მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ნუცა ბუზალაძემ ჩემი სიმღერით მოიგო "იურმალა", აიღო 70 ათასი და პატარა იები ან "ბანბანერკაც" არ გახსენებია" - მაიკო კაჭკაჭიშვილი
11:50 / 08-12-2021
მომღერალი და კომპოზიტორი მაიკო კაჭკაჭიშვილი ხშირად გამოირჩევა ხმაურიანი განცხადებებით. "ფეისბუქ" სტატუსებისა თუ "ლაივ" ჩართვების გამო არაერთხელ მოქცეულა საზოგადოების ყურადღების ცენტრში.
ამჯერად კომპოზიტორის ორ ლაივ ჩართვაზე მოგიყვებით, რომელიც გუშინ "ფეისბუქის" საკუთარ გვერდზე გამოაქვეყნა, თუმცა მოგვიანებით წაშალა. პირველ ვიდეოში მაიკო მაყურებელს იმის შესახებ უყვება, თუ როგორი დაუფასებელია კომპოზიტორის შრომა. მეორე ვიდეოში კი კერძოდ მომღერალ ნუცა ბუზალაძეზე საუბრობს. მომღერალს მაიკო კაჭკაჭიშვილის დაწერილმა სიმღერამ, "იურმალაზე" გამარჯვება მოუტანა, თუმცა მან სიმღერის ავტორისთვის იის კონა და "რაფაელოც ვერ" გაიმეტა.
მაიკო კაჭკაჭიშვილი:
- გადავწყვიტე, რომ გაგიზიაროთ პატარა არა, დიდი საიდუმლო და ჩავერთე ლაივში. მოკლედ, ახლა უნდა აგიხსნათ ავტორების და შემსრულებლების დამოკიდებულება ერთმანეთში. როგორ ხდება მომღერლების და კომპოზიტორების ამბები. ყველაფერი უნდა მოვყვე დღეს.
ბათუმიდან 1999 წელს ჩამოვედი. გაჭირვებული ცხოვრება იყო და მეც ვიცოდი, რომ ნიჭიერი გოგო ვიყავი მუსიკაში, მაგრამ ამით პურს ვერ ვიყიდდი. დავიწყე ბაქლავების გამოცხობა და ვაბარებდი. ერთ ნაჭერში 75 თეთრს მიხდიდნენ. აღარ დავკონკრეტდები, რთული ეტაპი გავიარე და ბოლოს 2000 წლის საახალწლო კონცერტი რომ გაუშვეს ეკრანებზე, მაშინ გამოვიდა სიმღერა „გაიღიმე, პატარა...“ მაგ დროს ვაკეთებდი ბაქლავას რომ დილას ჩამებარებინა.
ყველა ძალიან ბედნიერი იყო, ახალი წელი მოდიოდა. ბაქლავა გამოვაცხე და კონცერტსაც ვუყურე. ჩემს თავს შევპირდი, მაიკო, ამ ბაქლავას აღარ გამოაცხობ და დღეს ვინც ნახე ტელევიზიით მომღერალი, ერთ წელიწადში ყველას შენი სიმღერა ექნება-თქო რეპერტუარში.
წელიწადნახევარში, ნახევარზე მეტს მაინც ჰქონდა ჩემი სიმღერები. ვწერდი ლამაზ სიმღერებს და ჰქონდათ ეს რეპერტუარში, მაგრამ ყოველთვის ყველა მომღერალს უჭირდა ავტორის ხსენება. რატომღაც ეგონათ, რომ რადგან იმღერებდნენ, თავად იყვნენ ყველაფერი. ერთადერთი ეს არასოდეს ეშლებოდა ლელა წურწუმიას, ნოდიკო ტატიშვილსა და ნინი ბადურაშვილს. სცენაზე გამოსვლისას ყოველთვის ახსენებდნენ ავტორს.
დაფიცებული მაქვს ცხოვრებაში, არავის სიმღერას აღარ დავუწერ. თავიდანვე ყველაზე კარგად შემეძლო სიმღერა, მაგრამ 200 კილომდე ვიყავი და ვფიქრობდი, სცენას არ მოვუხდებოდი და სხვებს გადავულოცე. ვითომ შემოქმედები რომ გყავთ და ტელევიზიით გამოდიან არტ ტიპები და ერთი ნოტის აღება არ იციან. სულ რომ მშიერი ვიყო და ვმათხოვრობდე, არ დავუწერ.
ახლა გინდა იმღერეთ, იცეკვეთ და რაც გინდა ის გიქნიათ, თქვენი უმადური დედა ვატირე ცხოვრებაში. ერთ-ერთ მომღერალს რომ ვუთხარი რატომ გენანება კლიპის გადაღება ამ სიმღერაზე-მეთქი და ვერაო. ორი წამის მერე 1700 დოლარიანი ჩექმა შეიძინა და იმაში არ დაენანა ფული.
კიდევ რომელიმემ რომ გაბედოს და მომწეროს, სიმღერა დამიწერეო, გამორიცხულია. არ ხართ ღირსები, აქამდე რაც დაგიწერეთ, შეირგეთ.
ნუცა ბუზალაძემ ჩემი სიმღერით მოიგო "იურმალა", აიღო პრიზად 70 ათასი დოლარი. პატარა იები ან ბანბანერკა ან რაფაელო არც გახსენებია, ასე რომ, ამაზე მაქვს საუბარი.
მომღერლმა ნუცა ბუზალაძემ 2014 წელს „იურმალა“ მაიკო კაჭკაჭიშვილის სიმღერით „In my dream“ მოიგო და 70 ათასი დოლარი პრიზი მიიღო. მოგვიანებით ნუცა ინტერვიუებში აღნიშნავდა, რომ ამ ფულით ბინის შეძენა უნდოდა, მაგრამ თანხა არ ეყო.
მაიკო კაჭკაჭიშვილი ნუცა ბუზალაძის გამარჯვების შემდეგ AMBEBI.GE-სთან ინტერვიუში სიმღერის ისტორიას ასე იხსენებდა:
- ეს სიმღერა რომ ჩაიწერა, თუ არ ვცდები, ნუცა 14-15 წლის იყო... ჩემთან მოვიდნენ ნუცა, დედამისი და დეიდამისი, მთხოვეს, მათი გოგონასთვის სიმღერა დამეწერა. ბავშვმა რომ იმღერა, მივხვდი, მისთვის როგორი ნამუშევარი უნდა შემექმნა. საერთოდ, ასეა ხოლმე, რომელი მომღერალიც (თავისი მონაცემებით) როგორ სიმღერას იმსახურებს, ისეთი გამომდის. ეს ჩემზე არ არის დამოკიდებული. ნუცასთვის ასეთი კომპოზიცია დავინახე და დავუწერე. მისი დეიდა ჩემი მეგობარია, ხშირი კონტაქტი მაქვს, გემოვნებიანი და დახვეწილი ადამიანია. ეს სიმღერა რომ მოისმინა, მოსწონებია და უთქვამს, დადგება დრო, თავის სიტყვას იტყვისო, - მისი ამ ნათქვამის შესახებ მოგვიანებით შევიტყვე...
AMBEBI.GE დილიდან ცდილობს, ნუცა ბუზალაძესთან დაკავშირებას, რომელიც ამჟამად შტატებში იმყოფება.
მკითხველის კომენტარები /
80 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კაჭკაჭიშვილი გადაახვიე შენი ფეუსბუქი და იპოვე იურმალას დროს დაწერილი სტატუსი ნუცა ბუზალაძე შენ გენაცვალე და შე ნიჭიერიიიოოოო შენ გენაცვალე ხმაშიო და ჩენი სიმღერის საუკეთესო შემსრულებელიო😂😂😂გვახსოვს
ქალბატონო მაია 2000$ იღებთ ერთ სიმღერაში. ხალხს უწერთ და მერე ორჯერ და სამჯერ ყიდით ანა ჯაკს საფეანგეთში და კიდე ერთ ქალბატონს რუსეთში ერთი და იგივე სიმღერა მიყიდეთ.. ამაზეც მოგვიყევით ერთი ორი სიტყვით