რა გავლენას ახდენს მუსიკალური ფესტივალების ჩატარება რეგიონებზე

საქართველოში ფესტივალების კულტურა უკვე ძალიან განვითარებულია. ყველას მოსწონს ღია სივრცეში გართობა, სადაც მუსიკასთან ერთად სხვადასხვა ტიპის აქტივობებში ჩართვაა შესაძლებელი.

ფესტივალი- ეს არის განწყობა, რომელსაც იმ უამრავ ადამიანთან ერთად იზიარებ, ვინც ამ მოვლენას შენთან ერთად ესწრება.

საკმაოდ გახშირდა ფესტივალების ორგანიზება და ახალგაზრდები მათ რაიმე იდეის ირგვლივ გასაერთიანებლად იყენებენ.

მიუხედავად იმისა, რომ საცეკვაო მუსიკისთვის პოპულარული საკლუბო სივრცეებია, არანაკლებია ფესტივალების მნიშვნელობა მისი, როგორც კულტურული ფენომენის გააზრების საკითხში.

ძალიან საინტერესო ტენდენცია გაჩნდა ბოლო პერიოდში, ხშირად ითვისებენ განსხვავებულ საფესტივალო სივრცეს ახალგაზრდები, რაც თავისთავად ხელს უწყობს იმ კონკრეტული რეგიონის ცნობადობის გაზრდას, ახალი კულტურის დანერგვას, ეკონომიკის განვითარებასა და შიდა ტურიზმის წახალისებას. ეს კარგად აისახება ადგილობრივივებზეც, რომლებიც ამ პერიოში აქირავებენ სახლებს, აქტიურდება კვების ობიექტები და ა.შ. რაც შემდგომში დადებითად აისახება რეგიონის შემოსავალზე.

ერთ-ერთი ფესტივალი, რომელიც იმერეთში ტარდება არის „Haerze”, რომელსაც ახალგაზრდებისგან შემდგარი გუნდი აორგანიზებს მთავარი იდეით, ახალი რეგიონის აღმოჩენა და წინ წამოწევა.

ფესტივალი 23-24 ივლისს, იმერეთში, საირმის მთებით გარშემორტყმულ მწვანე ზონაში, ზეკარში, ჩატარდება, რომელიც ელექტრონული მუსიკის და აქტიური დასვენების მოყვარულებს გააერთიანებს.

ფესტივალის ორგანიზატორები განმარტავენ, რომ მძიმე პერიოდის შემდეგ მათ გადაწყვიტეს ქართველი არტისტების მხარდაჭერა, ახალი რეგიონის აღმოჩენა და ამავდროულად, ფართო საზოგადოების განწყობის ამაღლება. სწორედ ამიტომ, ღონისძიებას განსხვავებული კონცეფცია ექნება და სცენა მხოლოდ ქართველ არტისტებს დაეთმობათ.

2 დღის განმავლობაში, ადგილობრივი სცენის, ყველა წამყვანი კლუბის რეზიდენტი დაუკრავს. 34 ქართველი არტისტი, 3 სცენაზე გადანაწილდება.

სტუმრებს დახვდებათ კვების ობიექტები, ბარები, სტარტაპები. ასევე გასართობი და სახალისო აქტივობები, მათ შორის: Archery Tag-ი, „ლევიოსას“ იოგას ინსტრუქტორი, კი სტუმრებს პილატესს და იოგას ავარჯიშებს. იქნება სხვადასხვა ტიპის შეჯიბრებები და თამაშები.

ღონისძიების პარტნიორები არიან: კოკა-კოლა, mystartup.ge, ესტრელა, ჯიმ ბიმი.

ფესტივალს მხარს უჭერს ქუთაისის ტურიზმის ცენტრი, ბაღდათის მუნიციპალიტეტი.

თუ გსურთ თქვენი სტარტაპი წარმოდგენილი იყოს ფესტივალზე, შეავსეთ მარტივი ფორმა

ბილეთების შეძენა შეგიძლიათ ონლაინ.

რუკაზე სანახავად https://bit.ly/Haerze2021

ბილეთების შესაძენად https://tkt.ge/haerze

ფესტივალის ლაინაფი და დეტალები https://bit.ly/haerze2021

23-24 ივლისს გელოდებით #ჰაერზე