მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თქვენ ივანიშვილს ეზიზღებით... საუკეთესო ოფიცრები გააქციეს... ყველა უნდა მოვემზადოთ ჩვენი ვალის შესასრულებლად" - სააკაშვილის მიმართვა ქართულ ჯარს და თავდაცვის მინისტრის პასუხი
21:14 / 13-09-2021
საქართველოს მესამე პრეზიდენტი მიხეილ სააკაშვილი საქართველოს შეიარაღებული ძალების ოფიცრებსა და სამხედრო მოსამსახურეებს მიმართავს.
როგორც ის სოციალურ ქსელში გავრცელებულ ვიდეომიმართვაში აღნიშნავს, ივანიშვილს სჭირდება განადგურებული, „ფარჩაკი", სუსტი საქართველო და არაფერში არ სჭირდება ჯარის არსებობა.
„ძალიან ვამაყობ იმით, რომ თქვენი თანამებრძოლი ვარ, თქვენთან ერთად შევქმენი, პრაქტიკულად ტილიანი, გაუბედურებული, განადგურებული ჯარიდან, ნამდვილი ბრძოლისუნარიანი, საამაყო, საბრძოლო შენაერთები, რომელთაც არა მხოლოდ საქართველოში, არამედ მთელ მსოფლიოში გაითქვეს სახელი. მე არასდროს დამავიწყდება ამერიკის გენერალური შტაბის უფროსის გამოხმაურებები ქართველ სამხედროებზე, სხვა უცხოელი გენერლების და ხელმძღვანელების გამოხმაურებები.
თქვენ ივანიშვილს ეზიზღებით. მას აქვს ასეთი ტაქტიკა, რომ ჯარი საქართველოს არ სჭირდება. იცით, რომ მრავალი წელი სამხედრო აღლუმებს კრძალავდა. რამდენიმე ათეულ ოფიცერს კონვერტში უხდის ხელფასს იმისთვის, რომ მათ არ შეუქმნან პრობლემები და დანარჩენი ჯარი გააკონტროლონ. სამაგიეროდ ყველა სხვა საკითხი, რომელიც ეხება შეიარაღებულ ჯარებს არ წყდება. ბინები, მივლინებები, მთელი ეს წლები ნაწილდება, ნეპოტიზმით, ნაცნობობით და არავითარ შემთხვევაში დამსახურებით. საუკეთესო ოფიცრებიდან ბევრი მათგანი გააქციეს ჯარიდან და დანარჩენსაც გაქცევაზე უჭირავს თვალი. აღჭურვა მკვეთრად შესუსტდა და ვარჯიშები პრაქტიკულად ნულზეა ჩამოყვანილი. ეს არის სამარცხვინო და შეუთავსებელი სიტუაცია ქართველი კაცის სულთან. ივანიშვილს სჭირდება განადგურებული, „ფარჩაკი“, სუსტი საქართველო და არაფერში არ სჭირდება თქვენი არსებობა.
მეგობრებო, თქვენ გარდა ყველაფრისა, ხართ საქართველოს მოქალაქეები. დღეს გვყავს ხელისუფლება, რომელმაც მოიპარა გასულ წელს ოქტომბრის არჩევნები, დაარღვია ევროკავშირთან ხელშეკრულება, რომელიც ყოველდღიურად ძალადობით, მუქარითა და ქრთამით კაბინეტებს ინარჩუნებს. საქართველო არის გადასარჩენი და მე მოგმართავთ თქვენ როგორც სამხედრო მოსამსახურეებს, მაგრამ პირველ რიგში, როგორც ჩვენს მოქალაქეებს - ყველა უნდა მოვემზადოთ ჩვენი სამოქალაქო ვალის შესასრულებლად, არჩევნებზე აქტიურად მონაწილეობისთვის და ასევე, ხელშეკრულების აღდგენისთვის, რადგან ეს არის რეფერენდუმი. საქართველოს ახლა სჭირდება შველა. თქვენი განსაკუთრებულობისა და პატრიოტიზმის იმედი მაქვს და ასევე, ჩვენი გმირი ვეტერანების. აბა თქვენ იცით, ყველაფერი კარგად იქნება“, - აცხადებს სააკაშვილი.
ყოფილი პრეზიდენტის მიერ სოციალურ ქსელში გავრცელებულ ვიდეომიმართვას საქართველოს თავდაცვის მინისტრი გამოეხმაურა.
ჯუანშერ ბურჭულაძის განცხადებით სიცრუე და აბსურდია თითქოს სამხედროებისთვის ბინების გადაცემა ნეპოტიზმის პრინციპით მოხდა.
თავდაცვის მინისტრმა მიხეილ სააკაშვილს მისი ხელისუფლების დროს სამხედროების წინაშე ჯერ კიდევ 2007 წელს აღებული ვალდებულება შეახსენა, რომლის აღსრულება და სამხედროების ბინებით დაკმაყოფილება სწორედ მოქმედი ხელისუფლების პირობებში მოხდა.
ჯუანშერ ბურჭულაძემ ოპონენტებს ბოლო წლებში საქართველოს თავდაცვის ძალებში შეიარაღების, აღჭურვილობის, სოციალური პირობების გაუმჯობესების კუთხით გადადგმული ნაბიჯები შეახსენა, რომელიც ნატოს სტანდარტების შესაბამისია. რაც შეეხება საერთაშორისო სწავლებებს ის მონაწილეთა რაოდენობით უპრეცედენტო და მასშტაბურია.
“ქართველი სამხედროების პროფესიონალიზმს და მომზადების მაღალ დონეს კი საერთაშორისო პარტნიორების შეფასებებიც ადასტურებს”, - აცხადებენ სამინისტროში.
მკითხველის კომენტარები /
37 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვაი შენს პატრონს! ხომ კვდებოდი შე აფერისტო კიდევ მარაქაში ერევი?
სწორედ,რმ სააკაშვილის დროს, პარტნიორების მოთხოვნით დაითხოვეს ჯარიდან პროფესიონალები განსაკუთრებით რუსული განათლების. ამის შედეგი იყო 3 დღიანი ომი სამაჩაბლოში. ორთვიან დასავლეთში კურსებ გავლილი მხედართმთავრებით რომ იყო დაკომპლექტებული. ომს კი გორიდან ხელმძღვანელობდა გაბაშვილი, უგულავა და თარგამაძე. როგორია?