მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
„მიჰყევი ხმას“ - კსუ მულტიმედია ცენტრის ახალი პროექტი
14:24 / 04-05-2021
„მიჰყევი ხმას“ - ასე ჰქვია პოდკასტების სერიას, რომელიც კავკასიის საერთაშორისო უნივერსიტეტის მულტიმედია ცენტრმა დაიწყო. როგორც აუდიოსივრცე გვპირდება, აქ ხმებს არამხოლოდ მოვისმენთ, მათ დანახვას შევძლებთ კიდეც.
როგორ უნდა დაინახო ხმა? – ამბავი მაშინ იძენს განსაკუთრებულ მნიშვნელობას, თუკი ის ხმებითაა მდიდარი. აბა, სცადეთ და წარმოიდგინეთ დილა თბილისის ძველ უბანში, ან სპექტაკლის წინა სასიამოვნო მოლოდინი დარბაზში იმ ხმების გარეშე, რაც ამ ამბებს ასე ახასიათებთ: მეზობლების გადაძახილ-გადმოძახილი და სარეცხის თოკების ჭრიალის ხმა ან ორკესტრის ორმოდან ამომავალი კაკაფონია.
პოდკასტების წარმოებაში კავკასიის საერთაშორისო უნივერსიტეტის მედიის კვლევებისა და მულტიმედია წარმოების სამაგისტრო საგანმანათლებლო პროგრამის მაგისტრანტები უკვე ჩაერთნენ. ამ ეტაპზე სამუშაო პროცესი აქტიურად მიმდინარეობს და აუდიოგანყოფილება მალე საინტერესო პოდკასტებით დაიტვირთება.
პოდკასტებში უსიტყვოდ, ხმაურებით მოყოლილი ამბები იქნება ერთ-ერთი მთავარი ხაზი. აქ წინა პლანზე ადამიანი, მისი განცდები, ემოციები და გრძნობებია. ეს იქნება მხატვრული, ხანაც რეპორტაჟული ამბებისა და საგანმანათლებლო კონტენტის შემკრები სივრცე. პროგრამის ყველა მაგისტრანტს, საშუალება მიეცემა, შექმნას საკუთარი აუდიოგანყოფილება, გაავლოს შინაარსობრივი ხაზი და სერიებად განათავსოს თემატური პოდკასტები.
რატომ პოდკასტები? - იმიტომ, რომ 21-ე საუკუნეში ერთი მხრივ, ინტერნეტმა, თითქოს ჩაყლაპა ყველა სხვა დანარჩენი ტრადიციული მედია, მათ შორის- რადიო, თუმცა, მალევე, თავის თავში, გააერთიანა ამ მედიებისთვის დამახასიათებელი მნიშვნელოვანი შტრიხები. ასე რომ ხმა, რომელიც ამბის გადმოცემისთვის ერთ-ერთი მნიშვნელოვანი და ძლიერი ატრიბუტია, პოდკასტად დაუბრუნდა მსმენელს.
ახალ პროექტზე უფრო ვრცლად იდეის ავტორი, კსუ-ს მოწვეული ლექტორი, სოფიო კიკვაძე გვესაუბრა.
„თითქოს, ყველაზე მოლაპარაკე მედიას დამატებით ჯადოსნური ელექსირი დაალევინეს და რადიოს ახალი სიცოცხლე გაუჩნდა. პოდკასტი საუკეთესო პლატფორმაა თხრობისთვის: აიღე, თუნდაც, შენი ტელეფონი, ჩართე და ილაპარაკე.ეს, ერთგვარად, პირადი სივრცის განდობაცაა. წარმოიდგინე, მსმენელს უმხელ საკუთარ თავს, ენდობი, ისიც მიგიხვდება და გენდობა. შენ რომ მისთვის ხარ და ის შენთვის, ამას კიდევ უფრო მძაფრად იგრძნობ“, ამბობს სოფიო.
ის იმასაც გვიმხელს, რომ რამდენიმე პოდკასტს მსმენელი სულ მალე მოუსმენს. მათ შორის, ერთ-ერთი მისი ფავორიტი „წუთი_სოფელშია“, რომელიც მხოლოდ ხმაურებით გვიყვება ამბავს.
„პოდკასტიმხოლოდ ხმაურებით გვიყვება ამბავს. შენ მას, თუნდაც, მაღალი კორპუსის რომელიღაც სართულზე მოუსმენ და, მომენტალურად, მასთან წაგიყვანს სოფელში. ასევე, უკვე შეიქმნაპოდკასტი - „მიას კვატები“. მია, რომელიც ჯერ ძალიან პატარაა, ვერც ლაპარაკობს, მაგრამ დამიჯერეთ, თქვენ ყველაფერს გაიგებთ“, გვიყვება სოფიო.
აქვს თავისი ხმა განათლებას, განტვირთვას, გართობას, სპორტს, პანდემიასაც კი?! – CIU-ს მულტიმედია ცენტრში გვარწმუნებენ, რომ აქვს.
„რატომ უნდა „მიჰყვე ხმას“? - ასე მგონია, თუ ხმებს მივყვებით, ერთმანეთს ვიპოვით და უფრო ბედნიერები ვიქნებით. ჰოდა, გამოჰყევით ხმას, გაავლეთ უხილავი ტრაექტორია და მოდით თქვენს აუდიოსივრცეში, ჩვენ აქ დიდი სიამოვნებით გელოდებით!“ - გვეუბნება სოფიო კიკვაძე.
სამუშაო-მოსამზადებელი პროცესი მალე დასრულდება და კსუ მულტიმედია ცენტრი პოდკასტების ფართო „ასორტიმენტით“ ერთგულ მსმენელებს თავის აუდიოსივრცეში უმასპინძლებს.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
