სიკეთის გაზიარება მნიშვნელოვანია

სოციალური პასუხისმგებლობა, როგორც ყველა წარმატებული, მზარდი კომპანიისთვის, ასევე „სმარტ კაპიტალ ჯგუფისთვის“ ძალზე მნიშვნელოვანია. ამ მიმართულებით ჯგუფი მრავალფეროვან საქველმოქმედო პროექტებს ახორციელებს, ზოგიერთი მათგანი სხვადასხვა ფონდის, სტიპენდიისა თუ პროექტის სახით კარგადაა ცნობილი საზოგადოებისთვის. „სმარტ კაპიტალ ჯგუფის“ სოციალური პასუხისმგებლობისა და საქველმოქმედო მიმართულება ბიზნესმენმა და მეცენატმა ივანე ჩხარტიშვილმა მეუღლესთან, ნანა გოთუასთან ერთად დააფუძნა და უკვე მრავალი წელია მნიშვნელოვანი წვლილი შეაქვთ განსაკუთრებული საჭიროების მქონე საზოგადოების წევრების ცხოვრების ხარისხის გაუმჯობესებასა და ხელშეწყობაში.

წელსაც, ტრადიციისამებრ, აღდგომის ბრწყინვალე დღესასწაულის აღსანიშნავად, დამფუძნებლების - ქალბატონი ნანას და ბატონი ვანოს ინიციატივით და ახლა უკვე მთელი „სმარტ კაპიტალ ჯგუფის“ სახელით, საქველმოქმედო პროექტი შედგა. კერძოდ, წმინდა მიქაელის ტაძართან არსებულ უპოვართა სასადილოსთვის, სჭირო სურსათ-სანოვაგის მარაგის შეძენა განხორციელდა. უპოვართა სასადილოს, ცხრა წელზე მეტია, დეკანოზი ალექსანდრე გალდავა უდგას სათავეში და ორას ორმოცდაათზე მეტი ბენეფიციარისთვის ყოველდღიური საკვების მომზადებას და გამასპინძლებას უზრუნველყოფს.

„სმარტ კაპიტალ ჯგუფის“ მთავარი მიზანი განვითარება და ერთმანეთზე ზრუნვაა. თანამშრომლებზე, მომხმარებლებზე, ინვესტორებზე, პარტნიორებზე ზრუნვა, ჯგუფისთვის მნიშვნელოვანი ღირებულებაა. სიკეთის გაზიარება კი არის ის მთავარი მიზანი, რითაც სააღდგომო საქველმოქმედო პროექტი მთელი ჯგუფის ჩართულობით და სურვილით განხორციელდა. სიკეთის გაზიარება მნიშვნელოვანია, ქრისტე აღსდგა!

R