"მამობამ შემცვალა, შვილზე დამოკიდებული გავხდი, ყოველთვის დამყვება ის განცდა, რომ სახლში პატარა მელოდება" - ანდრია გველესიანი
სამი თვის წინ მსახიობების წყვილი - ანდრია გევლესიანი და მაიკო ვაწაძე მშობლები გახდნენ. მათ ვაჟი შეეძინათ, წყვილისთვის ეს პირველი შვილია. როგორც ანდრია "კვირის პალიტრას" უყვება ბავშვის დაბადებამ მისი ცხოვრება სრულიად შეცვალა:
- ჩემთვის ყველაზე ბედნიერი დღე იყო ჩემი პატარას დაბადება - 26 მაისი. მაიკოს, ჩემს მეუღლეს, ყოველთვის უნდოდა, შვილისთვის სანდრო დაერქმია. ჰოდა, ბევრი ბჭობის გარეშე, დაბადების მოწმობაში ჩავწერეთ - ალექსანდრე გველესიანი.
- როგორი ბიჭია ალექსანდრე?
- მაგარი! ამართლებს ყველა მოლოდინს და იმედია, მომავალშიც ასე იქნება. დაბადების დღიდან მოყოლებული, ვცდილობ, მაქსიმალურად ვიყო ჩართული მის გაზრდაში. მამობამ შემცვალა, შვილზე დამოკიდებული გავხდი, დროის უმეტეს ნაწილს ალექსანდრეს ვუთმობ. ახლა ყველაფერს თითქოს უფრო მოზომილად ვაკეთებ, ყოველთვის დამყვება ის განცდა, რომ სახლში პატარა მელოდება.
- ვის ჰგავს?
- ამ თემაზე აზრი ორად იყოფა... ორივეს...
- ცისფერთვალაა...
- ბავშვობაში მეც ცისფერი თვალები მქონდა, ახლა მწვანე მაქვს, ასე რომ, მაგით მამას ჰგავს. ნაკვთები მაიკოსი უფრო აქვს, თუმცა ორივეს ბავშვობას ჰგავს, არც ერთს არ გვაწყენინა.
- სიმღერით აძინებთ?
- კი, მაგ ამბავში გაუმართლა. ვნახოთ, სამომავლოდ რა და როგორ იქნება, თუმცა მგონია, რომ ძალიან უყვარს მუსიკა.
- როგორც ვიცი, უკვე მონათლეთ.
- დიახ, ძალიან ტრადიციულები ვართ - მეც დაბადების მეორმოცე დღეს მოვინათლე, მამაჩემიც და ალექსანდრეც. საინტერესო დამთხვევა იყო - 26 მაისს ხომ დაიბადა, საქართველოს დამოუკიდებლობის დღეს და 4 ივლისს - აშშ-ის დამოუკიდებლობის დღეს მოინათლა. წაიკითხეთ სრულად