მნიშვნელოვანი ინფორმაცია
6
აპრილიდღის ზოგადი ასტროლოგიური პროგნოზი
კვირა, მთვარის მეცხრე დღე დაიწყება 12:10-ზე, მთვარე ლომში იქნება 08:37-დან
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა მოგზაურობის, შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადაადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რუსული "ისკანდერები”, ყარაბაღის ომის დროს, არ ფეთქდებოდა" - რა გამოხმაურება მოჰყვა ფაშინიანის ამ განცხადებას და რა ხდება სომხეთში?
10:16 / 25-02-2021
სომხეთში ნიკოლ ფაშინიანის წინააღმდეგ დაწყებული საპროტესტო მოძრაობა ისევ გააქტიურდა. როგორც ადგილობრივების ნაწილი ამბობს, ყარაბაღის ომის შემდეგ ქვეყანაში ასეთი სურათი შეიქმნა - საზოგადოებაში ანტირუსული განწყობები გაიზარდა, პრორუსული ძალები გრძნობენ საფრთხეს და ცდილობენ, ხელისუფლებაზე ზეწოლა კიდევ უფრო გააძლიერონ...
23 თებერვალს "მოძრაობა სამშობლოს დასაცავად” წევრებმა (მასში ათზე მეტ ოპოზიციური პოლიტიკური პარტიაა გაერთიანებული), მთავრობის იმ შენობის ბლოკირება სცადეს, საიდანაც პრემიერ-მინისტრი ნიკოლ ფაშინიანი უნდა შესულიყო, თუმცა, პოლიციამ მომიტინგეები ალყაში მოაქცია და პრემიერ-მინისტრი შენობაში უსაფრთხოდ შეიყვანა, თუმცა, იქიდან გამოსვლა "ნიკოლ, მოღალატე!" შეძახილების ფონზე მოუწია.
ოპოზიციური მოძრაობა პრემიერ-მინისტრს, ნიკოლ ფაშინიანს ყარაბაღის 2020 წლის ომში დამარცხების მთავარ დამნაშავედ მიიჩნევს. ოპოზიციაში გამოსავალს ვერც ვადამდელი არჩევნების ჩატარებაში ხედავენ, რადგან მიიჩნევენ, რომ ხელისუფლება არჩევნებს ადმინისტრაციული რესურსების გამოყენებით მაინც გააყალბებს.
მოგვიანებით, ოპოზიციამ ფაშიანი სომხურ-რუსული ურთიერთობების გაწყვეტაში დაადანაშაულა. მათი მოსაზრებით, ნიკოლ ფაშინიანის განცხადება "ისკანდერებთან" დაკავშირებით, არაეფექტიანი იყო. ამის შესახებ, ოპოზიციის ერთ-ერთი ლიდერი, ვაზგენ მანუკიანი აცხადებს. საპარლამენტო კომისიის ხელმძღვანელი მათ მოუწოდებს, შეამოწმონ რუსეთისგან შესყიდული სარაკეტო კომპლექსი. თავდაცვის სამინისტრო აცხადებს, რომ ფაშინიანის სიტყვებზე კომენტარს არ გააკეთებს.
kavkaz-uzel.eu-ს ცნობით, ლაპარაკია ფაშინიანის მიერ 23 თებერვალს გაკეთებულ განცხადებაზე. სომხეთის პრემიერ-მინისტრმა განაცხადა, რომ რუსული "ისკანდერები”, ყარაბაღის ომის დროს, არ ფეთქდებოდა და საბოლოოდ, მათი 10% თუ აფეთქდა". ცნობისთვის, რუსული წარმოების ოპერატიულ-ტაქტიკური სარაკეტო კომპლექსი "ისკანდერი” სომხეთის შეიარაღებულ ძალებში 2007 წლიდან ირიცხება, თუმცა, ისინი პირველად გასული წლის შემოდგომაზე გამოიყენეს.
მის განცხადებას, ოპოზიციის მიერ კონტროლირებად მედიაში, პრორუსი ექსპერტების კრიტიკის ნიაღვარი მოჰყვა. მათი თქმით, პრემიერ-მინისტრის განცხადება "რუსული შეიარაღების, კონკერტულად კი "ისკანდერის” მოძველებულად" შეფასებაში, სხვა არაფერია, თუ არა არაპროფესიონალიზმი.
ფაშიანინმა ასეთი განცხადება ყოფილი პრეზიდენტის, სერჟ სარგსიანის საპასუხოდ გააკეთა, რომლის თქმითაც, ყარაბაღის კონფლიქტის თუნდაც მეოთხე-მეხუთე დღეს, როდესაც აზერბაიჯანმა მათ წინააღმდეგ არაპროპორციული ძალა გამოიყენა, საბრძოლო მოქმედებებში "ისკანდერები" უნდა ჩაერთოთ.
რუსეთის დუმის წევრის, ვიქტორ ზავარზინის მოსაზრებით, "როდესაც ადამიანი ომში წაგების გამართლებას ცდილობს, თავისი უდანაშაულობის დასამტკიცებლად ყველაფერს ებღაუჭება, ადანაშაულებს ხალხს, სამხედროებს, შეიარაღებას, სინამდვილეში, "ისკანდერები" ძალზე მაღალი სიზუსტის იარაღია და არაერთხელ არის გამოცდილი".
სომხური საზოგადოების ნაწილის ცნობით, ფაშინიანი რუსულ შეიარაღებას იმიტომ აკრიტიკებს, რომ ის წინა ხელისუფლების დროს არის შეძენილი. სხვების მოსაზრებით, რუსეთი სომხეთში პოზიციებს არ თმობს, ოპოზიცია კი მის მითითებებს ასრულებს, რაც სომხეთს ვითარების გამწვავების ფასად უჯდება.
"ფაშინიანი პროდასავლური ლიდერიაო, გვიმტკიცებდნენ, ოღონდ სად ჩანს ეს, რომელ ნაბიჯებში, მისი თავდაცვის მინისტრი აცხადებს, - გიუმრიში განთავსებული რუსული 102-ე სამხედრო ბაზის გაფართოებით, გაზრდით ვართ დაინტერესებულიო. ეს ირიბად, ინფრასტრუქტურის განახლების მოთხოვნას ნიშნავს, რისი შესაძლებლობაც ქვეყანას არ აქვს, მაგრამ გაფართოებაში მეტი ადგილობრივის დასაქმება იგულისხმება, რაც სჭირდება, უნდა, რომ ხალხი სამსახურით კმაყოფილი იყოს და ამისთვის დათმობაზე მიდის.
კიდევ - გიუმრის ბაზის გაფართოება, ნიშნავს, რომ რუსეთი სომხეთში გავლენებს აძლიერებს. დასავლეთისკენ კი არ მივდივართ, ევრაზიულ კავშირში ვრჩებით, რუსეთთან უფრო მეტად მიბმული, რადგან ბაზის პოტენციალი გაძლიერება პირდაპირ აისახება კოლექტიური უსაფრთხოების ფარგლებში, ერთობლივი ძალების გაძლიერებაშიც. ასე ჰქვია, მაგრამ სინამდვილეში, არავითარი თანასწორუფლებიანი ურთიერთობა არ იქნება, განკარგულებებს რუსეთი იძლევა. უკვე მერამდენედ ბეწვის ხიდზე გავდივართ”, - ამბობს AMBEBI.GE-სთან საუბარში ადგილობრივი, რობერტ აბრამიანი.
"თუ ფაშინიანს მეორე სუთქვა არ გაეხსნა, დასავლეთი, ევროკავშირი და საერთაშორისო საზოგადოება არ გააქტიურდა, სომხეთი დიდი ხნით და მჭიდროდ მიეჯაჭვება რუსეთს. ეს კი, არც მათთვის იქნება სახარბიელო და არც ჩვენთვის. ფაშინიანის მოსვლით, იმედი გაჩნდა, რომ კანონის, ადამიანის უფლებების, რეფორმების, ბიზნესის მართვის, პოლიტიკური პროცესების კუთხით ცვლილებები დაიწყებოდა. ასე არ მოხდა. ახლა იმედის მოშთობას აპირებენ ოპოზიციის ხელით. რადგან ისინი კორუფციაში არიან ჩაფლული. გავლენების დათმობა არ სურთ”- ამბობს კიდევ ერთი ადგილობრივი სუზენ მიკირტიჩიანი.
"რუსეთი თუ არ დაგვეხმარა, რადგან მიზეზი ჰქონდა და ამიტომაც წავაგეთ ომი. ამდენი წელი გვეხმარებოდა, სამუშაო ადგილებს ქმნიდა, ჩვენი ხალხი რუსეთშია დასაქმებული, იქიდან ოჯახებს არჩენენ და ერთ დღესაც, ფაშიანინმა ამ ყველაფრის გაწყვეტა მოისურვა. ხალხი არ დათმობს, დასავლეთს არ სჭირდება სომხეთი და ვისაც ვჭირდებით, მასთან ვიყოთ მეგობრულად...” - წერს კიდევ ერთი ადგილობრივი ლეილა ბაღდასარიანი.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სროლა თუ იცოდით?! ან ისკანდერს ვის ესროდით, ეგ ხომ ბალისტიკური რაკეტაა, შორი სროლის დანიშნულებით.
გიწიათ აფხაზეთის ცოდვებმა??