მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დაობლებულ უკრაინელ ბავშვებს ვერ იშვილებთ ... ასე არავინ თმობს საკუთარ მოსახლეობას" - გაუგებრობა ხარკოველი ბავშვების შვილად აყვანის თემაზე და უფლებადამცველის პასუხი
16:06 / 04-03-2022
ორი დღეა სოციალურ ქსელში ყოფილი მაღალჩინოსანი გიორგი არველაძე ხარკოველი ბავშვების შვილად აყვანაზე წერს. არველაძე "ნაციონალური მოძრაობის" ხელისუფლებიდან წასვლის შემდეგ უკრაინაში ცხოვრობს და მესამედ იქ დაოჯახდა. მას შემდეგ, რაც უკრაიანში რუსეთი შეიჭრა და საომარი მოქმედებები დაიწყო, სოციალურ ქსელში უკრაინაში მიმდინარე მოვლენებზე ინფორმაციას ავრცელებს.
გუშინ კი გამოაქვეყნა განცხადება, სადაც წერდა, რომ ხარკოვში დაობლებული 78 ჩვილის გასაშვილებლად სიას ადგენდა...
„78 ობოლი ჩვილი გამოიყვანეს ხარკოვიდან. არ იციან რა უყონ. თუ ვინმეს გინდათ შვილება ან დახმარება გამაგებინეთ გთხოვთ. მარტო თქვენი მზადყოფნა არ ეყოფა, მაგრამ რომ ვიცოდე ვინ არის მზად, მერე რამეს ვცდით...“ - წერს არველაძე.
არველაძის პოსტს უამრავი ადამიანი გამოეხმარა, მათ შორის ცნობილი სახეები მაია ასათიანი და ნინი შერმადინი, რომელმაც განაცხადა რომ ერთდროულად 5 ბავშვს იშვილებდა.
თუმცა არველაძის განცხადების შემდეგ უკრაინაში მცხოვრებმა ქართველმა მამაომ ნექტარიოს მჭედლიძემ დაწერა, რომ ეს ადამიანების შეცდომაში შეყვანაა და უკრაინას არ ჰყავს გასაშვილებელი ბავშვები და იქაური კანონმდებლობით დაუშვებელია...
სასულიერო პირის მხრიდან გავრცელებული პოსტის მიუხედავად არველაძემ შვილად ასაყვან ბავშვებზე დღეს კიდევ ერთი განცხადება გაავრცელა.
გიორგი არველაძე:
- ბავშვებზე ვინც მომწერეთ, ყველას დიდი დიდი მადლობა. უამრავი, დაახლოებით 700 მადლიანი ადამიანისგან მივიღე შეტყობინება. მარტო ვარ ეხლა და ყველასთვის პასუხის გაცემას ფიზიკურად ვერ ვასწრებ.
მაგრამ ყველასთან კავშირი მექნება. ყველას გიპასუხებთ და ყველას გაგაგებინებთ რა ხდება. ყველას აღვრიცხავ, როგორც მსურველს. ეხლა მთავარი ამოცანაა ბავშვები სამშვიდობოს გამოიყვანონ. გუშინ ღამე დაიკარგა კავშირი და არ ვიცით, რა მოახერხეს. გამოყვანას ცდილობდნენ. დღეს ხარკოვის სამოქალაქო ადმინისტრაციასთან მექნება ზარი და მეტი ინფორმაციით დაგიბრუნდებით. ვისაც ეგრევე ვერ გპასუხობთ, არ გამკიცხოთ.
მოსახლეობის ინიციატივას, რომ უკრაინიდან ჩამოყვანილ ბავშვებს იშვილებდნენ, საზოგადოების ნაწილისგან უარყოფითი გამოხმაურება მოჰყვა. კომენტარებში წერდნენ, რომ ეს მხოლოდ თავის მოწონება იყო. მკითხველს შევახსენებთ, რომ წლების წინ სირიაში ომის დროს, ქართველები მაშინ სირიელი ბავშვების ჩამოყვანას და შვილად აყვანას აპირებდნენ. თუმცა არცერთი სირიელი ბავშვი მაშინ ქართველზე არ გაშვილებულა.
უფლებადამცველი ბაია პატარაია სოციალურ ქსელში წერს, რომ წარმოუდგენელია დაობლებული უკრაინელი ბავშვის ასე მარტივად გაშვილება უცხოეთის მოქალაქეზე.
ბაია პატარაია:
- დაობლებულ უკრაინელ ბავშვებს ვერ იშვილებთ. მადლობა ღმერთს უპატრონოდ დარჩენილი უკრაინელი ბავშვი ბევრი არაა, თუ საერთოდ არსებობს. რომც არსებობდეს, უკრაინა (და არც სხვა ქვეყანა) ასეთ ბავშვს უცხოეთში არ გააშვილებს, ჯერ შეეცდება მისივე ნათესავებში უპოვოს შემფარებელი და თუ ასეთი ვერ ნახა, მერე სხვა უკრაინულ ოჯახში გააშვილებს.
ყველა სახელმწიფო ასე იქცევა, არავინ თმობს საკუთარ ბავშვს (მოსახლეობას) ადვილად. ეს სახელმწიფო ინტერესიცაა და ბავშვის ინტერესიცაა. პლუს მთელ ევროპაში და საქართველოშიც მწვავედ დგას უშვილობის პრობლემა და ბევრი ადამიანია რიგში ბავშვის ასაყვანად. მოთხოვნა გაცილებით დიდია, ვიდრე გასაშვილებელი ბავშვების რაოდენობა.
ქართველ ბავშვს მხოლოდ იმ შემთხვევაში აშვილებენ საზღვარგარეთ, თუ მასზე ყველა მოსურნემ უარი თქვა საქართველოში. და ვისზე ამბობენ უარს? სხვადასხვა ქრონიკული და მძიმე დაავადების მქონე ბავშვებზე.
პ.ს. ერთადერთი გაუგებარი და მოუწესრიგებელი ბავშვთა სახლები არის რელიგიურ დაწესებულებები. სწორედ ამიტომ ვითხოვთ მათ დეინსტიტუციონალიზაციას. საქართველომ თუ ვინმე გაწირა, სწორედ რელიგიურ პანსიონატებში მყოფი ბავშვებია, რომელთა უფლებებიც სასტიკად და სისტემატურად ირღვევა. სახელმწიფო კი უპასუხისმგებლოდ იქცევა, რადგან ეშინია საპატრიარქოსი. მაგრამ ამასაც მივხედავთ!
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არც საქარტველოშია ცოტა დაუცველი ბავშვი.თითოოროლა მატრაკვეცა შვილობა თუ არა მათ დაეხმარნენ თუ ბევრი აქვთ და მოემხობათ.უკრაენელებიი გზას მონახავენ
გიორგი არველაძეს ( სხვა ქვეყნის) ბავშვების გასხვისება დაუწყია ,ამას ქვია სპეკულაცია.ვინ თუ არა ნაცი იკადრებს ასეთ რამეს😁. ძალიან მონდომებული.ა.