მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩვენთვის, ბათუმელებისთვის სასიამოვნო იყო, რომ თქვენი პირველი ვიდეო ბულვარში ჩაიწერა" - ოპოზიციის აქცია ბათუმში და მიმართვა მიხეილ სააკაშვილს
18:59 / 23-10-2021
ბათუმში, ოპოზიციის აქცია მიმდინარეობს სლოგანით „ბრძოლა გამარჯვებამდე“. აქციის მონაწილეებს თან აქვთ ბანერები - "ერთად თავისუფლებისთვის და ცვლილებებისთვის" , „თავისუფლება მიშას“.
აქციის მონაწილეებს სიტყვით მიმართა „ნაციონალური მოძრაობის“ ბათუმის მერობის კანდიდატმა გიორგი კირთაძემ და აღნიშნა, რომ თვითმმართველობის არჩევნების მეორე ტურში ოპოზიციამ უნდა გაიმარჯვოს.
მისი თქმით, ოპოზიციას ბათუმის საკრებულოში უკვე ჰყავს მრავალპარტიული უმრავლესობა და ეს გამარჯვება ბოლომდეა მისაყვანი.
"ათასობით ადამიანი ტელევიზიით გვადევნებს თვალ-ყურს. მადლობა მათ, მაგრამ განსაკუთრებული მადლობა ერთ ადამიანს, რომელიც ასევე ტელევიზიით გვადევნებს თვალს, რომლესაც ყველაზე ძალიან უყვარს ჩვენი ქალაქი, რომელიც ყველაზე მეტად თანაგვიგრძნობს ჩვენ და რომელსაც ახლა, ყველაზე მეტად სჭირდება ჩვენი მხარდაჭერა, მოგესალმები ბატონო მიშა. თქვენ კარგად იცოდით, რა ნაბიჯსაც დგამდით. იცოდით, რომ თქვენი ჯანმრთელობის და სიცოცხლის რისკის ფასად ჩამოდიოდით საქართველოში, მაგრამ თქვენ ეს ნაბიჯი გადადგით და შეასრულეთ თქვენი სიტყვა ისე, როგორც ყოველთვის ასრულებდით! თქვენ ისჯებით იმ გაკეთებული საქმეებისთვის, რაც შეძელით ჩვენს ქვეყანაში. თავისუფლება და ამ ქვეყნის დემოკრატიული განვითარება, ეს იყო მთავარი ის, რისთვისაც თქვენ მთელი ცხოვრება იბრძოდით. ამის ნათელი დასტური იყო ორი ოქტომბრის რეფერენდუმზე თქვენი ჩამოსვლა საქართველოში.
ჩვენთვის, აქ შეკრებილი ადამიანებისთვის, ბათუმელებისთვის ძალიან სასიამოვნო და სიმბოლური იყო თქვენი პირველი განცხადებები, პირველი და მეორე ვიდეო ახალ და ძველ ბულვარში ჩაიწერა. განსხვავებული პოლიტიკური შეხედულების, პარტიული კუთვნილების მიუხედევად, ამ ქვეყნაში მცხოვრები ყველა პატრიოტის ღირსების საქმეა ის, რომ საქართველოს მესამე პრეზიდენტი არ იყოს პოლიტიკური პატიმარი. მიხეილ სააკაშვილი უნდა იყოს ამ ქვეყნის უკანასკნელი პოლიტიკური პატიმარი. ეს არის მთავარი, ის ცვლილება, რასაც ხალხმა მხარი დაუჭირა, მათ შორის, ბათუმში ორი ოქტომბრის არჩევნებზე. ჩემთვის წარმოუდგენელი პატივი და პასუხისმგებლობაა ის, რაც მოხდა ორ ოქტომბერს ბათუმში, ყველამ ერთად შევძელით და ამ უსამართლო, დაუნდობელ ბრძოლაში დავამარცხეთ „ქართული ოცნება“, - განაცხადა გიორგი კირთაძემ.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნაცებმა ფოტოების დიფფეიკი გააკეთეს, ხალხო არ დაიჯეროთ ეს ბათუმი კი არა ტრუსკავეცია
Kirtadze ver gaxdebi batumis meri!