"დარწმუნებული ვარ, მაგათმა უყვეს ბავშვს რაღაცა" - 14 წლის გარდაცვლილი გოგოს დედა ვარაუდობს, რომ ბავშვი ოჯახში ძალადობის დროს შემოაკვდათ და მისი თვითმკვლელობა დადგეს

ქობულეთის მუნიციპალიტეტის სოფელ ქაქუთში გარდაცვლილი გოგონას დედა, მერი რომანაძე არ გამორიცხავს, რომ ბავშვი ოჯახში ძალადობის დროს შემოაკვდათ და მისი თვითმკვლელობის ინსცენირება მოახდინეს.

"ერთი კვირით ადრე მითხრა, რომ ბაბუა ნასვამი იყო, საწოლში ვიწექიო, თავზე რომ დამადგა და თავში ხელები მირტყაო, ძვლივს გავითავისუფლე თავი მისგანო. ჩემი შვილი თავს არ მოიკლავდა. მე დარწმუნებული ვარ ამაში, იმიტომ რომ სანამ თავს მოიკლავდა, წინა დღეს მელაპარაკა ბავშვმა, რომ მომზადებული იყო ჩეთან წამოსასვლელად. დარწმუნებული ვარ, რომ მაგათმა უყვეს ბავშვს რაღაცა", - აცხადებს "ტვ პირველთან" გარდაცვლილი მოზარდის დედა.

14 წლის ნინიმ თავი 9 თებერვალს მოიკლა. შემთხვევამდე ორი თვით ადრე, ოჯახმა ქობულეთის პოლიციას შეატყობინა გოგონას გაუპატიურების შესახებ - აღნიშნულზე უკვე დაწყებულია გამოძიება და პოლიციამ გოგონას თვითმკვლელობის შემდეგ დააკავა 23 წლის მოძალადე. ცნობილია ისიც, რომ არასრულწლოვანი ოჯახში ფიზიკური ძალადობის მსხვერპლი გახდა - მას ბიძები სასტიკად გაუსწორდნენ.

ცნობისთვის, საქმეზე დღეს მოზარდის ბაბუა დააკავეს.

• "ბავშვი მეხვეწება დედიკო მიშველეო... თავს მოვიკლავო" - "რეგინფო" აქვეყნებს მიმოწერას გარდაცვლილი 14 წლის გოგონას დედასა და სოციალურ მუშაკს შორის
• "თავზე რაც იარები მაქვს, დედის მიყენებულია" - ქობულეთში გარდაცვლილი 14 წლის გოგოს ძმა უარყოფს, რომ ბაბუა და ბიძები მის დაზე ძალადობდნენ
• "შემძულდა ეგ ბავშვი..." - ქობულეთში გარდაცვლილი 14 წლის გოგოს ბიძის სკანდალური აღიარება