მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"კარვები 3 თვე იყო რუსთაველზე... არც მაშინ მოიტანა შედეგი, ვეჭვობ, ამ შედეგს მოიტანს დღეს - დღევანდელი ოპოზიციის გავლენა არც ისე მძლავრია" - პოლიტოლოგი
15:08 / 27-02-2021
დღევანდელი ოპოზიცია და მათი ლიდერები ერთად დგანან, მაგრამ ვერ აერთიანებენ მთლიანად ოპოზიციურ ელექტორატს, დღევანდელი ოპოზიციის გავლენა ოპოზიციურ ელექტორატზე არც ისეთი მძლავრია“, - ამის შესახებ პოლიტოლოგმა ვახტანგ ძაბირაძემ „ინტერპრესნიუსთან“ ოპოზიციის მიერ გუშინ, საპროტესტო აქციაზე გაჟღერებული გეგმების შეფასებისას განაცხადა.
როგორც ვახტანგ ძაბირაძე აცხადებს, ხელისუფლება კარვების გაშლას მშვიდად უნდა შეხვდეს.
“სამწუხაროდ, თუ საბედნიეროდ, ჩვენ გარკვეული გამოცდილება გვაქვს ამ მხრივ. ეს არის იგივე პროცესი, რაც იყო 2008 წელს. მაშინდელმა ოპოზიციამაც უარი თქვა პარლამენტში შესვლაზე, სახალხოდ დახიეს მანდატები და დაიწყეს ქუჩის საპროტესტო აქციები.
უნდა ითქვას ერთი რამ, მაშინდელი ოპოზიციის გავლენა ოპოზიციურ ელექტორატზე გაცილებით მძლავრი იყო, ოპოზიციური ელექტორატი გაცილებით რადიკალურ იყო, ვიდრე ეს დღეს არის. დღევანდელი ოპოზიცია, მათი ლიდერები ერთად დგანან, მაგრამ ვერ აერთიანებენ მთლიანად ოპოზიციურ ელექტორატს.
ვნახეთ, კარვები 3 თვე იყო რუსთაველზე გაშლილი, არც მაშინ მოიტანა შედეგი, ვეჭვობ, ამ შედეგს მოიტანს დღეს. დღევანდელი ოპოზიციის გავლენა ოპოზიციურ ელექტორატზე არც ისეთი მძლავრია, როგორც მაშინ იყო. ოპოზიციამ, სამწუხაროდ, ეს გზა აირჩია, არ გაითვალისწინა უახლოესი წარსული.
შეიძლება ითქვას, რომ "ნაციონალურმა მოძრაობამ" თავის მიზანს მიაღწია. საშუალო პარტიები ფაქტობრივად მიიერთა ელექტორალური თვალსაზრისით, ჩემი აზრით, ამ პარტიების ელექტორატი ორ ნაწილად გაიყო. არა მგონია რაღაც კატასტროფული იყოს, ერთადერთი გამონაკლისის გარდა, თუ ხელისუფლებამ არ დაუშვა ისეთივე შეცდომა, რაც დაუშვა მელიასთან მიმართებაში. თუ კარვების გაშლას შეხვდება ძალიან მშვიდად, როგორც თავის დროზე „ნაციონალურმა მოძრაობამ“ გააკეთა, არც არაფერი, რამდენი ხანიც იქნებიან, იქნებიან “,-აცხადებს ძაბირაძე.
როგორც ვახტანგ ძაბირაძე აცხადებს, მმართველმა გუნდმა შეცდომა დაუშვა, როდესაც “ნაციონალური მოძრაობის“ თავმჯდომარის, ნიკა მელიას საკითხზე დასავლელ პარტნიორებთან კონსულტაცია არ გაიარა.
“თავის დროზე, როდესაც ეს გადაწყვეტილება იქნა მიღებული უნდა გაეკეთებინათ ზონდირება საელჩოებთან, თუ როგორ იქნება ეს აღქმული. წინასწარ უნდა მოემზადებინათ ნიადაგი, რასაც აპირებდნენ, ამის შემდეგ უნდა მიეღოთ გადაწყვეტილება. ჩვენი პოლიტიკური სპექტრი არის საოცარი.
თითქოს თეორიულად ყველამ იცის, რომ ამ ქვეყანაში საკმაოდ დიდი გავლენის მქონეა ჩვენი პარტნიორი ქვეყნები, ფაქტობრივად მათზე ვართ დამოკიდებული, ამ შეთხვევაში არ გაითვალისწინო მათი შეხედულებები და მიდგომები, ჩემი აზრით, არასწორია.
ეს არც ოპოზიციამ გაითვალისწინა, გახსოვთ, პირველი ნოემბრიდან ნიკა მელიას დაპატიმრებამდე იყო მოწოდება პარლამენტში შედით და იქიდან ეცადეთ საქმის მოგვარებას. შემდეგში არც ხელისუფლებამ გაითვალისწინა და ახლა იწყებენ იმის გაკეთებას, რაც პატიმრობაში აყვანამდე უნდა გაეკეთებინათ. ის განცხადება, რაც პროკურატურამ გააკეთა, შიდა მოხმარებისთვის არაა, გარე მოხმარებისთვისაა. ამით პროკურატურა და ხელისუფლება დასავლეთს ეუბნება, არანაირი პოლიტიკა აქ არ არის. არის 40 ათასი ლარი, გადაიხდის? - გამოვა გარეთ, ამიტომაც არის ციხეში. ეს არის ქვეტექსტი და მიმართულია დასავლელ პარტნიორებზე “,-აცხადებს ძაბირაძე.
შეგახსენებთ, პროკურატურა მზადაა, ნიკა მელიას მიერ გირაოს გადახდის შემთხვევაში, სასამართლოს აღკვეთის ღონისძიების სახით პატიმრობის შეცვლის შუამდგომლობით მიმართოს.
როგორც გენერალურ პროკურატურაში გამართულ ბრიფინგზე პროკურორმა ამირან გულუაშვილმა განაცხადა, „ნაციონალური მოძრაობის“ თავმჯდომარის, ნიკანორ მელიას დაპატიმრება არასდროს ყოფილა პროკურატურის თვითმიზანი.
მკითხველის კომენტარები /
35 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოიტანა მაშინაც და მოიტანს ეხლაც! გროვდება წყალი ვედროში და ბოლო წვეთზე გადმოვა! ეს ძაბირაზე მე ჯიბისტი მგონია!
მეტნაკლებად ვეთანხმები ამ შეფასებას. 2008-ში ოპოზიციას ზურგს უმაგრებდა რუსული რბილი ძალა, ადგილობრივი ძველბიჭურ-კანონსგარეშე ელემენტები და ამიტომაც იყო უფრო რადიკალური. დღევანდელ ოპოზიციას შუაშისტი ხალხიც აღარ უჭერს მხარს, რადგან მათ ზურგს მხოლოდ ნაცსექტის ყველაზე ფანატიკური ბირთვი და ვიწროდმოაზროვნე ფსევდოინტელექტუალები უმაგრებენ, საქართველოში კი არც ფსევდო და არც ნამდვილი ინტელექტუალები დიდად არასოდეს ფასობდნენ ძალის დემონსტრირების უნარის ფონზე.
ეს ოპოზიციაც დანებდეს რა. შევიდნენ პარლამენტში - შეთანხმდნენ სრულად პროპორციულზე, ეს ოხერი მაჟორიტარული სისტემა გადააგდონ სანაგვეზე. ზედმეტი 4 წელის დაკარგვა კი ღირს მაგად და 24 წლიდან უფრო დაბალანსებული პარლამენტი გვეღირსება, როგორის იმედიც წელს გვქონდა