მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ძალიან ცუდი სტატისტიკაა... ინფიცირებულთა შორის უამრავი ბავშვია, რომელთაც ვირუსი მძიმე ფორმებში გადააქვთ" - აფხაზეთსა და ცხინვალში "ინდური შტამი" გამოჩნდა
19:32 / 30-06-2021
ოკუპირებულ აფხაზეთში ყოველდღიურად ათასამდე ინფიცირების შემთხვევა ფიქსირდება. რეგიონში ეპიდემიოლოგიურ სიტუაციაზე საუბრისას ჯანდაცვის მიმართულების ხელმძღვანელი ირმა ვოუბა აცხადებს, რომ პანდემიის განმავლობაში, სულ 6 400-ზე მეტი ადამიანი დაინფიცირდა.
"ბოლო ხანებში, ინფიცირების შემთხვევებმა კატასტროფულად იმატა. მხოლოდ სოხუმში, დღე-ღამეში 670 დანიფიცირდა და მათგან 100-მდე ბავშვია. ეს ძალზე მძიმე სტატისტიკაა" - აღნიშნავს ვოუბა.
ადგილობრივების თქმით, ინფიცირებულთა უმეტესობა სოხუმის რესპუბლიკურ საავადმყოფოს მიმართავს. ინფექციური საავადმყოფოს გადატვირთულობის გამო, დაკეტილია ყველა ამბულატორიული ცენტრი, სრული დატვირთვით მუშაობს ტურბაზაც.
ვოუბა მოსახლეობას სთხოვს, ნუ იქნებიან გულგრილი რეგულაციების მიმართ, რადგან რეგიონში ვითარება ყოველდღიურად მძიმდება. ინფიცირებულთა რაოდენობა საათობრივად მატულობს, მათ შორის არიან სამედიცინო პერსონალიც, რომელთაც ისედაც დაბალი ანაზღაურების სანაცვლოდ უწევთ მუშაობა და უამრავი მათგანი სამსახურს ტოვებს.
ვითარებას ამძიმებს ისიც, რომ ინფიცირებულთა შორის უამრავი ბავშვია. ზოგ მათგანს ვირუსი ძალიან მძიმე ფორმებში, პნევმონიის თანხლებით გადააქვს.
"ვთხოვ ყველას, დაიცვან ელემენტარული ჰიგიენის ნორმები. ვცდილობთ, ყველა გზა ვიპოვოთ, რომ სასიცოცხლოდ მნიშველოვანი მედიკამენტების გარეშე არავინ დარჩეს, მაგრამ გთხოვთ გაუფრთხილდეთ საკუთარი, ოჯახის წევრებისა და ბავშვების ჯანმრთელობას. კოვიდ-19-ის კლასიკური შტამისგან განსხვავებით, ბავშვებში ეს ვირუსი მძიმედ მიმდინარეობს..." - ამბობს ვოუბა.
ადგილობრივი მოსახლეობის ცნობით, უამრავი ადამიანი აიცრა რუსული ვაქცინით, თუმცა ვირუსი მაინვ ვრცელდება, რაც ეჭვებს იწვევს.
"სპუტნიკი" რუსებმაც გაიკეთეს, მაგრამ იქაც მძვინვარებს "დელტა" შტამი, რა გამოდის, რუსული ვაქცინა ინდური შტამისგან ვერ გვიცავს? მაშინ რა საჭიროა მისი გაკეთება? ან თუ ვერ იცავს მოსახლეობას, მაშინ ამხელა ქვეყანას სხვა ვაქცინის ყიდვა რა გაუხდა?! ჯერ "სპუტნიკის" დოზები უნდა ამოწურონ? აბა აფრიკასა და სხვა ქვეყნებში რისთვის წაიღეს? ახლა, როდესაც ასეთ მძიმე მდგომარეობაშია ქვეყნისა და მისი მოკავშირე სახელმწიფოების მოსახლეობა დაუცველია? ასე უიმედოდ ჯერ არ ვყოფილვარ..." - წერს სოციალურ ქსელში ადგილობრივი სპარტაკ კვიცინია.
"მორიგი შეკვეთილი სტატიაა. ბავშვს, რომელიც ახლა სოხუმის საავადმყოშო წევს და მძიმე მდგომარეობაშია, ბრონქიალური ასთმა აქვს, ამიტომ ნებისმიერ ვირუსს თუ გაციებას შეეძლო ბავშვი ცუდ დღეში ჩაეგდო. ნუ გვატყუებთ და გვაპანიკებთ. ქუჩაში კრიმინალს ვერაფერს უხერხებთ და ასე გინდათ ვითარება დაამშვიდოთ. ხალხი ისედაც დემორალიზებულია. ჰიგიენის ნორმები დაიცავითო, რომ მოგვიწოდებთ, როგორ დავიცვათ, როდესაც 40 გრადუსამდე სიცხეებში, დენი გრაფიკით გვაქვს, მაინინგის ბიზნესს ვერ შეელიეთ და ისევ მძიმე დღეში ჩაგვაგდეთ" - წერს კიდევ ერთი ადგილობრივი ბადრი ჩაკვეტაძე.
"რუსეთს, რომელიც ასევე უმძიმეს დღეშია, სთხოვეს ბავშვთა ინფექციონისტები და რეანიმატოლოგები... ახლა ვხვდები, რომ მართლა ცუდ დღეში ვართ. ტურიზმის სეზონი ჩავარდნის ზღვარზეა. კრიმინალური გარჩევები გრძელდება. ახლა კიდევ "ინდური შტამი", რომელიც თურმე ბავშვებში ვრცელდება... საით გავიქცე?" - კითხულობს სოხუმელი მარინა აბუთბა.
"ინდური შტამი" ცხინვალის რეგიონშიც გამოჩნდა. khokavkaza.com-ის ადგილობრივი მიმომხილველის ცნობით, რეგიონში მესამე ტალღა გარდაუვალია. ადგილობრივი მთავარი ექიმი, მარინა კოჩიევა, ყველას მოუწოდებს აიცრას "სპუტნიკით", ისე, როგორც ეს "პრეზიდენტმა" ანატოლი ბიბილოვმა გააკეთა, რადგან მხოლოდ ეს იცავს ადამიანს ინფიცირებისგან ან თუ დაინფიცირდა, ვირუსს მსუბუქ ფორმებში გადაიტანს.
თუმცა, ადგილობრივების ნაწილს არ სჯერათ რუსული ვაქცინის.
"ისედაც რამდენიმე ათასი ადამიანი ვცხოვრობთ და თუ მესამედი უკვე აიცრა, მასშტაბური გავრცელების საფვრთხე არც უნდა არსებობდეს. ახალი რეგულაციები ბიბილოვის ხელისუფლების შენარჩუნებას ემსახურება. ერთხელ უკვე გავიარეთ ეს ყველაფერი, სახლებში ჩაგვკეტეს და ლუკმა-პურიც დავკარგეთ. ახლა ბავშვების დაინფიცირებით გვაშინებენ. საკმარისია..." - წერს ანია კოჩიევა.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქართულ ვაქცინას არ განიხილავთ, ძმანო და დანო, აფხაზნო და ოსნო?!...
სასწრაფოდ უნდა გააქტიურდეს რუხის ჰოსპიტალი და დავეხმაროთ რითიც შევძლებთ!