7
მაისიდღის ზოგადი ასტროლოგიური პროგნოზი
"სახელმწიფომ უნდა დააფინანსოს ისეთი ფილმები, რომლებიც საზოგადოებას ხელს უწყობს და აქ გამოვყოფ ახალგაზრდა თაობებს, მათ უნერგავს სამშობლოსა და თავისუფლების სიყვარულს", - კულტურის მინისტრის, თეა წულუკიანის ამ განცხადებას, რომელიც მან "იმედზე" გააკეთა, მხატვარი გია ეძგვერაძე "ფეისბუქის" პირად გვერდზე ეხმაურება.
"ეს ძველმანი ფსიქიკის მატარებელი ადამიანები კულტურის სათავეში! კლინიკაა ნამდვილი - წინას როლინგსტონების ჩამოყვანა ეგონა საქართველოში კულტურის უზენაესი აქტი, ეს კი პირდაპირ იდეოლოგიურ ლოზუნგებს აყენებს, პირდაპირ მიგვითითებს ფსიქიკა რითი უნდა იყოს ამოვსებული. იუსტიციიდან კულტურაში რომ გადმოსახლდები უნამუსოდ და ასე შეიფერებ, ვითომც არაფერი - ეს ნომენკლატურის მეტასტაზებია! როგორ ახერხებს ადამიანი ასე ვერაფერი შეიგნოს, ვერ დაინახოს, რომ რაღაც წარმოუდგენელი, ნამუსშელახული სისტემის ნაწილია და ასეთ სისტემაში მონაწილეობით ადამიანის პირადი ნამუსი ილახება ბოლომდე! როგორ ირგებ იმას, რის გაგებაშიც არა ხარ - ასეთ ადამინებს, სამყარო ერთი დიდი ადმინისტრაციული ოფისი ჰგონიათ, სადაც ოთახიდან ოთახში შეგიძლია სინდისგან გამონთავისუფლებულმა იყიალო ალალად! იუსტიციაში რომ დანიშნეს და მერე დიპლომები აჩვენებინეს, რომ სპეციალიტია დარგის, აქ კულტურაში რა დიპლომს გვაჩვენებს? მაგრამ ისეთი პირი უჩანს და ეს ისეთი კალიბრის ადამიანია, რომ დიპლომი არ უშველის უნამუსობას - მინისტრობა ეტყობა ნათლობისას ნათლიამ დაანათლა და იშნობს განუწყვეტლივ! სამარცხვინო ადამინები რომ არსებობს სამყაროს ნორმაა, მაგრამ თავზე რომ მოგაჯენენ ეს კი დრამაა, თუ ტრაგედია არა!!! დათაგეთ, მიაწვდინეთ - ეგებ გამცეს პასუხი თავისი, სკოლის ენაკვიმატი გოგოჭინას სტილში!" - წერს გია ეძგვერაძე.
თეა წულუკიანის იმავე განცხადებას ასევე სოციალურ ქსელში ეხმაურება კიდევ ერთი მხატვარი თედო რეხვიაშვილი:
"მორიგი პროპაგანდისტული და მასაზე გათვლილი განცხადება, ჩემთვის როგორც ხელოვანისთვის დიდი შეურაცხყოფა. საშინელება ისაა, რომ მოსახლეობის უმეტესი ნაწილისთვის ეს სასიკეთო ინიციატივად აღიქმება. ამ ქვეყნის ყველა დროის ხელისუფალთა 99 მა პროცენტმა უკან ამოისვა რიგი მთავარი ფასეულობებისა და არც ხელოვნების სფეროა გამონაკლისი, ოღონდაც ხმები დაიწერონ! სიყვარულს და თავისუფლებას თავისუფალი და სიყვარულით სავსე სულისმიერი პროდუქტი იძლევა და არა განზრახ დავალებული და წახალისებული პროპაგანდა", - წერს თედო რეხვიაშვილი.
თეა წულუკიანმა "იმედის დილაში" აღნიშნული განცხადება კულტურის სფეროს დაფინანსების საკითხზე საუბრისას გააკეთა.
"ჩემი აზრით, სახელმწიფომ უნდა დააფინანსოს ისეთი ფილმები, რომლებიც საზოგადოებას ხელს უწყობს და აქ გამოვყოფ ახალგაზრდა თაობებს, მათ უნერგავს სამშობლოსა და თავისუფლების სიყვარულს... ეს ფილმები აძლევს სწორ ინფორმაციას, თუ რა არის ადამიანის უფლებები, რა არის დეოკუპაციისთვის საჭირო. ამ ახალგაზრდა თაობებში, კიდევ უფრო ყურადღებამისაქცევ ჯგუფად უნდა გამოვყოთ ის ახალგაზრდები, რომლებიც ოკუპაციის გამო დევნილთა მესამე, მეოთხე თაობაა. მათ უნდა იცოდნენ, რომ მშობლიური ადგილია აფხაზეთი და ცხინვალის რეგიონი. ეს მტკივნეული საკითხია და ჩემი აზრით, ხელოვნება ამასაც უნდა მოემსახუროს", - აღნიშნა მინისტრმა.
შეგახსენებთ, თეა წულუკიანი კულტურის, სპორტისა და ახალგაზრდობის მინისტრად ირაკლი ღარიბაშვილის ბრძანების შესაბამისად, 19 მარტს დაინიშნა. მას შემდეგ, წულუკიანის მისამართით სკანდალური განცხადება სფეროს არაერთმა წარმომადგენელმა გააკეთა და პოსტზე მისი დანიშვნა გააპროტესტა.
გია სტაფილო ისევ გიყვარს?
დიდ-დიდი ზეპურნო მხატვარნო, რეხვიაშვილო და ეძგვერაძე! თქვენი ცნობილობის რა მოგახსენოთ, დავბერდი კაცი და თქვენი ჩანახატიც კი არ არის სადმე ცნობილი. რა გეტაკათ ამ "მხატვრებს", უცბად რო სულის თავისუფლების დათრგუნა იგრძენით ამ პატარა ქალისაგან. აა, მიშა მოგენატრათ ხო? აი, მის დროს იყო თავისუფლება, თუ იყო. ვაი, თქვენს პატრონს....