16
აპრილიდღის ზოგადი ასტროლოგიური პროგნოზი
საგარეჯოს მუნიციპალიტეტის სოფელ ლამბალოში, 18 წლის გოგოს ეძებენ. ოჯახის წევრების გარდა, ნარმინ ისაიევას საქმროც ეძებს. ახლობლების ინფორმაციით, გოგონა 6 თვეა დანიშნულია და ქორწილისთვის ემზადებოდა. უფრო მეტიც, რამდენიმე დღის წინ საყიდლებზე იყვნენ, მზითვიც იყიდეს და ქორწილი დაგეგმეს. ერთ-ერთი ვერსიით, ნარმინ ისაიევას მუსლიმური წესით დანიშნულ მამაკაცზე გათხოვება არ სურდა, რის გამოც სხვა მუნიციპალიტეტში მცხოვრებ ბიჭს გაყვა, რომელთანაც სასიყვარულო ურთიერთობა აკავშირებდა.
წასვლიდან რამდენიმე წუთში კი დეიდას მოკლე ტექსტური შეტყობინება გაუგზავნა, რომელშიც წერია, რომ იმ ბიჭს გაყვა, ვინც უყვარდა და ოჯახს ამის გამო ბოდიშს უხდის.
ამ ვერსიას არ იზიარებს ოჯახი, ისინი სხვა ბიჭზე საკუთარი ნებით გათხოვებას გამორიცხავენ და შიშობენ, რომ მათი შვილი იძულებით წაიყვანეს.
"ამდენი ხანია ჩვენი გოგო დანიშნულია. ამბობდა მიყვარს ეგ ბიჭიო. ერთად დადიოდნენ ყველგან. ნიშნობაში ბედნიერები იყვნენ. საყიდლებზეც სულ ერთად იყვნენ. გამორიცხულია სხვაზე გათხოვილიყო, ეს არის ტყუილი. ალბათ ვინმემ მოიტაცა. მესიჯიც ვფიქრობ, ძალად დააწერინეს. თუ გათხოვდა, მოვიდეს და გაგვაცნოს ის ბიჭი.
პოლიციამაც იცის. ვითხოვ პოლიციამ მოგვხედოს, იქნებ მოკლეს, იქნებ გაიტაცეს. დილით საჭმელად დავუძახეთ, - ხელებს დავიბან და მოვალო, იმის მერე გაქრა. ამბობენ მანქანაც იდგაო, მაგრამ ასე როგორ გაქრებოდნენ", - აცხადებენ დაკარგული გოგოს ოჯახში.
ბიჭი რომელზეც იყო გოგონა დანიშნული, თურალ ჯაფაროვია. მის ოჯახში ამბობენ, რომ მომავალი სარძლოს გაუჩინარებაზე ვერსიები არ აქვთ, რადგან გოგონა საკუთარი ნებით მიყვებოდა მათ ბიჭს. თუმცა დაბრუნების შემთხვევაში გოგონას უკან მიღებას აღარ აპირებენ და საჩუქრად მიტანილი ძვირფასეულობის დაბრუნებას ითხოვენ. შინაგან საქმეთა სამინისტრომ მომხდარზე გამოძიება თავისუფლების უკანონო აღკვეთის მუხლით დაიწყო.
ეხლა იძახეთ 21 საუკუნეაო
ხო დაამშვენებდა ეს ისტორია შუა საუკუნეების მონათზრობებს )))
დეიდამ რა მიწერა ვერ გადავთარგმნე გუგლით? ჟიზნ ვორამ წავიკითხე და დეიდამისი ქურდია?