თბილისში „მაგნიტის“ ახალი ფორმატის ფილიალი - „მაგნიტი მაქსი“ იხსნება

29 მაისს, 13:00 საათზე, თბილისში, აღმაშენებლის ხეივანზე, მე-13 კმ-ზე სუპერმარკეტების ქსელ ,,მაგნიტის’’ განსხვავებული ფორმატის სუპერმარკეტი იხსნება - „მაგნიტი მაქსი“ - სრულიად ახალი კონცეფციის მაღაზია იქნება, რომელიც ქსელის სხვა ფილიალებისგან, როგორც ზომით, ისე პროდუქციის ასორტიმენტითა და მომსახურებით გამოირჩევა.

კომპანია ამჯერად მომხმარებლებს 1000 კვადრატულ მეტრზე განთავსებულ მრავალფუნქციურ სუპერმარკეტს შესთავაზებს, რომელიც პროდუქტების ერთიანად და კომფორტულად ყიდვის პროცესს გაამარტივებს.

ახალ ფილიალში „მაგნიტის“ წარმოების პურ-ფუნთუშეული, მზა კერძები და საკონდიტრო ნაწარმი იქნება წარმოდგენილი. აქვე მომხმარებელს ახლადგამომცხვარი ცხელი თონის პური, ნედლი ხორცი და თევზი დახვდება.

„მაგნიტის“ ახალი ფორმატის მაღაზიის დაგეგმარება კიდევ უფრო მეტი სამუშაო ადგილის შექმნის საშუალებას იძლევა. კომპანია ამ კონკრეტულ ფილიალში 100 ადამიანს ასაქმებს. მნიშვნელოვანია, რომ ქსელის აღნიშნული მიმართულებით გაფართოება შემდეგ წლებშიც იგიგმება. მიზანი უახლოეს 2-3 წელში მსგავსი ფორმატის 50-მდე მაღაზიის გახსნაა, რაც იმას გულისხმობს, რომ „მაგნიტი“ დამატებით საშუალოდ 5000 სამუშაო ადგილს შექმნის“ - აცხადებს სუპერმარკეტების ქსელ „მაგნიტის“ აღმასრულებელი დირექტორი, ია ნადირაშვილი.

აღნიშნული სუპერმარკეტი განსხვავდება ყველა იმ ფილიალისგან, რაც „მაგნიტის“ ბრენდის ქვეშ ერთიანდება. „მაგნიტი მაქსი“ გამოირჩევა ზომით, კონცეფციით და ასორტიმენტით. სხვადასხვა მოსასვენებელი სივრცე საყიდლებზე სიარულის პროცესს სასიამოვნოს გახდის, განსხვავებული ასორტიმენტი კი ყველა სასურველი პროდუქტის ერთ სივრცეში შეძენას გაამარტივებს. მაღაზიის სტუმრებისთვის წასახემსებელი კუთხეც მოეწყო, სადაც „მაგნიტის“ მზა კერძები ან მათთვის სასურველი ნებისმიერი პროდუქტი კომფორტულად შეუძლიათ მიირთვან.

„მაგნიტი მაქსი“-ის შიდა ტერიტორიაზე ახლო მომავალში კაფე „მატე“ განთავსდება, სადაც მომხმარებლებს კომფორტულად სადილობა და დასვენება შეეძლებათ. აქ მათ კერძების მრავალფეროვანი მენიუ, ცხელი და ცივი სასმელები დახვდებათ.

აღსანიშნავია ახალი ფილიალის ხელსაყრელი ადგილმდებარეობა, რომელიც თბილისიდან გამსვლელ მომხმარებელს პროდუქტების შეძენისას დროისა და ენერგიის დაზოგვის საშუალებას მისცემს.

„მაგნიტი მაქსის“ სტუმრებს გახსნასთან დაკავშირებით საჩუქრები დახვდებათ. ამავდროულად, ისინი სხვადასხვა შეთავაზებებით, მათ შორის ერთ-ერთი ყველაზე მოთხოვნადი, ყოველდღიური 20%-იანი აქციით ისარგებლებენ.

სუპერმარკეტების ქსელი ''მაგნიტი'' 2015 წლიდან ფუნქციონირებს. „მაგნიტი“ პირველი კომპანიაა, რომელმაც ძირითადი აქცენტი ქსელის რეგიონში განვითარებაზე გააკეთა. ამ დროის მონაცემებით, საქართველოს მასშტაბით „მაგნიტს“ 260 ფილიალზე მეტი აქვს და 4500-მდე თანამშრომელი ჰყავს დასაქმებული.

R