მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"...განხორციელდება მტკივნეული გადაწყვეტილებები ამერიკისთვის, ეს ჩვენი არჩევანი არ არის" - რას პასუხობს რუსეთის საგარეო უწყება აშშ-ის სანქციებს
09:15 / 17-04-2021
რუსეთის საგარეო საქმეთა სამინისტრო განცხადებას ავრცელებს, სადაც აშშ-ის მხრიდან დაწესებული სანქციების საპასუხო ზომებია აღწერილი.
განცხადების თანახმად, რუსეთში მყოფი ამერიკული დიპლომატიური მისიის თანამშრომლებს ამერიკის სანქციების თანაბარზომიერად გააძევებენ, საუბარია 10 დიპლომატზე. ასევე მოსკოვი უპასუხებს პოლონეთს და ქვეყნიდან 5 პოლონელ დიპლომატსაც გააძევებს. შეიზღუდება სახელმწიფო დეპარტამენტის თანამშრომლების რუსეთში, დიპლომატიურ წარმომადგენლობებში მოკლევადიანი მივლინებებით ულიმიტო მოგზაურობის პრაქტიკა. მათთვის შესაბამისი ვიზების გაცემა მინიმუმამდე- წელიწადში 10 ადამიანამდე შემცირდება. მიიღება ზომები, რომ მთლიანად დასრულდეს აშშ-ს დიპლომატიური წარმომადგენლობების მიერ ადმინისტრაციული და ტექნიკური სფეროს თანამშრომლების დაქირავების პრაქტიკა რუსეთის ფედერაციისა და მესამე ქვეყნების მოქალაქეებიდან. რუსეთში შეწყდება სახელმწიფო დეპარტამენტისა და სხვა ამერიკული სახელმწიფო სტრუქტურების კონტროლის ქვეშ მყოფი ამერიკული ფონდებისა და არასამთავრობო ორგანიზაციების საქმიანობა.
"ეს ნაბიჯები მხოლოდ ჩვენს ხელთ არსებული შესაძლებლობების ნაწილია. სამწუხაროდ, ამერიკული მხარის განცხადებებში ახალი სასჯელის შემოღების მუქარა ცხადყოფს, რომ ვაშინგტონს არ სურს ჩვენი მოსმენა და არ აფასებს იმ თავშეკავებას, რომელიც ჩვენ გამოვიჩინეთ, მიუხედავად მაღალი დაძაბულობისა, რომელიც მიზანმიმართულად გააქტიურდა ჯერ კიდევ ბარაქ ობამას პრეზიდენტობის დროიდან“, - აცხადებენ სამინისტროში.
მათივე ინფორმაციით, რუსეთის საგარეო საქმეთა სამინისტროს ოფიციალურ პორტალზე მალე გამოქვეყნდება რვა მოქმედი და ყოფილი ამერიკელი მაღალჩინოსნის და მოხელის სახელი, რომლებიც მონაწილეობენ ანტირუსული კურსის შემუშავებასა და განხორციელებაში. მათ განუსაზღვრელი ვადით აეკრძალებათ რუსეთის ფედერაციაში შესვლა.
„ეს არის სარკისებული პასუხი რუსეთის ოფიციალური პირების მიმართ სანქციებზე, რომლებიც აშშ-მა გასულ თვეში შეიტანა „შავ სიაში“. ახლა დროა შეერთებულმა შტატებმა გამოიჩინოს წინდახედულობა კონფრონტაციული კურსის შეცვლით. წინააღმდეგ შემთხვევაში, განხორციელდება ისეთი მტკივნეული გადაწყვეტილებები ამერიკული მხარისთვის, როგორიცაა, მაგალითად, ბრძანება რუსეთში აშშ-ს დიპლომატიური მისიების თანამშრომელთა რაოდენობის 300 ადამიანამდე შემცირების შესახებ. ეს ყველაფერი ჩვენი არჩევანი არ არის. გვსურს თავიდან ავიცილოთ შეერთებულ შტატებთან შემდგომი ესკალაცია“, - ნათქვამია რუსეთის საგარეო საქმეთა სამინისტროს განცხადებაში.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სასაცილოა სატირალი რომ არ იყოს.
ეუჰ, რა ეშველებათ ახლა იმ 10 დიპლომატს რუსეთიდან რომ გააძევეს. ან იმ 10 რუს დიპლომატს ამერიკიდან რომ გააძევეს. კიდევ თამაშით ერთობიან და წირავენ ჩვენნაირ ქვეყნებს ამ თამაშებში.