რომელ ეპიზოდზე ამბობენ ჩვენების მიცემაზე უარს გიორგი შაქარაშვილის მკვლელობის საქმის პროკურორის განცხადებით, აღნიშნულ ეპიზოდზე ბრალდებულები ჩვენების მიცემაზე უარს აცხადებენ
ფეხბურთელ გიორგი შაქარაშვილის მკვლელობის საქმის პროკურორის, დავით ყაზარაშვილის განცხადებით, აღნიშნულ ეპიზოდზე ბრალდებულები ჩვენების მიცემაზე უარს აცხადებენ.
როგორც მცხეთის რაიონულ სასამართლოში პროცესის დაწყებამდე ყაზარაშვილმა ჟურნალისტებთან საუბარში განმარტა, მიმდინარე კვირას სახელმწიფო ბრალდება გიორგი შაქარაშვილის მკვლელობის საქმეზე საკუთარი მტკიცებულებების გამოკვლევას დაასრულებს.
„დღევანდელ სასამართლო პროცესზე ბრალდების მხარე მტკიცებულებების გამოკვლევას აგრძელებს, დაიკითხება სამედიცინო კრიმინალისტი ექსპერტი, ასევე გამოვიკვლევთ ფოტო და ვიდეომასალას. ფაქტობრივად, ჩვენი მტკიცებულებების გამოკვლევა ამოვწურეთ, სამედიცინო ექსპერტების დაკითხვა, რამდენიმე ვიდეოფაილის, ფოტომასალის გამოკვლევა დარჩა. ამას ვამბობ, ბრალდებულების გარდა, ვინაიდან ბრალდებულები უარს აცხადებენ ჩვენების მიცემაზე. ვფიქრობთ, ამ კვირაში ბრალდების მხარის მტკიცებულებების გამოკვლევას დავასრულებთ“, - განაცხადა ყაზარაშვილმა.
ცნობისთვის, ფეხბურთელ გიორგი შაქარაშვილის მკვლელობის საქმეზე ბრალდებულები არიან: არჩილ გაგნიძე, ვახტანგ ჩიქოვანი, ნიკოლოზ რევაზიშვილი, ზ.ხ. და ა.ქ., რომელთაც ძალადობას, ძალადობის ორგანიზებას, მასში მონაწილეობასა და თავისუფლების უკანონო აღკვეთას ედავებიან.
