მიმ­დი­ნა­რე კვი­რა­ში ევ­რო­პა­ში მას­შტა­ბუ­რი სა­პო­ლი­ციო ოპე­რა­ცია ჩა­ტარ­და, რომ­ლის ფარ­გლებ­შიც 62 პირი "ქარ­თუ­ლი მე­თო­დით" ბი­ნე­ბის ძარ­ცვის გამო და­ა­კა­ვეს. იტა­ლი­უ­რი და ფრან­გუ­ლი მე­დი­ა­სა­შუ­ა­ლე­ბე­ბის მიერ გავ­რცე­ლე­ბუ­ლი მო­ნა­ცე­მე­ბი სხვა­დას­ხვაა, თუმ­ცა სა­ქარ­თვე­ლოს შს სა­მი­ნის­ტროს ცნო­ბით, ევ­რო­პა­ში 9 თე­ბერ­ვალს სულ სა­ქარ­თვე­ლოს 45 მო­ქა­ლა­ქე და­ა­კა­ვეს. იტა­ლი­ურ მე­დი­ა­სა­შუ­ა­ლე­ბებ­ში ვკი­თხუ­ლობთ, რომ და­კა­ვე­ბუ­ლე­ბი "სა­ვა­რა­უ­დოდ წარ­მო­ად­გე­ნენ ქარ­თუ­ლი წარ­მო­შო­ბის ტრან­სნა­ცი­ო­ნა­ლურ და­ნა­შა­უ­ლებ­რივ ორ დაჯ­გუ­ფე­ბას, რომ­ლე­ბიც პირ­და­პირ კავ­შირ­შია "კა­ნო­ნი­ე­რი ქურ­დე­ბის" და­ნა­შა­უ­ლებ­რივ გა­ერ­თი­ა­ნე­ბას­თან".

მი­უ­ხე­და­ვად იმი­სა, რომ ევ­რო­პა­ში მოხ­სე­ნი­ე­ბუ­ლი ტერ­მი­ნის - ძარ­ცვის "ქარ­თუ­ლი მე­თო­დის" შე­სა­ხებ უკვე გარ­კვე­უ­ლი ინ­ფორ­მა­ცია ცნო­ბი­ლია, AMBEBI.GE მომ­ხდარ­სა და ზო­გა­დად, იტა­ლი­ა­ში მოქ­მე­დი ქარ­თვე­ლი კრი­მი­ნა­ლე­ბის შე­სა­ხებ მე­ტის გარ­კვე­ვის მიზ­ნით იტა­ლი­ელ გა­მომ­ძი­ე­ბელ ჟურ­ნა­ლისტს, იტა­ლი­ის მთა­ვა­რი სა­ტე­ლე­ვი­ზიო ჯგუ­ფის - Mediaset-ისა და გა­ზე­თი Espresso-ს თა­ნამ­შრო­მელს, არი­ა­ნა ჯუნ­ტის და­უ­კავ­შირ­და.

არი­ა­ნა ჯუნ­ტი:

- იტა­ლი­ა­ში ძა­ლი­ან აქ­ტი­უ­რია ქარ­თუ­ლი ეროვ­ნე­ბის ქურ­დე­ბის ჯგუ­ფე­ბი, რომ­ლე­ბიც ბი­ნებს ძარ­ცვა­ვენ. სა­ინ­ტე­რე­სოა, რომ სახ­ლე­ბი ძა­ლი­ან ზუს­ტი მე­თო­დო­ლო­გი­ით იძარ­ცვე­ბა ხოლ­მე. გა­მომ­ძი­ებ­ლებ­მა აღ­მო­ა­ჩი­ნეს, რომ იმ ქურ­დე­ბის გაწ­ვრთნის­თვის, რომ­ლე­ბიც შემ­დეგ სახ­ლე­ბის ძარ­ცვა­ში მო­ნა­წი­ლე­ობ­დნენ, ნამ­დვი­ლი სკო­ლე­ბი იყო შექ­მნი­ლი.

ასევე დაგაინტერესებთ

21:33 / 09-02-2021

მასშტაბური სპეცოპერაციის შედეგად იტალიაში 55 ქართველი დააკავეს - "ყველა დანაშაულს ერთი ხელწერით ახორციელდებდნენ... ნაქურდალს უკრაინაში გზავნიდნენ"

09:44 / 10-02-2021

იტალიის სპეცოპერაციის პარალელურად ქართველი კრიმინალები საფრანგეთშიც დააკავეს - მასშტაბური დანაშაულის დეტალები

რო­გორ მუ­შა­ობს "ქარ­თუ­ლი მე­თო­დი" იტა­ლი­ა­ში? ქურ­დე­ბის ეს ჯგუ­ფე­ბი წე­ლი­წად­ში რამ­დე­ნი­მე თვეს იტა­ლი­ა­ში ატა­რე­ბენ და მთა­ვარ ქა­ლა­ქებს შო­რის მოძ­რა­ო­ბენ. ქა­ლა­ქე­ბი, სა­დაც ყვე­ლა­ზე მე­ტად არი­ან წარ­მოდ­გე­ნი­ლე­ბი, ძი­რი­თა­დად, ჩრდი­ლო­ეთ იტა­ლი­ა­შია, მა­გა­ლი­თად: ტუ­რი­ნი, მი­ლა­ნი, ნო­ვა­რა; ბევ­რი მათ­გა­ნი რომ­ში იმ­ყო­ფე­ბა; სამ­ხრეთ იტა­ლი­ა­ში კი, უპირ­ვე­ლეს ყოვ­ლი­სა, ბა­რის ტე­რი­ტო­რი­ა­ზე არი­ან, სა­დაც რამ­დე­ნი­მე წლის წინ მათი ლი­დე­რე­ბი ცხოვ­რობ­დნენ, რო­მელ­თაც იქ უძ­რა­ვი ქო­ნე­ბა ჰქონ­დათ.

რო­გორც აღ­ვნიშ­ნე, სა­ინ­ტე­რე­სოა, რომ მათ შექ­მნეს სკო­ლე­ბი, რათა ქურ­დე­ბის­თვის ეს­წავ­ლე­ბი­ნათ; კა­რა­ბი­ნე­რებ­მა ასე­ვე აღ­მო­ა­ჩი­ნეს ფილ­მე­ბიც, სა­დაც ზუს­ტა­დაა ნაჩ­ვე­ნე­ბი, რო­გორ ხდე­ბა სა­კე­ტის გა­ღე­ბა კვა­ლის და­ტო­ვე­ბის გა­რე­შე და რაც შე­იძ­ლე­ბა მეტი რა­მის მო­პარ­ვა, რაც შე­იძ­ლე­ბა მცი­რე დრო­ში. სწო­რედ ამას ეწო­და "ქარ­თუ­ლი მე­თო­დი".

იტა­ლი­ა­ში ძარ­ცვის "ქარ­თუ­ლი მე­თო­დის" სხვა მა­ხა­სი­ა­თე­ბე­ლია მოქ­მე­დე­ბა დღის გარ­კვე­ულ მო­ნაკ­ვე­თებ­ში, რო­მე­ლიც ღა­მეს არას­დროს ემ­თხვე­ვა, არა­მედ, შუ­ა­დღი­სით ხდე­ბა. ეს ქურ­დე­ბი­სათ­ვის ცოტა უც­ნა­უ­რი რა­მაა, რად­გან ჩვე­უ­ლებ­რივ, ისი­ნი ღა­მით მოქ­მე­დე­ბენ, - მა­შინ, რო­დე­საც ხალ­ხი არაა. ამის ნაც­ვლად, იტა­ლი­ა­ში მყო­ფი ქარ­თვე­ლე­ბი ქურ­დო­ბას შუ­ა­დღი­სას სჩა­დი­ან, მა­გა­ლი­თად, სამ­სა­ხუ­რის მერე, რო­დე­საც შე­იძ­ლე­ბა, ადა­მი­ა­ნი სა­ყიდ­ლებ­ზე იყოს გა­სუ­ლი.

თუმ­ცა, იტა­ლი­ა­ში თით­ქმის ერთი წე­ლია, რაც "ლო­ქ­და­უ­ნია" და გან­სა­კუთ­რე­ბით ეს პე­რი­ო­დი, რო­დე­საც საკ­მა­ოდ მკაც­რი "ლო­ქ­და­უ­ნი" მოქ­მე­დებ­და და ხალ­ხი სახ­ლში რჩე­ბო­და, მათ­თვის კრი­ზი­სუ­ლი აღ­მოჩ­ნდა. პირ­ვე­ლი დღე­ე­ბის შემ­დეგ, რო­დე­საც ქურ­დე­ბი ვე­რა­ფერს აკე­თებ­დნენ, რად­გან სახ­ლე­ბი არას­დროს იყო ცა­რი­ე­ლი და ადა­მი­ა­ნე­ბი სამ­სა­ხუ­რებ­ში აღარ და­დი­ოდ­ნენ, იტა­ლი­ა­ში ქურ­დო­ბე­ბი პრაქ­ტი­კუ­ლად, გაქ­რა. შემ­დეგ, როცა ოფი­სებ­ში მუ­შა­ო­ბა ოდ­ნავ გა­ნახ­ლდა და ნორ­მა­ლუ­რი საქ­მი­ა­ნო­ბაც შე­და­რე­ბით აღ­დგა, ქურ­დებ­მა მათი მოძ­რა­ო­ბის შეს­წავ­ლა და­ი­წყეს, ამი­ტომ ძი­რი­თა­დად დღის მე­ო­რე ნა­ხე­ვარ­ში, სა­ვა­რა­უ­დოდ მა­შინ, რო­დე­საც ხალ­ხი სა­ყიდ­ლებ­ზე წას­ვლას აპი­რებ­და, ქურ­დებ­მა კი­დევ უფრო სწრა­ფად მოქ­მე­დე­ბა და­ი­წყეს, რათა ძარ­ცვა რაც შე­იძ­ლე­ბა მალე მო­ეს­წროთ. ამ უკა­ნას­კნელ­მა სპე­ცო­პე­რა­ცი­ამ, რო­მე­ლიც იტა­ლი­ის სა­მარ­თალ­დამ­ცავ­მა ორ­გა­ნო­ებ­მა ჩა­ა­ტა­რეს, ამ ტი­პის თა­ვი­სე­ბუ­რე­ბა გა­მო­ა­ჩი­ნა, რაც პრაქ­ტი­კუ­ლად, კო­ვი­დის ეპო­ქა­ში ქურ­დე­ბის ევო­ლუ­ცი­ას წარ­მო­ად­გენ­და.

"ქარ­თუ­ლი მე­თო­დი" სა­კე­ტე­ბის გა­ტეხ­ვის გზის ძა­ლი­ან ფრთხი­ლად შეს­წავ­ლას ით­ვა­ლის­წი­ნებს - ისი­ნი არა­ნა­ირ კვალს არ ტო­ვე­ბენ. დიდი გან­სხვა­ვე­ბაა ამ მე­თო­დო­ლო­გი­ის მქო­ნე ქარ­თველ ქურ­დებს და მა­გა­ლი­თად, ალ­ბა­ნურ ორ­გა­ნი­ზე­ბულ და­ნა­შა­ულს შო­რის. მათ მოქ­მე­დე­ბის ძა­ლი­ან გან­სხვა­ვე­ბუ­ლი სტი­ლი აქვთ: ქარ­თვე­ლე­ბი სახ­ლში კვალს არ ტო­ვე­ბენ, კარს აღე­ბენ გან­სა­კუთ­რე­ბუ­ლი გა­სა­ღე­ბით, რო­მელ­საც ნე­ბის­მი­ე­რი ტი­პის სა­კე­ტის გა­ღე­ბა შე­უძ­ლია - სწო­რედ ასე შე­დი­ან ქურ­დე­ბი სახ­ლებ­ში უკ­ვა­ლოდ. იმის გამო, რომ კარს სა­ერ­თოდ არა­ფე­რი ეტყო­ბა, შინ დაბ­რუ­ნე­ბუ­ლი ადა­მი­ა­ნი ვერც კი ხვდე­ბა, რომ ის გა­ქურ­დეს.

- რა შეგ­ვიძ­ლია ვთქვათ სპე­ცო­პე­რა­ცი­ა­ზე, სა­ხელ­წო­დე­ბით "კა­ნო­ნი­ე­რი ქურ­დი", რო­მე­ლიც, რო­გორც ვიცი, 2015 წლის ნო­ემ­ბერ­ში და­ი­წყო და 2018 წლამ­დე გრძელ­დე­ბო­და?

- დიახ, სა­პო­ლი­ციო ოპე­რა­ცი­ე­ბი, თუ კა­რა­ბი­ნი­ე­რე­ბის ან იტა­ლი­ის რო­მე­ლი­მე სამ­ხედ­რო ორ­გა­ნოს მიერ ჩა­ტა­რე­ბუ­ლი ოპე­რა­ცი­ე­ბი და გა­მო­ძი­ე­ბე­ბი, ყვე­ლა მათ­გა­ნი ერ­თმა­ნეთ­თა­ნაა და­კავ­ში­რე­ბუ­ლი. რა თქმა უნდა, ისი­ნი ყო­ველ­თვის ცდი­ლო­ბენ, და­ი­ჭი­რონ ქურ­დე­ბი, რომ­ლე­ბიც და­კავ­ში­რე­ბულ­ნი არი­ან "ვო­რებ­თან" - "კა­ნო­ნი­ერ ქურ­დებ­თან", ანუ მათ უფ­რო­სებ­თან. მათ­გან სა­ქარ­თვე­ლო­ში ძა­ლი­ან ცო­ტაა დარ­ჩე­ნი­ლი, თით­ქმის ყვე­ლა სა­ბერ­ძნეთ­ში, ეს­პა­ნეთ­სა და იტა­ლი­ის ზოგ ნა­წილ­შიც კი ცხოვ­რობს. სა­ინ­ტე­რე­სოა, რომ ახლა გა­მომ­ძი­ებ­ლე­ბი ცდი­ლო­ბენ, სხვა კრი­მი­ნა­ლურ დაჯ­გუ­ფე­ბებ­თან და­კა­ვე­ბუ­ლე­ბის კავ­ში­რე­ბი მო­ნა­ხონ, გან­სა­კუთ­რე­ბით კი სინტთან, რო­მე­ლიც იტა­ლი­ა­ში მცხოვ­რე­ბი მომ­თა­ბა­რე მო­სახ­ლე­ო­ბაა და ოქ­როს ქურ­დო­ბით და მისი სა­ზღვარ­გა­რეთ, სხვა ქვეყ­ნებ­ში გა­ყიდ­ვი­თაა და­კა­ვე­ბუ­ლი, გან­სა­კუთ­რე­ბით ამ­ჟა­მინ­დე­ლი ეკო­ნო­მი­კუ­რი კრი­ზი­სის დროს.

ასე­ვე არ­სე­ბობს კავ­ში­რი ალ­ბა­ნე­თის ორ­გა­ნი­ზე­ბულ და­ნა­შა­ულ­თან, რად­გან ისი­ნი ხში­რად მოქ­მე­დე­ბენ მათ­თან თან­ხმო­ბა­ში. ყვე­ლა ამ ოპე­რა­ცი­ას, მათ შო­რის ბოლო რამ­დე­ნი­მე დღის წინ ჩა­ტა­რე­ბულს, იმ იტა­ლი­ე­ლი გა­მომ­ძი­ებ­ლე­ბის ინ­ტუ­ი­ცი­ი­დან და­ე­დო სა­თა­ვე, რომ­ლე­ბიც ნო­ვა­რას პრო­ვინ­ცი­ა­ში ცხოვ­რობ­დნენ - ეს იტა­ლი­ის რე­გი­ონ­ში, პი­ე­მონ­ტში მდე­ბა­რე და­ბაა. ნო­ვა­რა ძა­ლი­ან წყნა­რი ქა­ლა­ქია და მრა­ვა­ლი ასე­თი ქარ­თვე­ლი იქ იმი­ტომ და­სახ­ლდა, რომ იქ სა­ერ­თოდ არა­ფე­რი ხდე­ბა, არა­ნა­ი­რი და­ნა­შა­უ­ლი არაა გავ­რცე­ლე­ბუ­ლი. ამი­ტომ მათ იცი­ან, რომ შე­უძ­ლი­ათ, იქ მშვი­დად დარ­ჩნენ, სა­ცხოვ­რე­ბე­ლი ბაზა ჰქონ­დეთ და შემ­დეგ გა­სა­ქურ­დად იქი­დან იტა­ლი­ის სხვა ნა­წი­ლებ­ში წა­ვიდ­ნენ. რო­გორც წესი, კრი­მი­ნა­ლე­ბი და­ნა­შა­ულს იქ არ სჩა­დი­ან, სა­დაც ცხოვ­რო­ბენ.

- თქვენ თქვით, რომ ქარ­თვე­ლე­ბი სხვა­დას­ხვა ქა­ლაქს შო­რის გა­და­ად­გილ­დე­ბი­ან...

- ამ ქურ­დე­ბის უმე­ტე­სო­ბა, რო­დე­საც მათ იტა­ლი­ის ტე­რი­ტო­რი­ა­ზე თვე­ე­ბის გან­მავ­ლო­ბა­ში უწევთ ცხოვ­რე­ბა, ნო­ვა­რა­ში ცხოვ­რო­ბენ, სა­დაც მომ­თა­ბა­რე­ე­ბის მრა­ვა­ლი ბან­და­ცაა წარ­მოდ­გე­ნი­ლი. ქურ­დებს პო­ლი­ცია "ჯა­რის­კა­ცებს" უწო­დებს, რად­გან ისი­ნი ლი­დე­რის, უფ­რო­სის სა­ხე­ლით მოქ­მე­დე­ბენ. ნო­ვა­რა­ში ცხოვ­რე­ბის მერე "ჯა­რის­კა­ცე­ბი" რამ­დე­ნი­მე თვით იტა­ლი­ის სხვა ქა­ლა­ქებ­ში იგ­ზავ­ნე­ბი­ან, რათა სხვა ქა­ლა­ქებ­ში არ­სე­ბუ­ლი მდგო­მა­რე­ო­ბა ცო­ტა­თი შე­ის­წავ­ლონ. ცხა­დია, ნე­ბის­მი­ე­რი ქურ­დო­ბის წინ ქარ­თვე­ლი ქურ­დე­ბი დიდი ხნის გან­მავ­ლო­ბა­ში აკ­ვირ­დე­ბი­ან სახ­ლებს, რო­მელ­თა გა­ძარ­ცვაც სურთ.

მე­ტიც, კი­დევ ერთი მნიშ­ვნე­ლო­ვა­ნი რამ უნდა ით­ქვას - ისი­ნი არას­დროს სჩა­დი­ან სე­რი­ო­ზულ და­ნა­შა­ულს, არა­სო­დეს მომ­ხდა­რა ადა­მი­ა­ნე­ბის და­ყა­ჩა­ღე­ბა, დაჭ­რა ან მკვლე­ლო­ბა. კარ­გად იცი­ან, რომ რო­დე­საც სახ­ლებ­ში შე­დი­ან, ძა­ლი­ან ბევ­რი პრობ­ლე­მა არ უნდა შექ­მნან. ასე­ვე, ძა­ლი­ან მშვი­დი ცხოვ­რე­ბის წესი აქვთ, მა­გა­ლი­თად, არ ეტა­ნე­ბი­ან ნარ­კო­ტი­კებს. კა­რა­ბი­ნი­ე­რებ­მა შე­ამ­ჩნი­ეს, რომ ზოგი მათ­გა­ნი ჰე­რო­ინს იყე­ნებს, მაგ­რამ მხო­ლოდ ქურ­დო­ბამ­დე, რად­გან ჰე­რო­ი­ნი ხე­ლებ­ში ნერ­ვებს აფარ­თო­ვებს, ასე რომ, სა­კე­ტე­ბის გა­სახ­სნე­ლად ასე ხე­ლე­ბით მუ­შა­ო­ბა უფრო კარ­გად და თა­ვი­სუფ­ლად შე­უძ­ლი­ათ, - მაგ­რამ ჰე­რო­ინს მხო­ლოდ და მხო­ლოდ ამ მი­ზე­ზით იყე­ნე­ბენ.

- რა შე­გიძ­ლი­ათ თქვათ ქურ­დო­ბა­ში სპე­ცი­ა­ლი­ზი­რე­ბუ­ლი ამ ქარ­თუ­ლი ბან­დის ორ­გა­ნი­ზე­ბის შე­სა­ხებ?

- თი­თო­ე­უ­ლი ბან­და ათე­უ­ლო­ბით ადა­მი­ა­ნის­გან შედ­გე­ბა. ისი­ნი ძა­ლი­ან მჭიდ­რო სამ­ხედ­რო იერ­არ­ქი­ით გა­მო­ირ­ჩე­ვი­ან. მათ­გან 2 ადა­მი­ანს "გე­ნერ­ლებს" უწო­დე­ბენ - მათ, ვინც ბრძა­ნე­ბებს გას­ცემს; შემ­დეგ არი­ან "ჯა­რის­კა­ცე­ბი", რომ­ლე­ბიც რე­ა­ლუ­რად მოქ­მე­დე­ბენ და სახ­ლებს ძარ­ცვა­ვენ.

ამას­თან, ისი­ნი მო­ბი­ლურ ტე­ლე­ფო­ნებს არ იყე­ნე­ბენ, რომ არა­ვინ მო­უს­მი­ნოს და ამის ნაც­ვლად Walkie-Talkie-ს იყე­ნე­ბენ, რისი მი­ყუ­რა­დე­ბაც შე­უძ­ლე­ბე­ლია. ხში­რად იყე­ნე­ბენ ელექტრო­ნულ სის­ტე­მებს - jammer-ებს, რო­მე­ლიც სიხ­ში­რეს ახ­შობს - ამ მო­წყო­ბი­ლო­ბის ჩარ­თვით, მის გარ­შე­მო აღა­რა­ფე­რი ის­მის. ასე რომ, თუ მათ შო­რის ვინ­მეს შემ­თხვე­ვით მო­ბი­ლუ­რი ტე­ლე­ფო­ნი აღ­მო­აჩ­ნდა, ამ მო­ბი­ლუ­რის მოს­მე­ნა მა­ინც შე­უძ­ლე­ბე­ლი იქ­ნე­ბა. შე­სა­ბა­მი­სად, საკ­მა­ოდ ბევრ ინ­სტრუ­მენტს ფლო­ბენ.

კი­დევ ერთი სა­ინ­ტე­რე­სო თვი­სე­ბაა ტატუ, რო­მე­ლიც ვნა­ხეთ - ზო­გი­ერთ მათ­განს, ვინც და­ა­პა­ტიმ­რეს, სხე­ულ­ზე ვარ­დის ტატუ ჰქონ­და, რო­მე­ლიც "კა­ნო­ნი­ე­რი ქურ­დე­ბის" - "ვო­რე­ბის"ტა­ტუა.

- რამ­დე­ნად ხში­რია ქარ­თვე­ლე­ბის მო­ნა­წი­ლე­ო­ბა და­ნა­შა­უ­ლებ­რივ ქმე­დე­ბებ­ში იტა­ლი­ა­ში, და ხომ ვერ გა­იხ­სე­ნებთ რო­მე­ლი­მე გან­სა­კუთ­რე­ბულ შემ­თხვე­ვას?

- მო­დით ვთქვათ, რომ მათი მთა­ვა­რი საქ­მი­ა­ნო­ბა ბი­ნე­ბის ძარ­ცვაა, მაგ­რამ და­კა­ვე­ბუ­ლე­ბი არი­ან ფუ­ლის გა­თეთ­რე­ბით და კო­მერ­ცი­უ­ლი საქ­მი­ა­ნო­ბი­თაც. ერთი წლის წინ იმგვარ გა­მო­ძი­ე­ბა­ზე ვი­მუ­შა­ვე, რო­მე­ლიც მათ შო­რის, ქარ­თვე­ლებ­საც ეხე­ბო­და. ქარ­თუ­ლი ორ­გა­ნი­ზე­ბუ­ლი და­ნა­შა­უ­ლი ასე­ვე სხვა სფე­რო­ზე - ემიგ­რან­ტე­ბის საქ­მე­ზე ვრცელ­დე­ბა. თქვენ იცით, რომ იტა­ლი­ა­ში, ხმელ­თა­შუა ზღვას­თან სი­ახ­ლო­ვის გამო, ნა­ვე­ბით მრა­ვა­ლი მიგ­რან­ტი ჩა­მო­დის, გან­სა­კუთ­რე­ბით - ზა­ფხუ­ლის პე­რი­ოდ­ში. კო­ვი­დამ­დე, რო­დე­საც მიგ­რან­ტე­ბის შე­მოს­ვლა შე­და­რე­ბით ნაკ­ლე­ბად იყო გა­კონ­ტრო­ლე­ბუ­ლი, ორ­გა­ნი­ზე­ბულ­მა და­ნა­შა­ულ­მა მო­ა­ხერ­ხა ემიგ­რან­ტე­ბის თურ­ქე­თი­დან იტა­ლი­ა­ში გად­მოყ­ვა­ნა და ნა­ვე­ბის სა­მარ­თა­ვად ქარ­თვე­ლე­ბის გა­მო­ყე­ნე­ბა. ამის ცოდ­ნამ გა­მომ­ძი­ებ­ლებს სა­შუ­ა­ლე­ბა მის­ცა, გა­ე­გოთ, თუ რო­გორ ფარ­თოვ­დე­ბა ქარ­თუ­ლი ორ­გა­ნი­ზე­ბუ­ლი და­ნა­შა­უ­ლი სხვა საქ­მი­ა­ნო­ბებ­შიც. ეს, რა თქმა უნდა, ერთ-ერთი ყვე­ლა­ზე მომ­გე­ბი­ა­ნი "ბიზ­ნე­სია", რო­მელ­საც უცხო­უ­რი მა­ფი­ის­თვის დიდი ფული მო­აქვს, ფუ­ლის გა­თეთ­რე­ბი­სა და სა­ვაჭ­რო საქ­მი­ა­ნო­ბის გარ­და.

იტა­ლი­ე­ლი გა­მომ­ძი­ებ­ლე­ბი ცდი­ლო­ბენ, გა­ი­გონ, რამ­დე­ნად ცხოვ­რო­ბენ ეს "ვო­რე­ბი იტა­ლი­ა­ში - გან­სა­კუთ­რე­ბით, პუ­ლი­ას ტე­რი­ტო­რი­ა­ზე.

ცოტა ხნის წინ რომ­ში ერთ-ერთი ასე­თი კა­ნო­ნი­ე­რი ქურ­დი, თუ არ ვცდე­ბი, სა­ხე­ლად ჯე­მალ მი­ქე­ლა­ძე გარ­და­იც­ვა­ლა. იგი ქარ­თუ­ლი მა­ფი­ის ერთ-ერთ მნიშ­ვნე­ლო­ვან "ვო­რად" ით­ვლე­ბო­და, რომ­ში აფა­რებ­და თავს და შემ­თხვე­ვით აღ­მო­ა­ჩი­ნეს, რომ სა­ა­ვად­მყო­ფო­ში, გარ­კვე­ულ­წი­ლად უც­ნა­ურ ვი­თა­რე­ბა­ში გარ­და­იც­ვა­ლა. ოფი­ცი­ა­ლუ­რად მი­უ­თი­თეს, რომ სიკ­ვდი­ლის გა­მომ­წვე­ვი მი­ზე­ზი ნარ­კო­ტი­კე­ბის გა­და­ჭარ­ბე­ბუ­ლი დოზა იყო, მაგ­რამ შე­საძ­ლოა, სხვის მიერ გა­მოწ­ვე­უ­ლი სიკ­ვდი­ლი ყო­ფი­ლი­ყო... ამა­ზე დიდი გა­მო­ძი­ე­ბა არ ჩა­ტა­რე­ბუ­ლა, თუმ­ცა უც­ნა­უ­რად მო­მეჩ­ვე­ნა, რომ ასე­თი დო­ნის კრი­მი­ნალ­მა მარ­ტოდ­მარ­ტომ, რო­მის ერთ-ერთ სა­ა­ვად­მყო­ფო­ში, ასეთ გა­რე­მო­ე­ბებ­ში და­ას­რუ­ლა სი­ცო­ცხლე. ასეა თუ ისე, შეგ­ვიძ­ლია ვთქვათ, რომ იტა­ლი­ა­ში ქარ­თვე­ლი კრი­მი­ნა­ლე­ბი მძლავ­რად არი­ან წარ­მოდ­გე­ნილ­ნი.

- სამ­წუ­ხა­როდ, უამ­რა­ვი ამ­ბა­ვია იმის შე­სა­ხებ, თუ რო­გორ ქურ­დო­ბენ ქარ­თვე­ლე­ბი უცხო­ეთ­ში და იტა­ლი­ა­ში. თქვენს ქვე­ყა­ნა­ში, ეს ად­გი­ლობ­რი­ვე­ბის მხრი­დან ქარ­თვე­ლე­ბის მი­მართ გარ­კვე­უ­ლი ნე­გა­ტი­უ­რი აღ­ქმის ჩა­მო­ყა­ლი­ბე­ბას ხომ არ უწყობს ხელს?

- იტა­ლი­ა­ში ქარ­თუ­ლი თემი წარ­მოდ­გე­ნი­ლია, მაგ­რამ საკ­მა­ოდ ჩუ­მია. ამ მი­ზე­ზით ძი­რი­თა­დად ქარ­თვე­ლე­ბის შე­სა­ხებ ისე­თი სი­ახ­ლე­ე­ბი გვეს­მის, რო­გორც ეს უკა­ნას­კნე­ლია, რომ ხში­რად მსგავს, არ­ცთუ და­დე­ბით ფაქ­ტებ­თან არი­ან კავ­შირ­ში. სი­ნამ­დვი­ლე­ში, იტა­ლი­ა­ში ქარ­თვე­ლე­ბის ძა­ლი­ან დიდი სა­ზო­გა­დო­ე­ბაა წარ­მოდ­გე­ნი­ლი, გან­სა­კუთ­რე­ბით, დიდ ქა­ლა­ქებ­ში. ბევ­რი მათ­გა­ნი კო­მერ­ცი­ულ საქ­მი­ა­ნო­ბას ეწე­ვა. ქარ­თუ­ლი თემი ძა­ლი­ან მშვიდ სა­ზო­გა­დო­ე­ბად აღიქ­მე­ბა, მაგ­რამ აღ­მო­სავ­ლეთ ევ­რო­პის სა­ზო­გა­დო­ე­ბის უმე­ტე­სო­ბის მსგავ­სად, იტა­ლი­ა­ში ისი­ნი ძა­ლი­ან კარ­გად არი­ან ინ­ტეგ­რი­რე­ბულ­ნი.