29
მარტიდღის ზოგადი ასტროლოგიური პროგნოზი
ვრცელდება ინფორმაცია, რომ "ქართული ოცნების“ შიგნით არეულობაა და დიდი ცვლილებებიც იგეგმება. ლაპარაკობენ კობახიძე-ღარიბაშვილს შორის არსებულ დაპირისპირებასა და გავლენებისთვის ბრძოლაზეც. როგორც ამბობენ, ირაკლი კობახიძის გავლენები პარტიაში სუსტდება. ერთი ვერსიით, არ არის გამორიცხული, ის მალე პარტიის მართვას ჩამოაშორონ და საკონსტიტუციო სასამართლოს თავმჯდომარედაც ვიხილოთ, თუმცა ეს ძნელად წარმოსადგენია ამ ეტაპზე. სერიოზულ ეჭვებს იწვევს თბილისის მერის, კახი კალაძის ბოლოდროინდელი პასიურობა, მისი ავადმყოფობა და ამის გამო ქვეყნიდან გამგზავრებაც, არაერთ ეჭვს აჩენს, მით უფრო, როცა თვითმართველობის არჩევნები ახლოვდება. დიდი გაურკვევლობაა რეგიონებშიც, "ოცნების" ადგილობრივი აქტივი ვერ გაერკვა ჯერჯერობით, ვის ბანაკში ყოფნა იქნება მათთვის წარმატების მომტანი.
ambebi.ge-ს სანდო წყარო უდასტურებს, რომ პრემიერ ირაკლი ღარიბაშვილის გავლენები პარტიაში იზრდება, თუმცა გამორიცხავს კობახიძის საკონსტიტუციო სასამართლოს თავმჯდომარეობას.
"პარტიაში ცვლილება, სავარაუდოდ, ირაკლი კობახიძეს არ შეეხება, უფრო ქვედა რგოლებს, რომ იცოდეთ, პარტიიდან უკვე ბევრი გაუშვეს. სისულელეა იმის მტკიცება, რომ ამ ეტაპზე კობახიძე შეიძლება სადმე წავიდეს. მართალია, ღარიბაშვილის გავლენები პარტიაშიც იზრდება, მაგრამ ის, რომ კობახიძე საკონსტიტუციო სასამართლოს თავმჯდომარედ წავა, აბსურდია, თუნდაც იმიტომ, რომ წესით, საკონსტიტუციო სასამართლო აპოლიტიკური ორგანოა და მანდ მისი დანიშვნა ცუდი ტონი იქნება დასავლეთის თვალში. შეიძლება კობახიძე თანამდებობაზე დარჩეს და ისე შეეკვეცოს ძალაუფლება.
რაც შეეხება კახა კალაძეს, დიდი ალბათობით, ის მერად აღარ იყრის კენჭს. კალაძეს ღარიბაშვილთან ცუდი ურთიერთობა აქვს, ასევე - სუს -ის უფროს ლილუაშვილთანაც. ამ ცოტა ხნის წინ, თბილისის ერთ-ერთი გამგეობის ხალხი რომ დაიჭირეს, ლილუაშვილს კალაძე არც გაუფრთხილებია. კალაძე ცოტა ხანს გამდგარია განზე, ვიდრე ბუნდოვანება არ დასრულდება და ყველაფერი არ გაირკვევა. ისე, ღარიბაშვილსაც არ აწყობს კალაძის წასვლა იმიტომ, რომ, ფაქტობრივად, მარტო რჩება - კობახიძეს რეიტინგი არ აქვს და "ოცნების“ მთელი ტვირთის ზიდვა მას მოუწევს“, - გვეუბნება წყარო.
ანუ ხელოვნური ოპოზიციის თემაში კალაც ჩაჯდა არა?
მიშას სიზმრები))))))