მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ხენდრო და უბედურება“ - რას წერს გერმანული გამოცემა ამ ქვეყნაში ჩასული ქართველი მუშების საცხოვრებელ პირობებზე?
11:23 / 28-06-2021
"საცხოვრებელი კონტეინერები არასასიამოვნო შთაბეჭდილებას ტოვებს: ფანჯრები მტკიცედაა ჩაგმანული, სინესტეა, იატაკზე და ჭერზე წვეთები მოჩანს, სანტექნიკა მოშლილია...“, - ასე იწყება გერმანულ გაზეთ "ზიუდდოიჩე ცაიტუნგში" («Süddeutsche Zeitung») გამოქვეყნებული სტატია, სათაურით: "ხენდრო და უბედურება“, რომელშიც გერმანიაში სამუშაოდ წასული ქართველი მოქალაქეების საცხოვრებელი პირობებია გადმოცემული (ავტორი - კლაუდია ჰენზლერი).
"ივნისის დასაწყისში ხენდროს მოსავლის ასაღებად ფრისდრისჰაფენში, ბადენის ტბასთან მდებარე ფერმაში სამუშაოდ მყოფმა ქართველებმა სოციალურ ქსელში ვიდეოები გამოაქვეყნეს, რომლის შედეგად ჩნდება შთაბეჭდილება, რომ 24 ქალს და მამაკაცს საკმაოდ არასახარბიელო ცხოვრების პირობები აქვთ.
ბოლო წლებში არაერთხელ ყოფილა შემთხვევა, რომ სეზონურ სამუშაოებზე დასაქმებული უცხოელების ექსპლოატაცია გერმანელი ფერმერების მიერ კანონდარღვევებით ხდებოდა და მათ ღირსეულად არ ექცეოდნენ. გერმანელ ფერმერთა ასოციაციაში ხაზს უსვამდნენ, რომ ეს მხოლოდ ერთეული შემთხვევებიაო, მაგრამ განა მართლაც ასეა? იქნებ შეცდომები თვითონ სამუშაოთა სისტემაშია?
საქართველოდან გერმანიაში სამუშაოდ წასვლის სურვილი თითქმის 90 ათასმა ადამიანმა განაცხადა იმ შეთანხმების საფუძველზე, რომელიც ქართულმა და გერმანულმა მხარეებმა ოფიციალურად გააფორმეს. დოკუმენტის თანახმად, 5 ათასი ქართველი შეიძლება დასაქმდეს გერმანიაში რამდენიმე თვის განმავლობაში, თუ ადგილობრივი ფერმერების მოთხოვნა იქნება, თუმცა დღევანდლამდე გერმანელი ფერმერები ამ მხრივ საკმაო პასიურობას იჩენენ.
საქართველოში აქტიურად მსჯელობა დაიწყეს ფრიდრიხსჰაფენის ფერმაში არსებული სიტუაციის ირგვლივ. ხმებმა, ბუნებრივია, თბილისში მდებარე გერმანიის საელჩომდეც მიაღწია, რომელმაც ამის შესახებ გერმანიაში შესაბამის სტრუქტურებს აცნობა. ფაქტით დაინტერესდნენ არასამთავრობო ორგანიზაციებიც, რომლებმაც დაზარალებული მუშების იურიდიული უზრუნველყოფა იკისრეს - დაიწყეს ხელფასის გადახდისა და სამედიცინო დაზღვევის საკითხების შესწავლა. ფერმერმა, რომელთანაც 24 ქართველი მუშაობდა, თავდაპირველად უარყო მის წინააღმდეგ მიმართული კრიტიკა, თუმცა ახლა მასმედიასთან კონტაქტზე აღარ გამოდის. სოფლის ხელმძღვანელობამ შეამოწმა ფერმა, მფლობელს ნაკლოვანებების სია წარუდგინა და გამოსწორების ვადა დაუწესა. თვითონ ქართველებს კი უფლება მიეცათ დასაქმების ადგილი შეეცვალათ, რათა უფრო უკეთესი პირობებში ეცხოვრათ“, - აღნიშნულია სტატიაში.
პუბლიკაციაში განხილულია გერმანიაში უცხოელთა დასაქმების სისტემაში არსებული ხარვეზები. როგორც ირკვევა, ეს საკითხი სხვადასხვა სტრუქტურების - როგორც ცენტრალური ფედერალური ორგანოების, ასევე ადგილობრივი მუნიციპალიტეტების უფლებამოსილებაში შედის და კოორდინირების დონე არასახარბიელოა. "უცხოელი მუშების უფლებების საკონსულტაციო ცენტრის ექსპერტის ვერნერ ლანგენბახერის თქმით, აუცილებელია, რომ ყველა საკითხი ერთი უწყების დაქვემდებარებაში იყოს. მას იმედი აქვს, რომ ჩაგმანული ფანჯრები და მოშლილი სანტექნიკა წარსულში დარჩება“, - ნათქვამია სტატიის დასასრულს.
მოამზადა სიმონ კილაძემ
მკითხველის კომენტარები /
44 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
Imis magivrad chven qveyanas movtxovot samsaxuri garbixart sad mere pirobebsac itxovt movtxovot chven upatrono qveyanas samsaxuri ras txov germanias shensas ar undixar gwiravs sasikvdilod
ნაციზმი არ იკურნება