სუპერმარკეტების ქსელი „მაგნიტი“ ახალ გრანდიოზულ გათამაშებას იწყებს

სუპერმარკეტების ქსელი „მაგნიტი“ ახალ წამახალისებელ გათამაშებას იწყებს. ნებისმიერ მომხმარებელს, რომელიც „მაგნიტის“ ქსელის მაღაზიებს ესტუმრება, ყოველ დახარჯულ 10 ლარზე გათამაშების თითო ბილეთი გადაეცემა. „მაგნიტის“ მომხმარებლებს სუპერ პრიზების და ასევე მომენტალური ვაუჩერების მოგების შესაძლებლობა აქვთ.

ბილეთების გაცემა 1თებერვალს, დილის 8 საათიდან დაიწყება და 31 მაისის ჩათვლით გაგრძელდება. ამ პერიოდის განმავლობაში, სუპერმარკეტების ქსელ „მაგნიტის“ ყველა მომხმარებელს ეძლევა გამარჯვების შესაძლებლობა.

თითოეულ ბილეთზე დატანილია გადასაფხეკი ველი. საფარის გადაფხეკის შემდეგ, მომხმარებელი ან მომენტალური პრიზს - 10 ლარიანი ვაუჩერს მოიგებს ან მთავარი პრიზების - ბინის ან ხელფასის შემადგენელ ასოებს ამოიკითხავს. სრული სიტყვების - ბინა ან/და ხელფასის წარდგენის შემთხვევაში, მომხმარებელი ხდება სუპერ პრიზების მფლობელი.

თამაშდება ბინა თბილისში, 2 ცალი 1000 ლარიანი ხელფასი ერთი წლის განმავლობაში და 10 000 ცალი 10 ლარიანი მომენტალური ვაუჩერი, რომელსაც „მაგნიტის“ მომხმარებელი მოგებისთანავე მიიღებს. ვაუჩერის გამოყენება „მაგნიტის“ ნებისმიერ ფილიალშია შესაძლებელი.

გასათვალისწინებელია, რომ პრიზები გაიცემა გათამაშების დასრულებიდან მაქსიმუმ 30 დღის განმავლობაში, მომგებიანი ბილეთისა და პირადობის მოწმობის წარდგენიდან - არაუგვიანეს 6 დღის განმავლობაში.

სუპერმარკეტების ქსელი ''მაგნიტი'' 2015 წლიდან ფუნქციონირებს. „მაგნიტი“ პირველი კომპანიაა, რომელმაც ძირითადი აქცენტი ქსელის რეგიონში განვითარებაზე გააკეთა. ამჟამად კი მთელი საქართველოს მასშტაბით, მათ შორის დედაქალაშიც აქტიურადაა წარმოდგენილი. ამ დროის მონაცემებით, საქართველოს მასშტაბით „მაგნიტს“ 250-ზე ფილიალი აქვს და 4500-ზე მეტი თანამშრომელი ჰყავს დასაქმებული.

R