თქვა პენმა.
შონ პენის აზრით, ეს ყველაფერი მალე არ დასრულდება:
"პრეზიდენტი ზელენსკი და უკრაინელი ხალხი გამბედაობისა და პრინციპულობის ისტორიულ სიმბოლოებად იქცნენ. თუ ჩვენ უკრაინას ამ ბრძოლაში მარტოს დავტოვებთ, ჩვენი, როგორც ამერიკის სული დაიკარგება“, - ამბობს მსახიობი.
წყარო: nationalpost.com
მოამზადა ანა სიბოშვილმა
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ავტოსაგზაო შემთხვევა სამგორში - თვითმხილველების ინფორმაციით, ავტომანქანა ველოსიპედით მოძრავ მოქალაქეს დაეჯახა.
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვეხმარებით როგორც შეგვიძლია,მაგრამ ომში ჩართვით თავს ვერ დავისამარებთ.
ამოიღეთ ხმა დავეხმაროთ უკრაინელებს