მნიშვნელოვანი ინფორმაცია
15
მარტიდღის ზოგადი ასტროლოგიური პროგნოზი
შაბათი, მთვარის მეჩვიდმეტე დღე დაიწყება 21:07-ზე, მთვარე სასწორშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საზოგადოებამ, მთელი ქვეყნის მაშტაბით - გადმოკიდოს დროშები სამგლოვიარე ლენტებით, შავი ლენტები მიაკრას ფანჯრებზე, აივნებზე..." - რას წერს ლაშა ბაქრაძე
23:14 / 12-07-2021
ისტორიკოსი ლაშა ბაქრაძე "ტვ პირველის" ოპერატორის, ლექსო ლაშქარავას გარდაცვალებას სოციალურ ქსელში ეხმაურება და საზოგადოებას გლოვისა და პროტესტის საჯაროდ გამოხატვისკენ მოუწოდებს.
"მხოლოდ პარლამენტის წინ დგომას შედეგი არ მოაქვს.
თუ გლოვაა მოკლული ადამიანის გამო - მთელ ქვეყანაში უნდა იყოს. რაც მოხდა, არაა ერთი კონკრეტული კაცის მკვლელობის ამბავი, როგორც ეს თეთრწვერა ანტონას სურს. სახელმწიფოში დროშები ჩამოშვებული უნდა იყოს გლოვის ნიშნად და შავი ლენტით შემკული. საზოგადოებამ, რომელსაც ადარდებს, რაც ხდება - ხელისუფლებას კი არ უნდა დაელოდოს, არამედ თვითონ მთელი ქვეყნის მაშტაბით - გადმოკიდოს დროშები სამგლოვიარე ლენტებით ან უბრალოდ მხოლოდ შავი ლენტები მიაკრას ფანჯრებზე და აივნებზე, გაიკეთონ სამკლაურები და ან მკერდზე დაიბნიონ შავი ბაფთები. გლოვა და პროტესტი ქვეყნის მაშტაბით უნდა ჩანდეს და არა ერთ მტკაველზე პარლამენტთან. უნდა ჩანდეს, ვის ადადრებს ქვეყნის მომავალი და ვის არა".
იგივე პოზიცია აქვს მწერალ ლაშა ბუღაძეს, მან დღეს პარლამენტთან აქციაზე სიტყვით გამოსვლისას, მედიას თხოვნით მიმართა, გარდაცვლილი ოპერატორის დაკრძალვის დღე გლოვის დღედ გამოაცხადონ.
როგორც ბუღაძემ განაცხადა, სახელმწიფოს რომ თავმოყვარეობა ჰქონდეს, ხვალ გლოვის დღე სახელმწიფო მასშტაბით უნდა ცხადდებოდეს.
„ოდნავი თავმოყვარეობა რომ ჰქონდეს ამ სახელმწიფოს, ხვალ ჩვენი გმირი ოპერატორის დაკრძალვის დღე, გლოვის დღედ უნდა იყოს გამოცხადებული, სახელმწიფო დროშები დაშვებული უნდა იყოს და ჩვენ ვაცხადებდეთ სახელმწიფო გლოვას. მივმართავ მედიას, რადგან ამათი იმედი არავის არ გვაქვს - ხომ მოვისმინეთ რაც თქვა ივანიშვილის ბოროტმა მარიონეტმა და კარიკატურამ, რომ წამოცდა კიდეც - დაისაჯაო, დაღუპვის მაგივრად და გაამჟღავნა, რომ ეს მათი მხრიდან დასჯა იყო ჟურნალისტების. მედიას ვთხოვ, ხვალ ჩვენ გამოვაცხადოთ გლოვის დღე ტელეეკრანებიდან, ვინაიდან ჩვენ ვიცით, ეს რამხელა ტრაგედიაა. ზოგიერთები ცხვირს იბზუებენ, რომ ეს ძალაუფლებისთვის ბრძოლაა. დიახ, მეგობრებო, ეს ძალაუფლებისთვის ბრძოლაა, ოღონდ სიკეთესა და ბოროტებას შორის“, - განაცხადა ბუღაძემ.
შეგახსენებთ, რომ „ტვ პირველი“ ოპერატორი ლექსო ლაშქარავა გუშინ საკუთარ სახლში გარდაცვლილი იპოვეს. მას 5 ივლისს „პრაიდის“ მოწინააღმდეგეები ფიზიკურად გაუსწორდნენ.
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვაი თქვენს პოატრონს - რა პასუხს სცემთ მერე მომავალ თაობას ზედოზირებით გარდაცვლილი ადამიანის გარდაცვალების ესე გაფეტიშებაზე?
შენ ხარ არაქართველი