ქაბულიდან ევაკუაციისას დაკარგული ბავშვი ოჯახს დაუბრუნდა

ქაბულიდან ევაკუაციისას დაკარგული ბავშვი ოჯახს დაუბრუნდა. ამის შესახებ ინფორმაციას BBC-ი ავრცელებს.

ორი თვის სოჰაილ აჰმადი ამერიკელ ჯარისკაცს მაშინ გადასცეს, როდესაც აეროპორტში ქაოსი იყო, რომ ის ჭყლეტისგან დაეცვათ.

ბავშვის მამა მირზა ალი აჰმადი, რომელიც აშშ-ს საელჩოში დაცვის თანამშრომლად მუშაობდა, დედა სურაია და მათი ოთხი სხვა შვილი აშშ-ში საევაკუაციო ფრენით გადაიყვანეს. თვეების განმავლობაში მათ წარმოდგენა არ ჰქონდათ სად იყო მათი მცირეწლოვანი მეხუთე შვილი. მაგრამ მას შემდეგ, რაც Reuters-მა ოჯახის მიერ სოჰაილის ძებნის შესახებ გამოაქვეყნა, კვალი 29 წლის ტაქსის მძღოლამდე მივიდა.

მძღოლის თქმით, მან ბავშვი აეროპორტში იპოვა, რომელიც მარტო იყო და ტიროდა, მან კი გადაწყვიტა, რომ ის სახლში ცოლ-შვილთან წაეყვანა და გაეზარდა. მათ ჩვილს სახელი მუჰამედ აბედი დაარქვეს და საოჯახო ფოტოები "ფეისბუქის" გვერდზე გამოქვეყნეს.

როდესაც ბავშვის ადგილსამყოფელი დადასტურდა, ბავშვის ბაბუა, მოჰამედ ქასემ რაზავი, რომელიც ჩრდილო-აღმოსავლეთ პროვინციაში ცხოვრობს, გაემგზავრა ქაბულში, რათა ბავშვის დაბრუნება ეთხოვა. თუმცა, ბავშვის გადაცემაზე უარი ეთქვა. შვიდკვირიანი მოლაპარაკებების შემდეგ, ბავშვი დაუბრუნდა ბაბუას, იტყობინება Reuters.

აშშ-ში მყოფმა მშობლებმა ბავშვი ვიდეოჩათის საშუალებით ნახეს, ოჯახი იმედოვნებს, რომ მალე ბიჭს მიჩიგანის შტატში გადაიყვანენ, სადაც ახლა ცხოვრობენ.