მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სომხეთში მმართველი გუნდი რიგგარეშე არჩევნების ჩატარებაზე უარს ამბობს და ფაშინიანი არსად მიდის - "ასეთი მოთხოვნა საზოგადოებისგან არ არსებობს"
10:26 / 10-02-2021
სომხეთის მმართველი პარტია "ჩემი ნაბიჯი“ ვადამდელი საპარლამენტო არჩევნების გამართვაზე უარს აცხადებს, რადგანაც პარტიის წარმომადგენელთა შეფასებით, საზოგადოების მხრიდან მსგავსი დაკვეთა არ არსებობს.
აღნიშნული გადაწყვეტილება ერთგვარი მოულოდნელობა იყო, ვინაიდან ყარაბაღის ომის შემდეგ, ქვეყანაში შექმნილი პოლიტიკური კრიზისიდან გამოსავლად ვადამდელი საპარლამენტო არჩევნების გამართვა მიიჩნეოდა მმართველ წრეებშიც კი.
სომხური მედიის ცნობით, ხელისუფლების წარმომადგენლებმა 7 თებერვალს გამართეს შეხვედრა თავიანთ ლიდერთან, ნიკოლ ფაშინიანთან, ხოლო შეხვედრის დასრულების შემდეგ განაცხადეს, რომ მათ არ მიიღეს პრემიერ-მინისტრის წინადადება ვადამდელი არჩევნების ჩატარების შესახებ. მმართველ გუნდში ამბობენ, რომ ამ იდეას მხარს ვერ დაუჭერენ, რადგანაც საზოგადოების დიდ ნაწილს ეს არ სურს.
აღნიშნულთან დაკავშირებით "ჩემი ნაბიჯი" ოფიციალურ განცხადებასაც ავრცელებს:
"პრემიერ-მინისტრის ინიციატივას, რიგგარეშე არჩევნების ჩატარების დროის გარკვევის შესახებ, არ მოჰყოლია პოზიტიური გამოხმაურება. არ არსებობს რიგგარეშე არჩევნების მოთხოვნა ფართო საზოგადოებაში. “ჩემი ნაბიჯი” აგრძელებს ფაშინიანის მხარდაჭერას" - ნათქვამია განცხადებაში.
ცნობისთვის, ყარაბაღის ომის შემდეგ, სომხეთი ფართომასშტაბიანმა საპროტესტო აქციებმა მოიცვა. 17-მა ოპოზიციურმა პარტიამ გამოაქვეყნა განცხადება, სადაც ისინი ფაშინიანის გადადგომას ითხოვდნენ. ამასთან, 25 დეკემბერს ნიკოლ ფაშინიანმა "ფეისბუქზე" გამოქვეყნებული პოსტის საშუალებით შეატყობინა საზოგადოებას, რომ ის მზად იყო თანამდებობა დაეტოვებინა - "მე შემიძლია დავტოვო პრემიერ-მინისტრის პოსტი მხოლოდ ხალხის გადაწყვეტილებით", - წერდა სომხეთის პრემიერი.
ახლა კი, სომხეთის ოპოზიციაში ყოველივეს ფაშინიანის მხრიდან მანიპულაციად აფასებენ და ამბობენ, რომ პრემიერ-მინისტრის აღნიშნული განცხადების შემდეგ აქციების შეწყვეტა შეცდომა იყო. რეალურად, მუხტი დაიკარგა, ხოლო მმართველმა ძალამ სასურველი შედეგი მიიღო. სომეხ ექსპერტთა შეფასებით კი, ვადამდელ არჩევნებზე უარის თქმას არ მოჰყვება სომხეთში პოზიტიური რეაქცია არც ოპოზიციური სპექტრის და არც საზოგადოების მხრიდან. მიიჩნევენ, რომ ამგვარი ნაბიჯი პოლიტიკურ კრიზისს კიდევ უფრო გაამწვავებს და შესაძლოა, სომეხი საზოგადოების ნაწილის ქუჩის პროტესტი კვლავ ვიხილოთ.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოვა შენი დროც პაშინიან
მაგარი ახპერაა ფაშინიანი, ომი წააგო და მაინც ვერ შეარყიეს.