მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დიდი წნეხი მიდის სასამართლოზე, ხდება მოსამართლეების დემონიზაცია... ბევრი მოსამართლეა შეწუხებული" - მოსამართლეები
15:24 / 27-06-2021
თბილისის სააპელაციო სასამართლოს მოსამართლის ლევან მურუსიძის შეფასებით, სასამართლოზე პირდაპირ ზეწოლა ხდება, რის გამოც ძალიან ბევრი მოსამართლეა შეწუხებული.
როგორც მან ჟურნალისტებს განუცხადა, „დედამიწის ზურგზე ვერავინ იტყვის“, რომ უზენაესი სასამართლოს მოსამართლეების წარდგენით იუსტიციის უმაღლესმა საბჭომ კანონი დაარღვია.
„სასამართლოზე პირდაპირ ზეწოლა ხდება, შესაბამისად, ამის გამო ძალიან ბევრი მოსამართლეა შეწუხებული. აქედან გამომდინარე, შევიკრიბებით სასამართლო კორპუსი. ვერავინ იტყვის დედამიწის ზურგზე, რომ იუსტიციის უმაღლესმა საბჭომ, როდესაც წარადგინა უზენაესი სასამართლოს მოსამართლეები, კანონი დაარღვია. პარლამენტი არის პოლიტიკური ორგანო და პარლამენტმა უნდა მიიღოს გადაწყვეტილება. იუსტიციის უმაღლესი საბჭო და სასამართლო კორპუსი ვალდებულია, კანონი შეასრულოს“, - განაცხადა მურუსიძემ.
სააპელაციო სასამართლოს მოსამართლე, ირაკლი შენგელიას განცხადებით კი, "უსტიციის უმაღლეს საბჭოს რომ კანდიდატები არ წარედგინა საქართველოს პარლამენტში, ეს კანონის უხეში დარღვევა იქნებოდა. მისი შეფასებით, იუსტიციის უმაღლეს სკოლაში მოსამართლეთა შეხვედრის მიზანი ისაა, რომ სასამართლო სისტემაზე ყველა მხრიდან წნეხი მიმდინარეობს.
„ძალიან დიდი წნეხი მიდის სასამართლო სისტემაზე ყველა მხრიდან, ყველა მიმართულებით. სწორედ ამ პრობლემების გამო, გადაწყვიტა მთლიანად სასამართლო კორპუსმა და სისტემამ, რომ დღეს შევიკრიბოთ, ვიმსჯელოთ ამ თემებთან დაკავშირებით, იუსტიციის უმღლეს საბჭოს რომ კანდიდატები არ წარედგინა საქართველოს პარლამენტში, ეს კანონის უხეში დარღვევა იქნებოდა“, - განაცხადა შენგელიამ.
უზენაესი სასამართლოს თავმჯდომარემ ნინო ქადაგიძე კი აცხადებს, რომ "მოსამართლეების დემონიზაცია ხდება და ეს თითოეული მოსამართლის ღირსებაზე გადის".
როგორც ქადაგიძემ აღნიშნა, სასამართლოს წინააღმდეგ საზოგადოების ფსიქოლოგიური მობილიზაცია ხდება, ასევე მიმდინარეობს მოსამართლეების დემონიზაცია, რაც თითოეული მათგანის ღირსებაზე გადის.
„ამ ბოლო პერიოდში სასამართლოსთან მიმართებით ძალიან მძიმე ტენდენციები განვითარდა. ჩვენ ვფიქრობთ, რომ ფაქტობრივად ხდება საზოგადოების ფსიქოლოგიური მობილიზაცია სასამართლოს წინააღმდეგ, მოსამართლეების დემონიზაცია ხდება და ეს თითოეული მოსამართლის ღირსებაზე გადის.
ბოლო კვლევებმა ასევე აჩვენა, რომ საზოგადოების დიდი ნაწილი სასამართლოს ენდობა, სასამართლოს სერიოზული პროგრესი, მიღწევები აქვს. მინდა საზოგადოება დავარწმუნო, რომ ყველაფერს გავაკეთებ იმისთვის, რომ სასამართლო იყოს დამოუკიდებელი, რომ თქვენს მომავალ თაობას თქვენს შვილებს, შვილიშვილებს დამოუკიდებელი, თავისუფალი სასამართლო. მართლმსაჯულება, რომელშიც ხელის ცეცების უფლება არავის არ ექნება.
ყველა პირობას, რასაც მე დავდებ ერის და საზოგადოების წინაშე დავიცავ! ჩვენ ანგარიში გავუწიეთ, უბრალოდ, პოლიტიკოსებს დაველოდეთ ცვლილებებს და არც ერთი საკითხი, არც ერთი ნორმა არ შეიძლება ვინმეს მიერ დასახელებული იქნას, რომ იუსტიციის უმაღლესმა საბჭომ არ დაიცვა. ჩვენ არ გვქონდა რაიმე საკანონმდებლო მექანიზმი, ჩამკეტი ბერკეტი, რომელიც ამ პროცესებს შეაჩერებდა. ახლა უკვე ბურთი პარლამენტის მოედანზე, პოლიტიკოსები პარლამენტში არიან უკვე შემდეგი მათი დამოკიდებულება არა სამართლებრივი, არამედ პოლიტიკური გადაწყვეტილებაა.
შესაძლებელია სასამართლოში სხვა მოსაზრებებია, მართლა ხდება რაღაც ჩვენს მიღმა, რასაც ჩვენ ვერ ვხვდებით. ცოტა ძნელია ზედა, თავმჯდომარის გადმოსახედიდან პრობლემები დაინახო, მაგრამ თუ რომელიმე კოლეგას რაღაც განსხვავებული მოსაზრება ექნება, ეს ჩემთვის ძალიან მნიშვნელოვანი იყო, რომ ეს საჯაროდ მომესმინა. საბედნიეროდ, ასეთი მოსაზრებები არ არის“, - განაცხადა უზენაესი სასამართლოს თავმჯდომარემ ნინო ქადაგიძემ.
იუსტიციის უმაღლეს სკოლაში მოსამართლეთა შეხვედრა მიმდინარეობს, სადაც მოსამართლეები სასამართლოს გარშემო განვითარებულ მოვლენებზე მსჯელობენ.
შეგახსენებთ, რომ იუსტიციის უმაღლესმა საბჭომ საქართველოს პარლამენტს უზენაესი სასამართლოს მოსამართლეობის 9-კაციანი სია წარუდგინა. წარდგენილი კანდიდატები არიან: გიორგი გოგიაშვილი, გოჩა აბუსერიძე, ლევან თევზაძე, ქეთევან მესხიშვილი, გიორგი შავლიაშვილი, რევაზ ნადარაია, ბიძინა სტურუა, ეკა ზარნაძე და ლაშა ქოჩიაშვილი.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ნაცები და არასამთავრობოები მაგ ,,კლანს" ვერ ამჩნევდნენ, როცა თვითონ სჭირდებოდათ. ახლა კი ყველაფერს აკეთებენ, რომ ამ ქვეყანას რამენაირად რეპუტაცია შეურყიონ და ხალხს რწმენა დაუკარგონ. წარამარა კლანის ძახილით, წესიერ მოსამართლეებსაც ხომ აყენებენ შეურაცხყოფას, თუ ეს არ ადარდებთ?
წნეხი ეგეთი არ უნდა>>>>>>>>>>>>>>>