"ვისაც ხელეწიფება იქნებ, მოგვხედოს, დაგვეხმაროს, რომ ეს ბავშვები გადავიყვანო სამშვიდობოს" - დიდ დიღომში ბერი ანდრიას დედის სახლი დაიტბორა

ბერი ანდრიას დედა, თინათინ ჩხვიმიანი სოციალურ ქსელ "ფეისბუქში" ავრცელებს ვიდეოს, რომელშიც ჩანს კიდევ ერთხელ როგორ დაეტბორა დიდ დიღომში სახლი. მოგეხსენებათ, "ბერი ანდრიას ფონდის" დამფუძნებელი თინათინ ჩხვიმიანი ლეიკემიით დაავადებულ ბავშვებს უკვე ათი წელია მფარველობს.

"რა ვქნა, ისევ ასეთ დღეში ჩავვარდით, აღარ ვიცი მეტი რა უნდა გავაკეთო. ძლივს როგორღაც დალაგებულები, გამომშრალი... და ისევ ამ დღეში ვართ. ვისაც ხელეწიფება იქნებ, მოგვხედოს და დაგვეხმაროს, რომ ეს ეს ბავშვები გადავიყვანო სამშვიდობოს", - ამბობს ქალბატონი თინათინი ვიდეოში.

ნალექმა თბილისში პრობლემები შექმნა - დატბორილია გზები. სოციალურ ქსელში ვრცელდება კადრები, რომელშიც ჩანს, ძლიერი წვიმის გამო დიდ დიღომში რა მდგომარეობაშია გზები და მანქანები.