სასარგებლოა თუ არა რაფსის ზეთი? – ინფორმაცია, რომელიც აუცილებლად უნდა იცოდეთ
რაფსის ზეთი თუ თქვენც მავნე პროდუქტი გგონიათ, მაშინ აუცილებლად უნდა გაეცნოთ ინფორმაციას იმის შესახებ, თუ რამდენად სასარგებლოა ის. რაფსის ზეთს ფართოდ იყენებენ მთელ მსოფლიოში. მაღალი სარგებლიანობა და მრავალმხრივი გამოყენების შესაძლებლობები პროდუქტს უამრავი დიასახლისის სამზარეულოს განუყრელ ნაწილად აქცევს. მას იყენებენ სადილების მოსამზადებლად, სალათების დრესინგისთვის, შეწვისა და ცხობისთვის.
რატომ არის რაფსის ზეთი სასარგებლო?
- მის შემადგენლობაში ბუნებრივად ცოტაა ნაჯერი ცხიმები და ბევრი - უჯერი ცხიმი. ეს ჯანმრთელობისთვის იდეალური კომბინაციაა.
- რაფსის ზეთი E ვიტამინის საუკეთესო წყაროა. E ვიტამინი ძლიერი ანტიოქსიდანტია, რომელიც კანისა და მხედველობის გაუმჯობესებას უწყობს ხელს.
- ის დიდი რაოდენობით omega-3-ს შეიცავს, რომელიც გულსისხლძარღვთა დაავადებების განვითარებასა და წნევის კონტროლს უწყობს ხელს. პარალელურად, რაფსის ზეთში ომეგა 6 და ომეგა 9 ისეთი პროპორციულობითაა, რომელიც ჯანმრთელობისთვის ოპტიმალურია.
რაფსის ზეთის პოპულარობას ხელს უწყობს მისი ნეიტრალური სუნი. სწორედ ამიტომ ის შეგიძლიათ გამოიყენოთ როგორც სალათებში, ისე ცხობაში, კერძებში, ტაფასა თუ ღუმელში წვისთვის. რაფსის ზეთი საკმაოდ მაღალ, 400 გრადუს ტემპერატურამდე შეგიძლიათ გააცხელოთ. ეს ამ სახეობის ზეთის კიდევ ერთი უპირატესობაა, რადგან სხვა სახეობის და მათ შორის, ზეითუნის ზეთის კონკრეტული ტიპები გაცხელების დროს სასარგებლო თვისებებს კარგავს. რაფსის ზეთი კი ნებისმიერ ტემპერატურაზე ინარჩუნებს მის სასარგებლო თვისებებს.
ამდენი სარგებლის მიუხედავად, ზოგჯერ შეიძლება გაიგოთ, რომ რაფსის ზეთი მავნე პროდუქტია და მისი მოხმარებისგან თავი უნდა შეიკავოთ. ამ ინფორმაციის გავრცელებას ხელს უწყობს ის ფაქტი, რომ რაფსის ზეთი შეიძლება გენეტიკურად მოდიფიცირებული რაფსის ყვავილისგან იყოს დამზადებული. მწარმოებლები ამ გზას მოსავლიანობის ზრდისთვის მიმართავენ. გენმოდიფიცირებული პროდუქტი კი ალერგიას, სიმსივნეს და კიდევ არაერთ დაავადებას იწვევს. რიგ შემთხვევაში ასეთ ზეთთან ხარიხიანი, ტრადიციული გზით დამზადებული რაფსის ზეთის გაიგივება ხდება და სწორედ ეს არის მიზეზი იმისა, რომ რაფსის ზეთს არაჯანსაღი პროდუქტების ჩამონათვალში არასამართლიანად ახვედრებენ ხოლმე. მისგან მაქსიმალური სარგებელი რომ მიიღოთ, ყურადღება მიაქციეთ შეფუთვაზე მითითებული იყოს წარწერა GMO-free.
რაფსის ზეთს მისი სასარგებლო თვისებებიდან გამომდინარე ხშირად იყენებენ სხვადასხვა პროდუქტის წარმოებაშიც. მაგალითად, ტკბილეულისა და ცომეულის წარმოებაშიც. ერთ-ერთი ყველაზე ჯანსაღი და პოპულარული პროდუქტი კი, რომელიც რაფსის ზეთის დამატებით მიიღება წასასმელი კარაქია. მას დანიური სამეფო კარაქის ბრენდი „ლურპაკი“ აწარმოებს. რაფსის ზეთის დამატებით, წასასმელი კარაქი განსაკუთრებულად სასარგებლო ხდება, რადგან კარაქის სასარგებლო თვისებებს რაფსის ზეთის თვისებები ემატება. ამავდროულად, კარაქი ხდება უფრო გემრიელი, რადგან რაფის ზეთი მას სასიამოვნო და მსუბუქ გემოს აძლევს. სწორედ ამიტომ ასეთი კარაქი ევროპის ქვეყნებში საუკეთესო საუზმედაა მიჩნეული. მისი კიდევ ერთი უპირატესობა კი ისაა, რომ წასასმელი კარაქი ანუ Lurpak Spreadable მაცივარში არ იყინება და ძალიან არ მაგრდება. ამიტომ შეგიძლიათ მაცივრიდან გამოღებისთანავე კომფორტულად და მარტივად წაუსვათ პურზე.
რაფსის ზეთით შეგიძლიათ ჩაანაცვლოთ ნებისმიერი სახეობის ზეთი. უმეტესად კი მას ზეითუნის ზეთის ძალიან სასარგებლო და შედარებით მსუბუქი გემოსა და არომატის მქონე ალტერნატივად მიიჩნევენ.