"ლოდში 20:00 საათიდან ცხადდება "კომენდანტის საათი" - არ გახვიდეთ ქუჩაში" - საქართველოს საელჩო ისრაელში მორიგ გაფრთხილებას ავრცელებს

საქართველოს საელჩო ისრაელში განცხადებას ავრცელებს და საქართველოს მოქალაქეებს მოუწოდებს ქუჩაში არ გავიდნენ.

"ქალაქ ლოდში 20:00 საათიდან ცხადდება სრული ჩაკეტვა - კომენდანტის საათი! არ გახვიდეთ ქუჩაში

საჯარისო დანაყოფები გამოიყენებენ ყველაზე მკაცრ ზომებს", - წერია განცხადებაში.

ცნობისთვის, მედია "ისრაელის თავდაცვის ძალებზე" დაყრდნობით წერს, რომ ღაზას სექტორიდან ისრაელის მიმართულებით ორშაბათ საღამოდან დღემდე 1 000-ზე მეტი რაკეტა და საარტილერიო ჭურვი ისროლეს. სარაკეტო თავდასხმის საპასუხოდ ისრაელმა ღაზას სექტორში იერიში „ჰამასის“ 500-მდე სამიზნეზე მიიტანა.

შეგახსენებთ, ვითარება მას შემდეგ დაიძაბა, რაც 10 მაისს, ღაზას სექტორიდან იერუსალიმის მიმართულებით სარაკეტო თავდასხმა განახორციელეს, საპასუხოდ კი ისრაელმა ღაზას სექტორში „ჰამასის“ ობიექტებზე იერიშები დაიწყო.