"თქვენ არ ხართ ჩვენი მტერი" - ჯო ბაიდენმა რუსეთის მოქალაქეებს მიმართა
ნება მომეცით მკაფიოდ განვაცხადო ის, რასაც ჩვენ არ ვაკეთებთ: შეერთებული შტატები და ნატო არ წარმოადგენს საფრთხეს რუსეთისთვის, - ამის შესახებ აშშ-ის პრეზიდენტმა ჯო ბაიდენმა თეთრ სახლში სიტყვით გამოსვლისას განაცხადა.
"უკრაინა არ ემუქრება რუსეთს. არც აშშ-ს და არც ნატოს არ გააჩნიათ რაკეტები უკრაინაში. ჩვენ არ გვაქვს გეგმები მათი იქ განთავსებაზე. ჩვენ არ გვყავს მიზანში ამოღებული რუსეთის მოსახლეობა. ჩვენ არ ვცდილობთ რუსეთის დესტაბილიზაციას. რუსეთის მოქალაქეებს: თქვენ არ ხართ ჩვენი მტერი. არ მჯერა, რომ თქვენ გინდათ სისხლიანი, დესტრუქციული ომი უკრაინის წინააღმდეგ“, - განაცხადა მან.
აშშ-ის პრეზიდენტის თქმით, თუ რუსეთი უკრაინას თავს დაესხმება, ეს იქნება ომი მიზეზის გარეშე.
"თუ რუსეთი თავს დაესხმება უკრაინას, ეს იქნება არჩევანის ომი, ან ომი უმიზეზოდ. მე ამას ვამბობ არა პროვოცირების მიზნით, არამედ სიმართლისთვის, რადგან სიმართლეს აქვს მნიშვნელობა. ანგარიშვალდებულება მნიშვნელოვანია", - განაცხადა ბაიდენმა.